James 1:4 - Hawa Naga Bible 2001

⁴ Nuimshiq kuex yvmx lvmx nuex ngoz ruiux muinz rax yaq lvmz vguez maq, hungx htaungx mvrc wvnc kuinz, nuimshiq rueq nanx vshuinx thuinz kuex vtvsuip nuex httuiuc laz tv-phaungx tvhttax shuinz.

ASII LAKDAP Bible (BSI)

⁴ Khekham maq silaq, anin wan ningkun maq chamchao thun ka tang wan ruq miitu, krai mren ümniika minhap kiimaq awongsii maiqse she mija haü kiimaq jamlai phan niimin kojo maü she mirhaü.

Muklom

⁴ Nim thaji jaksom na thanan ang ching, irimal ang ajo nim khakla ang nin, nim kam sha tahom ang na etho chamlang raaq o tho akum ang moq angna.

James 1:4 Referencias Cruzadas

YOBA 17:9

Miqmac pumz kuex muingjungc vhttax ngoz tueq kv-ngoc jix bix kuex tsuingshiq vlvmx rvtueq kuex jvnc vtueq jvnc vtueq tuiuz wvnc wuez yaq.

Tvtsvmc 37:7

Yehowa htumc nuex thuinz tvluz vtueq vpiq rueq tvyaungc wvnc shuex kuex bvmc wuez shuinz; honc bac jix kvmungx htenc lotlaungc wvnc vtueq, rungwanx wvnc tueq jix htenc kuex nauk tvmaung lawc kaz.

Tvtsvmc 40:1

Yehowa rueq romc kuy tvkoc ngvy thuinz tvluz vtueq bvmc vshaungx; kvkaq vpiq rueq tay vtueq ngvy khoarc kuex tay kuq phuex.

TAKSU LAK 4:8

Taksux tharc kuex lungwawx shuiuz, piq rueq mnoz kuex tvyungx luz kv-phux. Piq nuex rvwak kuiuz, mnoz muex piq rueq tvtsanc nganc kv-phux.

HABAKUK 2:3

Kvruex wuiyq taq shuiuz, yvmx khoc lac ngoz ruiux lec kvruex kuex vsuingc suing yaungx wvnc vkhing max httuiuc doc rvtueq. Yuq muinz vkhing kuex vlox dvyx httuiuc wvnc yaq, ngaz rueq mnoz muex tvkhic phaungx lvmz kuex vsuing httuiuc wvnc tuex. Kvruex httuiuc wvnc yaq vkhing kuex kvhet rut hvlc ikhoc yaungx yaq, yuq muinz kvruex bvmc shuiuz; kvruex kuex vsuingc suing yaungx wvnc tuex, kvruex httvmx tuex rvmuq.

Matthew 10:22

Ngvy ningkhvnc nuex miq ruip rawx rueq nuimhez kuex shuiuc pac kv-phuinx. Yuq muinz vtvsuip nuex httuiuc laz nanx lot jix waz kuex palc daungc rvhumc wvnc tuex.

Matthew 19:20

Yalxrox waz rueq, “Kvruex lotlaz kuex ngaz rueq nosaz maq phuex vphvnc tvhungx lot wuez shex, ngaz muex yvmx lac rax yek yaq nguinx?” ngoz tueq tvralc tueq.

Matthew 5:48

Kvkhoc rvtueq raungmungx wawc nuimshiq Waz kuex hunghtaungx yaq rvtueq rulc rv-ngvlc nuimshiq muinz hunghtaungx wuez kuinz!

Mark 10:21

Yesu rueq piq kuex lawc tvtsuingc ruiux lungwawx vtueq, “Phvnx shiz dvyx shex rax yaq. Mnoz waung vtueq mnoz nuex httax yaq lotlaz kuex shaung vtueq htemc saz jix muex phvlx kuq waung kuiuz, kvkhoc ngoz ruiux jix raungmungx nuex mnoz luiz waungx yaungx tuiux; kvruex yimaq ngvy yix nuex phvnx koq,” ngoz tueq piq muex jungx tueq.

Luke 18:22

Yesu rueq kvruex kvjaz kuex tay vtueq, “Mnoz rueq phvnc juing phvnx shiz doc httax yaq, mnoz rueq lvp taq toq htenc kuex shaung gay ruiux, htemc saz jix muex phvlx kuq shuiuz, kvkhoc shuimx kaz ruiux yuq jix raungmungx wawc tsak vnyvmx kuex lvp wvnc shuiux, kvkhoc phvlc kuy yix maq ngvy yix nuex phvnx koq,” ngoz kuq tueq.

Luke 21:19

Nuimshiq kuex phaungx duing maq wuez kuinz, ngoz ruiux palc daungc wvnc rvhumc tuinx.

Luke 8:15

Ghaq hvlx nuex vdvy vlix kuex bomjungc tay wvnc vtueq, vhvlx nuiyc vtay vphvnc wvnc lvmz thuinz vmungx nuex kop wvnc vtueq vthuey thuey tuex nuex httuiuc laz nanx lot jix hez kv-ngoc rvtueq.

