JOSHUA 17:18 - Hawa Naga Bible 2001

¹⁸ Kuz ghaq hong kuex nuimshiq muex mruez kueq. Kvruex hong kuex luingx rvtueq, yuq muinz nuimshiq rueq rumz htenc kuex shamc gay ruiux shuk kox maq shuk kox nuex httuiuc laz httax kuinz. Kanaan miqsaz kox nuex yanx renc htenc nuiyc miq hungc vlaungc httaz hvlc ngoz ruiux muinz, nuimshiq rueq tsuingshiq kuex yurc gay lot shuinx,” ngoz tueq jungx tueq.

ASII LAKDAP Bible (BSI)

¹⁸ Ku akin wang ka namshiq rii miraq. Kra wang ka bintang rum li jiimin, namshiq raq rum ka shiim lanta, siimko maq riita siimko na saüli tiisii shiim ronglaq. Kiimaq Kanannok sitlaq riiwe kla, tsangshiq jaq na jin maq atiiq kumrang leng asi li jiimin, kiimaq tsangshiq ka ahong alanok li jiimin, namshiq raq mijobaiq lot han.”

JOSHUA 17:18 Referencias Cruzadas

RAPHA HIQWA LAK 49:24

Yuq muinz Tvphaungc Tvsuip Tishox luimc kawc maq muinz, Israel muex Tvkhup wungx kuy jix Khelbuenx remc jix waz ningkhvnc nuex muinz, Piq laq kuex phaungx ngaungx vtueq, Piq yauk phumz tvhungc kuq tueq.

2 SAMUEL 18:6

Dawid nolaungx bix kuex yaruix tvnx kox nuex kaz wvnc vtueq Israel miqsaz htenc rulc Ephraim pulx roz maq rvlungc rv-khvt wvnc tueq.

Romans 8:31

Kvkhoc ngoz ruiux kuex vtanc khvnc maq lawc vtueq naungshiq rueq yvmx jungc lot juing lac? Tishox kuex naungshiq kox nuex httax ruiux yuq, uraq lac naungshiq kuex khawx lvlx gay lot phvnx?

Romans 8:37

Naungshiq kuex tv-phvlc lot muq kvruex kvdvyx muinz rvmuq, naungshiq rvhumc wvnc juing lvmx phvnx ruip saz nuex seng vtueq, naungshiq lungwawc jix waz maq pinhtumc lotlaungc wvnc jix htenc rvtiq.

TRI CHONGKE 33:17

Manx pung hungc muinz, Ngac lawx rungx muinz Yosep nuex mhttax kueq, Piq rungx htenc kuex Manase tvkoc vhingc hingc rvtueq, Ephraim tvkoc vmunc munc rvtueq. Kvruex maq miqphvnx htenc kuex tvhiz vtueq, Ghaq tvsuip nuex httuiuc laz thuq gay shuex.”

Hebrews 13:6

Kvkhoc rvtueq, “Taungjix kuex ngaz muex romc kuy jix waz rvtueq, ngaz yvmx muex muinz hiz mauk. Uwaz rueq lac ngaz kuex yvmx khoc lac rvlot phvnx?” ngoz tueq thuinz tvyungc vtueq naungshiq rueq jungx wuez ix.

JOSHUA 13:6

Lebanon Kanx htenc maq Misrephot Maim hvl nuex httax yaq kuz ghaq wawc miq wvyvmc rvtueq, Sidon miqsaz ghaqphux lotlaz lomx yaq. Israel miqsaz kvtenc waung wvnc ruiux yuq, kvruex miq htenc kuex ngaz rueq yurc gay shaungx. Ngaz rueq mnoz muex nvr phaungx rulc rv-ngvlc Israel miqsaz muex ghaqphux htenc kuex phvlc kuy rax.

JOSHUA 15:9

Ekvmaq raz tueq Nephtoa yuix saz Ruilx nuiyc Ephron Kanx hep wawc ghaqyungx htenc kuex yanz wvnc vtueq Bala (rvmuq ngoz ruiux Kiriat Jearim) nuex kvroz wvnc tueq,

JOSHUA 17:17

Yoshua rueq Ephraim nuiyc shalx nyuip Manase phvnx muex ngoc, “Nuimshiq kuex miq paunghvlc nuiyc luimc vkawc httaz hvlc rvtuit. Kvkhoc rvtueq nuimhez rueq ghaqphux phvlc shiz htauk nuex jvnc vtueq lvp shuinx.

JOSHUA 20:7

Kvkhoc rvtueq tsuinghez rueq Yodan ruilx maq shalx nyuip kox Naphtali kuz ghaq Galile hong wawc Kadesh nuex muinz; Ephraim kuz ghaq wawc Shekhem nuex muinz; Yuda kuz ghaq wawc Hebron htenc kuex httauk taq tueq.

1 SAMUEL 1:1

Ephraim phvnx wawc Elkana muingc yaq washiz kuex Ephraim hong wawc Rama ghaq nuex httax yaq. Piq kuex Zupha waruiuz wawc Tohu yuimx wuinz nuex seng yaq Elihu suiuz Jeroham saz rvtueq.