James 1:2 - Hawa Naga Bible 2001

² Iphuz inox bix lex, nuimshiq kuex guirguenc taruiyx phvnx ruip saz rvhumc tuinx nuex, nuimshiq tvkoc vkoz vkez juing rvtueq ngoz tueq lvp wvnc shuinz.

ASII LAKDAP Bible (BSI)

² Iphu inotiim lei, namshiq raq phanrap phanrii maitai riihum tlan na akhing na, kopan jonghea nguta tiima rong laq.

Muklom

² I no nia pho tang, nim uphan phan tsamnang na ang inn jo, esha sungrang raaq ta tathin inn,

James 1:2 Referencias Cruzadas

Acts 5:41

Kamx waz hez rueq miqmac kuex Yesu ningkhvnc nuex yvlc svy rvhumc aungx yaq ngoz tueq Tishox rueq wvlc kuy rvhumc ningkhvnc nuex vkoz vkez maq Suingdaungx Muingdaungx phungc wawc dung kaz wvnc wuez tueq.

Romans 5:3

Kuilc daz rvhumc ruiux muinz kokez kvsomc parc vtix, yvmx khoc lac ngoz ruiux lec kuilc daz rueq vnanx thuinz muex tvyaungc kuq yaq,

Philippians 1:29

Nuimshiq kuex Christu muex kvmluimx ningkhvnc nuex dvyx muinz rvmuq, vpiq tvkoc kuilc daz rvhumc ikhoc maq vpiq yauk shuimc kuex gurc pic vkhangx kejux kuy rvhumc tuit.

Philippians 2:17

Mkhoc shoc maq nuimshiq kvmluimx tuinx kuex Tishox muex shomc kuq yaq shomc nawk kuy juing htauk nuex, ngvy thuiuzthuic tvguiy shvy kuy juing ngoz ruiux kuex, ngaz kuex kokez vtueq nuimshiq rulc vdvmz nuex kokez taungx.

Philippians 2:18

Nuimshiq muinz kokez vtueq ngaz rulc vdvmz nuex kokez wuez kuinz.

Colossians 1:24

Ngaz kuex nuimshiq tvkoc vkuilc vdaz rvhumc ningkhvnc nuex kokez vtaungx. Christu kuex vpiq shauk pumz ngoz yaq phungc tvkoc nuex kuilc daz rvhumc wvnc tueq rulc rv-ngvlc, ngaz kuex ngvy shauk pumz tvkoc kuilc daz rvhumc ikhoc Christu shauk pumz ngoz yaq phungc laung nuex rvhumc muex kvjungx yaq kuilc daz htenc kuex ngaz rueq romc tvmvrc kuq vshaungx.

Hebrews 10:34

Nuimshiq kuex khoktep nuex shuiuz rvhumc jix htenc rawc nuex menjenc thuinz httax wvnc tuit, miqmac hup vsvmx htenc laungc maq nyvlc wvnc kv-phuinx muinz kokez thuinz maq dvyx nanx wvnc tuit, yvmx khoc lac ngoz ruiux lec vtsanz pinhtumc httax yaq hup vsvmx phvnx shishiz nuimshiq rueq lvp taq tuit kuex nuimshiq rueq tuiuz vshuinx.

James 1:12

Mvyx tvy rvhumc ruiux yuq phaungx duingduing tvmtuing httax jix waz kuex thuinhvlx yaq, yvmx khoc lac ngoz ruiux lec piq rueq kvkhoc talx lawc yaq kuex lotlaungc wvnc shuex nuex Tishox rueq vpiq muex lungwawc jix muex kuq shaungx ngoz tueq bomkhvmc kuq shec tueq rullungx yauk mauk kuex lvp wvnc shuex rvtueq.

James 1:16

Lungwawc phunox bix lex, tvshonx ronx jix ningkhvnc nuex lvmx nauk tvmawc kaz!

James 1:19

Lungwawc phunox bix lex, vruex rvwvl wuez shuinz! Nuimshiq miq tek vtueq vtay wvnc lvmx nuex lvwvnz wuez kuinz, yuq muinz vjungc vphvnc lvmx nuiyc thuinkhvy juing lvmx nuex nauk tvlox shox kaz.

James 5:11

Tsuingshiq kuex nanx thuinz vhttax jix htenc rvtueq ningkhvnc nuex, tsuingshiq kuex thuinhvlx yaq ngoz tueq naungshiq rueq ngoz vshix. Yoba rueq nanx wvnc tueq lvmz nuimshiq rueq tay wvnc tuit, vtvsuip nuex Taungjix rueq piq muex yvmx khoc lac lawc mawc wvnc tvnx lvmz kuex nuimshiq rueq tuiuz yaq. Yvmx khoc lac ngoz ruiux lec Taungjix kuex lungwawx menjenc thuinz mvrc yaq waz rvtueq.

2 Peter 2:9

Kvkhoc rvtueq Taungjix rueq tvrac tvtsanc jix htenc tsuingshiq rvhumc yaq taruiyx lvmz htenc mungx kvwawc yvmx khoc palc wvnc juing lac nuiyc honc vbac jix htenc muex khac phoc Raungnuiyq nuex httuiuc laz, yvmx khoc murx tvgurc juing lac kvmuinz vpiq rueq tuiuz yaq.

Revelation 2:10

Mnoz rvhumc wvnc juing kuilc daz muex nauk hiz kaz. Lawc shuiuz! Nuimshiq muex talc lawc tvkoc Htaungc rueq nuimshiq wawc wvyvmc kuex khoktep nuex shauk vtueq nuimshiq kuilc daz jamjaux rvhumc tuinx lvmz kuex raungx rokshiz tup httvmx tuex. Vthueyc nuex httuiuc laz ngaz nuex tvmtuing httax kuiuz, kvkaq ngaz rueq mnoz muex rullungx khushec kuq phaungx, kvruex kuex mnoz rueq taungx wvnc toq yauk mauk rvtueq.