John 17:23

Mnoz rueq ngaz tvkaz vtueq, mnoz rueq ngaz lungwawx phux ikhoc, tsuingshiq kvmuinz lungwawx vshuiux lvmz mungkawx miqsaz htenc rueq tuiuz laz juing, ngaz kuex tsuingshiq rulc httax ruiux, mnoz muinz ngaz rulc httax vtueq tsuingshiq kuex vshiz dvyx m-yaungx wvnc kueq.

1 Corinthians 2:6

Yuq muinz ngaz rueq taksux tharc bomjungc kuex siyac nuex rullungx nyuiuz waz yaungx yaq jix htenc muex dvyx jungphvnx tauk, kvruex taksux tharc kuex mungkawx nuex seng muq, mungkawx wawc vyungx vlaungx bix muex muinz seng muq, mungkawx wawc vyungx vlaungx bix luimc vkawc kuex vmoz vmaq wvnc ngoz tueq dvyx httax yaq.

Galatians 6:9

Kvkhoc rvtueq vhvlx yauk shuimc nuex naungshiq kuex thuinz tvyomx tvruinc miq maq shuimx wuez ix, kvkhoc thuinz tvruinc thuinz tvyomx miq ngoz ruiux kuex vkhing httuiuc wvnc tuex nuex naungshiq rueq tvjomx gvnz wvnc wuez shix.

Colossians 4:12

Epaphra rueq muinz gvnhttuingc ngoz kuq yaq, piq kuex nuimshiq phungc wawc Christu Yesu nvrc waz vshiz rvtueq. Piq rueq nuimshiq tvkoc mkaq muinz thuinz tvyungx vtueq vjux thoz yaq, nuimshiq rueq Tishox thuinroc lvmx nuex rvkhauk laz phvnx wvnc vtueq, vhvlx waq tuiuz wvnc jix Christan miqsaz yaungx vtueq, phaungx duingduing jvp lot tvkoc piq rueq Tishox muex jungx tvtay yaq.

1 Thessalonians 5:23

Nomic waz Tishox rueq nuimshiq lotlaz muex mtvsawc nawc kuq kv-phuinx. Naungshiq Taungjix Yesu Christu httuiuc kaz ruex nuex, nuimshiq htauk nuex mvrax nyvnc juing yvmx muinz vguez tvkoc Tishox rueq nuimshiq shauk vgvnz, thuinz, siyac kuex mtvwungx kuq kv-phuinx.

2 Timothy 3:17

Tishox yauk shuimc gurc pic jix waz kuex vhvlx phvnx yauk shuimc phvnx ruip saz kuex shuimc kay tvkoc vthenc vtuiuz mvrc vtueq shuimc rax marrarc htenc kuex khauk tvyaolc tvy jix waz rvtueq.

Hebrews 13:21

Nuimshiq rueq vpiq thuinroc lvmx shuimc kay tvkoc nuimshiq nuex rax thuiyc yaq vhvlx phvnx lvmx ruip saz kuex nomic Tishox rueq nuimshiq muex mkuq kv-phuinx, Taungjix kuex vpiq thuinroc rulc rv-ngvlc Christu maq naungshiq muex tvhungx htaungx tvmvrc kuq phuex. Yesu Christu maq vpiq rueq raungc raq yaq lvmx kuex naungshiq mtvyaungc phueq, Christu nuex pattup pat-sac ngauz vngax mhttax kueq. Amen.

James 1:5

Yuq muinz nuimshiq wawc washiz shiz taksux tharc rax kaz ruiux yuq piq rueq Tishox kox wawc mthoz shueq, Tishox rueq piq muex kuq shuex; yvmx khoc lac ngoz ruiux lec vpiq rueq lotlaz laz muex vphungc vphawx kejux maq kuy jix waz rvtueq.

James 3:2

Naungshiq lotlaz kuex vlox lox dvyx yaq wuez vtix. Yuq muinz miq vshiz kuex piq bomc vnyamc maq mkaq muinz yaq muq ngoz ruiux yuq, kvruex waz kuex hungx htaungx mvrc yaq waz rvtueq, piq shauk vgvnz wvtaungx khvrc lot jix waz rvtueq.

1 Peter 5:10

Yuq muinz nuimshiq kuex vlosaz dvyx kuilc daz rvhumc tuinx yix maq, kejux lotlaz Taungjix rvtueq Tishox rueq nuimshiq kuex Christu rulc vshiz dvyx tvyaungc ruiux, pattup ngauz vngax nuex nyuip lvp wvnc muex, nuimshiq gvl jix Taungjix vpiq rueq nuimshiq kuex vrax vguez laz juing hunghtaungx tvmvrc lvmz, tv-phaungx ngaungx lvmz, hungc vlaungc tvmvrc kuq vtueq phaungx ngaungx yaq ruingshungc nuex jvp lvp vkhangx kuq kv-phuinx.

2 Peter 1:9

Yuq muinz kvruex hungc lvp muq jix htenc ukhaq yuq muinz vluz wawc khiz muq muik mawz waz rvtueq, piq lvy wvnc tueq wawc mvrax htenc tvsawc rvhumc tueq lvmz kuex rvwvl muq lauk gay tueq.