James 1:5 - Hawa Naga Bible 2001

⁵ Yuq muinz nuimshiq wawc washiz shiz taksux tharc rax kaz ruiux yuq piq rueq Tishox kox wawc mthoz shueq, Tishox rueq piq muex kuq shuex; yvmx khoc lac ngoz ruiux lec vpiq rueq lotlaz laz muex vphungc vphawx kejux maq kuy jix waz rvtueq.

ASII LAKDAP Bible (BSI)

⁵ Shatmiitiina, namshiq liipan na, ara chongtiikai minhap maiqse rilung ara siwan miitu, taksu tsii ka lap mak shaqli, weshi ra asi jiila, apaiq raq Shiikeawe ma achu mijaü laq. Raüla, Shiikeawe raq apaiq ma mikuq. Jamkhano ngukla, taksu tsii jaüti, wiita ma, Shiikeawe raq jaq tiichhii raüta, khoqriiq shishiiq maq, raükhokkhok kuq tlo.

Muklom

⁵ Nim wang chamtey ma thunglam akum ang ajo, Shkewa ching wang chuk ching, piq aa nim ma ukot eq na; chammatakoi Shkewa utin kot eq, aja bi hunga thaji ma ko aa.

James 1:5 Referencias Cruzadas

1 KAÜWA WERAÜ 22:12

Vpiq Tvrac rulc rv-ngvlc Israel mungtan kuex mnoz rueq guimz lawc lot laz juing Yehowa m-Tishox rueq mnoz muex tharc nuiyc taksux tharc kuex mkuq kv-phux.

2 KAÜWA WERAÜ 1:10

kvkhoc rvtueq ngaz rueq tsuingshiq kuex guimz lawc juing khuec nuex taksux tharc nuiyc phaqjic kuex kuq koq. Kvkhoc kuq muq ngoz ruiux kuex ngaz rueq vtanc khvnc paung yaq mmiqsaz htenc kuex yvmx khoc lac guimz lawc lot shaungx?” ngoz tueq tvtay jungx tueq.

Tvtsvmc 51:6

Mnoz rueq thuinz vrux lvmx nuiyc rvkhauk laz lvmx kuex thoz vshuiux ningkhvnc nuex; ngvy thuinz mungx nuex mnoz taksux tharc tvmvrc kuq koq.

DUNGWVNC 31:3

ngaz rueq piq muex ngvy luimc vkawc tvmvrc kuq tauk. Ngaz rueq piq muex vtuiuz vtay tharc, vthenc vtuiuz phaqjic, yauk maq shuimc juing phvnx ruip saz shuimc thenc juing,

DUNGWVNC 31:6

Piq rulc vdvmz yauk shuimc tvkoc Dan phvnx wawc Ahisamak saz Oholiab kuex ngaz rueq thvl taq shec tauk. Vganc tuiuz thenc yaq thamtharc lotlaz muinz vyungx khvmc juing ngaz rueq kuq shec tauk, kvkhoc rvtueq tsuingshiq rueq shuimc tvkoc nvr tauk:

TAKSU LAK 8:17

Ngaz muex lungwawc jix kuex ngaz rueq lungwawx vshaungx; ngvy thuiyc jix ukhaq rueq muinz ngaz kuex humc lot yaq.

Matthew 11:20

Yesu rueq vwangc juing romzyac tvkhic wvnc tueq miqghaq htenc wawc miq htenc kuex tsuingshiq mvrax wawc thuinz layc wuez muq ningkhvnc nuex kvruex miqghaq htenc muex vkhoc httonx tueq.

Mark 16:14

Lotlaz vtvsuip nuex shex, Yesu kuex sangac bix rokshiz rac washiz tsuinghez dungc vsaq nuex kvkhic kaz tueq. Vpiq thueyc vtueq yuing kvtenc wvnc tueq lvmz khic jix hez kvjaz kvmac kvmx muq, thuinz tsanc hvlc ningkhvnc nuex tsuinghez kuex svl tueq.

John 14:13

Vsaz htauk maq Vwaz ngauz vngax tvkhic tvkoc ngvy muingc ruingc vtueq, nuimshiq rueq thoz shuinx htenc kuex ngaz rueq shuimx kuq phaungx.

John 15:7

Nuimshiq kuex ngaz nuex rvwak vtueq ngvy kvjaz vruex muinz nuimshiq nuex rvwak ruiux kuex, nuimshiq rueq thoz shuinx phvnx htenc kuex lvp wvnc shuinx.

John 4:10

Yesu rueq, “Tishox rueq vkuq kejux yauk noalc kvmuinz, mnoz kox wawc vnuingc juing yuix thoz jix waz kvmuinz mnoz rueq tuiuz ruiux yuq, mnoz rueq vpiq kox wawc thoz ruiux, vpiq rueq mnoz muex rullungx tvraungx juing yuix kuq kv-phux,” ngoz tueq tvralc tueq.

2 Corinthians 2:16

Batac momaq kay jix htenc tvkoc kvruex vhomc kuex vthueyc rvyaq phvnx thuingc muex yaungx ruiux, palc daungc wvnc rvhumc jix htenc tvkoc kuex rullungx tvraungx wvnc juing vhomc vtumc muex yaungx yaq. Kvkhoc rvtueq vkhoc phvnx yauk shuimc kuex uraq lac shuimx lot shvnx?

James 1:17

Vhvlx nuiyc hunghtaungx yaq kejux yauk noalc vngoz htenc kuex raungmungx raungwuic shvmx htenc Tvdung sung ruiux raungnyauk kuex ruip rux vtueq tvyek yix muq raungmungx nuex httax yaq Tishox kox wawc svt kaz tueq.

James 3:17

Yuq muinz raungwawc vhttuiuc kaz taksux tharc kuex vphaungc shauk vsawc rvtueq, kvruex yimaq nomic yaq, kenrix thuinz nyenz nuiyc kungjix kamjix tvyaungc yaq kvdvyx muinz rvmuq, lungwawc menjenc thuinz mvrc vtueq vhvlx phvnx shuimc vkay ngoz yaq vpuic vthuey htenc kuex tvyaungc kuq yaq; kvruex kuex htvlx phawc thvlc httauk nuiyc kvyonc yuk lvmz lomx muq.

James 5:16

Kvkhoc rvtueq nuimshiq vdvmz dvmz miqmac mvrax htenc kuex kvjungc vtueq vdvmz dvmz vjux thoz ruiux yuq, nuimshiq vthuiuz vsac htenc kuex hvlx wvnc tuex. Miqhvlx jix rueq vjux thoz kuex luimc vkawc httax yaq.

1 John 3:22

Naungshiq kuex vpiq nvrc bomc htenc kuex phvnx tvhungx vtueq vpiq rueq raungc raq yaq yauk shuimc kuex shuimx vshix ningkhvnc nuex, naungshiq rueq thoz shix kuex naungshiq rueq lvp wvnc tiq.