JOSHUA 18:1 - Hawa Naga Bible 2001

¹ Tsuinghez rueq wvmungx tuimx khvt gay lot tueq yix maq Israel miqsaz kuex Shilo ghaq nuex rvtuimx kaz vtueq Yehowa httax yaq Tap kuex guirx tueq.

ASII LAKDAP Bible (BSI)

¹ Israilnok raq Kanan mung ka kunlishe khatto. Raüta hiqshong thun ka jiiwanto. Raüta tsangshiq ka wiimungtam kunli Shilo chela na thungto. Raüta Tatiwe sichang tombutiip ka haito.

JOSHUA 18:1 Referencias Cruzadas

2 SAMUEL 7:6

Israel miqsaz htenc Ejip mungx wawc shvlx wvnc tauk maq phaungc vtueq majuiuc nuex httuiuc laz shomc yuimx mungx nuex ngaz mkaq muinz httax mauk shauk doc; tap nuex httax vtueq dvyx kvroz khuemx wvnc tauk.

1 HOKHVMX 14:2

Jeroboam rueq vtaungx nyuiuz muex ngoc, “Uraq muinz mnoz kuex sunx muq laz juing mshvmx kuex kvhttuiyq kvpuiuc maq raz tueq, ngaz ngoc Israel hokhvmx muex yaungx tuex ngoz tueq jungc jix shvmmax Ahija httax yaq Shilo ghaq nuex kaz kuiuz.

1 HOKHVMX 14:4

Kvkhoc rvtueq vtaungx nyuiuz kuex Shilo ghaq nuex httax yaq Ahija yuimx nuex kaz tueq. Ahija kuex rullungx nyuiuz waz muik vmawz shex rvtueq.

1 HOKHVMX 2:27

Kvruex yimaq Solomon rueq Abiatha kuex Yehowa yauk shuimc jix shomc waz wawc tvdung yurc gay tueq, kvkhoc piq rueq Shilo ghaq wawc Eli suiuz vsaz hez lvmz nuex seng vtueq Yehowa rueq jungx tueq kuex tvhungx wvnc tueq.

NEHEMIA 9:24

Tsuingshiq rueq Kanaan mungx kuex lvp wvnc tueq; kvyuq httax yaq miq htenc kuex mnoz rueq yurc gay toq. Mnoz rueq mmiqsaz htenc muex Kanaan hokhvmx bix nuiyc mungx miqsaz htenc kuex guirguenc lot juing hungc vlaungc kuq toq.

Tvtsvmc 78:60

Vpiq kuex naungshiq vmungx baung nuex httax wvnc tueq Shilo ghaqyungx wawc tap kuex tuip gay shec tueq.

Tvtsvmc 78:66

Vpiq ralx htenc kuex rv-nyuik wvnc vtueq pattup yvlc svy tvrvhumc tueq.

JEREMIA 26:6

Mnoz rueq tvhttoarc vtueq phvnx muq ngoz ruiux yuq, ngaz rueq Shilo kuex ruez gay tauk ikhoc vruex Shomc Yuimx vmuinz ngaz rueq ruez gay shaungx. Vruex mungkawx wawc miqphvnx htenc lotlaz rueq vruex ghaqyungx muingc kuex kvtuemc kvtaungc juing ikhoc tvyaungc shuex,” ngoz tueq jungx tueq.

JEREMIA 26:9

Vruex Shomc Yuimx kuex Shilo ikhoc yaungx wvnc vtueq, vruex ghaqyungx kuex miq vshiz muinz httax muq tvbac gay rvhumc tuex ngoz tueq Yehowa muingc maq yvmx ngoz tueq lac mnoz rueq jungx tonx?” ngoz tueq wiz phuex. Kvkaq miq htenc rueq ngaz kuex tuimx wvnc phuex.

JEREMIA 41:5

Shekhem, Shilo nuiyc Samaria wawc miq warok tvjvt httuiuc kaz tueq. Tsuinghez rueq kaq mul htenc kuex sulx gay ruiux, tsuinghez khvy htenc kuex juir vtueq, tsuinghez shauk gvnz kuex tvmac tsac wuez tueq. Tsuinghez rueq Shomc Yuimx nuex shomc kuy juing htenc nuiyc vhomc vtumc phvnx htenc kuex laq wuez tueq.

WEAWEA 32:22

mungtan kuex lvp tvy rax. Kvruex yimaq jix nuimshiq kuex Yehowa nuiyc miqmac phvnx Israel miqsaz laung nuex yauk shuimc shuimx tuit shex ningkhvnc nuex, vruex yuq yek kaz lvp tuinx. Kvkaq Yehowa rueq Yodan ruilx maq shaldungc kox mungx vruex kuex nuimshiq muex vphvlx kuq rvtueq lvmz tuiuz wvnc wuez shuex.

Acts 7:45

Kvruex yimaq naungshiq jix vwaz tamx rueq miqmac jix vwaz tamx kox wawc kvruex tap kuex tvhttoarc shuimx wvnc vtueq, Tishox rueq yurc gay tueq miqsaz htenc mungx nuex Yoshua rulc vdvmz tsuingshiq rueq khvt wvnc naungx tueq nuex, Tap kvruex muinz pix wvnc tueq. Kvruex Tap kuex Dawid pat nuex httuiuc laz vhttax rvtueq.

