James 1:3 - Hawa Naga Bible 2001

³ Yvmx khoc lac ngoz ruiux lec nuimshiq kvmluimx thuinz maq kvkhoc taruiyx yaq kuex taungx gay shuinx nuex, miqmac nuex vkhvmc lot juing hungc pinhtumc httax wvnc yaq kuex nuimshiq rueq tuiuz vshuinx.

ASII LAKDAP Bible (BSI)

³ Jamkhano ngukla, namshiq raq asap han, namshiq kamtsantsii raq atinkhan maitai ara tanglot raüla, kra tsi ngo ka anin wan ningkun asi she ngushat.

Muklom

³ chammatakoi nim kam thaktal wang nim thanan qhong aa ta usam eq inn.

James 1:3 Referencias Cruzadas

Luke 21:19

Nuimshiq kuex phaungx duing maq wuez kuinz, ngoz ruiux palc daungc wvnc rvhumc tuinx.

Romans 15:4

Rumvrc luik nuex wuiyq shec tueq htenc kuex naungshiq muex tvluingc kuy tvkoc vwuiyq shec rvtueq. Kvkhoc wuiyq shec tueq lvmz kuex naungshiq rueq Rumvrc luik wawc vlvp vnanx thuinz nuiyc thuinz nuex hungc vlaungc tvlvp ningkhvnc nuex tvluimc juing lvmx lvp wvnc tvkoc rvtueq.

Romans 2:7

Miq vganc kuex vhvlx yauk shuimc shuimx hvt maq ngauz vngax, tvtsanc nganc nuiyc vthueyc vmvy vguez rullungx lvmx kuex thuiyx wuez yaq; kvkhoc jix htenc muex Tishox rueq pattup rullungx kuq shuex.

Romans 8:25

Yuq muinz naungshiq rueq khiz miqphvnx muex thuinz tvluimc ruiux kuex, kvruex naungshiq rueq nanx vtueq bvmc wuez vshix.

Romans 8:28

Tishox muex lungwawx vtueq vpiq rueq dvnc dawc yaq rulc rv-ngvlc vgvlc rvhumc jix htenc tvkoc lotlaz muex vhvlx lvmz m-yaungx wvnc kueq, Tishox kuex tsuingshiq rulc vdvmz nuex yauk shuimc yaq kuex naungshiq rueq tuiuz vshix.

2 Corinthians 4:17

Nuiyshiq vlosaz rvhumc vtix vjawz dvyx kuilc daz rueq mkaq muinz yungx luz yaq pattup ngauz vngax kuex nuiyshiq muex tvlvp luz wvnc phuex.

Colossians 1:11

Nuimshiq kuex phvnx ruip saz htauk nuex thuinz tvluz vtueq nanx thuinz httaz tvkoc, vpiq ngauz vngax luimc vkawc maq vlvp hungc vlaungc phvnx ruip saz htauk nuex jvp juing tv-phaungx wuez shuinz. Kvmaq raungwuic mungtan nuex vpiq miqsaz tvkoc vtaq shec ruimrix kejux htenc kuex nuimshiq muex tvlvp aungx yaq waz Tishox vpiq kejux kuex kokez thuinz maq tvtsvmc wuez shuinz.

2 Thessalonians 1:4

Kvkhoc rvtueq nuiyshiq rueq doc muinz nuimshiq lvmz kuex Tishox phungc htenc nuex kvsomc parc jungx vshix, nuimshiq kuex vguirc vguenc nuiyc vkuilc vdaz rvhumc ruiux yuq muinz, vphaungx maq kvmluimx thuinz vngaungx httax vtuinx lvmx kuex lawc vtueq nuiyshiq kvsomc parc jungx vshix.

2 Thessalonians 3:5

Nuimshiq rueq Tishox lungwawc thuinz kuex pinhtumc khic tuiuz wvnc tvkoc nuiyc Christu rueq vkuq nanx thuinz pinhtumc tuiuz tay wvnc tvkoc muinz, Taungjix rueq nuimshiq muex lvmx mshvlx kuq kv-phuinx.

Hebrews 10:36

Tishox thuinroc lvmx shuimc kaz vtueq vpiq bomkhvmc rulc rv-ngvlc vjux lvp wvnc laz juing nuimshiq thuinz vluz maq nanx juing rvtueq.

Hebrews 12:1

Naungshiq tvkoc nuex vtanc khvnc paung yaq hakhix htenc kuex naungshiq tvkomc tuimz nuex httax yaq. Kvkhoc rvtueq naungshiq muex tuingshaung yaq gurc htenc muinz, naungshiq nuex phaungx hvlc kop yaq mvrax htenc muinz lvmz gay ruiux, naungshiq vyuz rvsherc tvkoc hangc vshix laungc jungx yaq nuex httuiuc laz khvmc thuinz maq yuz rvsherc wuez ix.

Hebrews 6:12

Nuiyshiq rueq nuimshiq kuex vduimz vlemz jix muex tvyaungc roc miq, kvmluimx vtueq thuinz vyungx vluz jix yaungx ruiux Tishox rueq kuq tueq tsak vnyvmx lvp wvnc jix htenc ikhoc nuimshiq nuex yaungc wvnc roc vshix.

1 Peter 1:7

Kvkhoc taruiyx rvhumc lvmz kuex Tishox muex nuimshiq vsuing shuex kvmx vtuinx, kvmx muit lac kuex talc lawc tvkoc rvtueq. Tvbac gay lot yaq kuimshawx doc muinz wvr maq tvyuimx shuz lawc shix rvtueq, kuimshawx htauk nuex muinz vhtawz tsanc hvlc phvnx nuimshiq kvmluimx kuex phaungx ngaungx rawc nuex talc lawc rvhumc vtuinx rvtueq. Kvkhoc ngoz ruiux jix Yesu Christu httuiuc kaz tuex raungnuiyq nuex tvtsvmc kvmc lvmz, ngauz vngax nuiyc tvtsanc nganc kuex nuimshiq rueq lvp wvnc wuez shuinx.

2 Peter 1:6

phaqjic nuex miqmac shauk gvnz ruip rux nuex nanx lvmx muinz, vnanx lvmx nuex tvrac tvtsanc lvmx muinz;