JOSHUA 18:2

Ghaqphux phvlc kuy max lvp shauk Israel miqsaz wawc phvnx mvshix doc kvjungx yaq.

JOSHUA 18:8

Yoshua rueq tsuinghez muex vkhoc jungx tvkhic tueq: “Wvmungx tuimx kvyuq khuemx kaz vtueq ghaqphux dvmx (mep) kuex tvhungx ruiux ngaz kox nuex yek waung luit. Kvkaq ngaz rueq vruex Shilo ghaq vmaq hangchac maq thvl ruiux, nuimshiq tvkoc Yehowa rulc ngaz rvjungc phaungx.” Kvkhoc jungc kuy jix tsuinghez muinz ghaqphux dvmx (mep) tvhungx kay kaz wvnc wuez tueq.

JOSHUA 19:51

Shomc waz Eleazar, Nun saz Yoshua nuiyc Israel miqsaz phvnx walaungx bix kuex Shilo ghaq nuex Yehowa rulc rvjungc phvnc tvkoc Yehowa httax yaq Tap kaluix daungx nuex hangchac maq vphvlx kuq ghaqruiy raungruiy rvtueq. Ekvkhoc maq mungx kuex phvlx tvlot tueq.

JOSHUA 21:2

Kanaan mungx Shilo ghaq maq tsuingshiq muex, “Nuiyshiq httaz juing ghaqyungx htenc kuy tvkoc muinz, kvruex ghaq tvroz nuex nuiyshiq suiux vngac remc juing kuy tvkoc muinz Yehowa rueq Moshe maq raz tueq kuq shec phuex,” ngoz tueq jungx tueq.

JOSHUA 22:12

Israel miqsaz htenc rueq kvruex thaungc kuex tay vtueq shaldungc kox wawc miqphvnx htenc kuex khvt kay muex ngoz tueq mungx miqsaz phungc kuex Shilo ghaq nuex rvtuimx kaz wuez tueq.

JOSHUA 22:19

Kvkhoc rvtueq nuimshiq ghaq vraungx kuex nawk palx tvkoc kvruk raz muq yaungx ruiux lec, Yehowa Tap httax yaq vpiq mungx nuex rvp wvnc luit, nuiyshiq ghaq vraungx wawc wvyvmc lvmz waung luit. Yuq muinz Yehowa naungshiq Tishox shomrawx maq lvy vtueq vganc shomrawx kuex tvhungx vtueq Yehowa muex nauk khawx lvlx kaz, nuiyshiq vmuinz nauk khawx lvlx vkueq.

JOSHUA 22:9

Kvkhoc rvtueq Ruben, Gad nuiyc Shaldungc Manase phvnx htenc kuex miqmac yuimx nuex yek waung wuez tueq. Tsuinghez kuex Kanaan mungx Shilo ghaq nuex httax yaq Israel miqsaz kox maq kaz wvnc vtueq, Yehowa rueq Moshe maq raz tueq nvr tueq rulc rv-ngvlc tsuingshiq rueq vlvp taq Gilead mungx nuex yek waung wuez tueq.

PHOWEBI 18:31

Tishox muex nawk palx juing Tap kuex Shilo nuex httax yaq wawwawx Mika rueq vtvhungx yac yuimx muinz kvruex hong kvyuq httax hvt dvyx rvtueq.

PHOWEBI 21:12

Tsuinghez rueq Jabesh ghaq wawc yalxtux rulx 400 kuex humc vtueq tsuinghez kuex Shilo ghaq wawc nolaungx jerak kvyuq shvlx laq tueq, kvruex ghaq kuex Kanaan mungx nuex rvtueq.

PHOWEBI 21:19

Kvruex yimaq tsuingshiq rueq, “Shilo ghaq nuex wawc wvruip tvhungx yaq Yehowa tvkoc moalx kuex mtanc rvmuq nuex httuiuc wvnc yaq shex,” ngoz tueq tvmaung wuez yaq. (Shilo ghaq kuex Bethel maq ghaqkhux kox, Lebona maq ghaqyaz kox, Bethel nuiyc Shekhem hvlwvl wawc lvmx kvmaq shaldungc kox samx nuex httax yaq.)

1 SAMUEL 1:24

Piq kuex vsaz rueq puix puinc gay yix maq wawc thuimx manx roalc pung vshiz, wungwanx kilogram 10, svpiq tix juix shiz kuex lvmz laq vtueq vsaz rulc vdvmz Shilo ghaq nuex kaz tueq. Hanna rueq nox kvruex Shilo ghaq wawc Yehowa yuimx nuex Samuel kuex shvlx laq tueq nuex piq nosaz shauk dvyx doc rvtueq.

1 SAMUEL 1:3

Elkana kuex Tvphaungc Tvsuip Yehowa muex nawk palx kay shomc nawk juing shomc kuy muex ngoz tueq Rama ghaq maq Yehowa shomc waz bix Eli saz miqwaz saz nueyc rvtueq Hophani nuiyc Phineha httax yaq Shilo ghaq nuex wawc tek kaz ruiux tuex.