James 1:4 - ASII LAKDAP Bible (BSI)

⁴ Khekham maq silaq, anin wan ningkun maq chamchao thun ka tang wan ruq miitu, krai mren ümniika minhap kiimaq awongsii maiqse she mija haü kiimaq jamlai phan niimin kojo maü she mirhaü.

Hawa Naga Bible 2001

⁴ Nuimshiq kuex yvmx lvmx nuex ngoz ruiux muinz rax yaq lvmz vguez maq, hungx htaungx mvrc wvnc kuinz, nuimshiq rueq nanx vshuinx thuinz kuex vtvsuip nuex httuiuc laz tv-phaungx tvhttax shuinz.

Muklom

⁴ Nim thaji jaksom na thanan ang ching, irimal ang ajo nim khakla ang nin, nim kam sha tahom ang na etho chamlang raaq o tho akum ang moq angna.

James 1:4 Referencias Cruzadas

YOBA 17:9

Aki miikiimbi nguta tiingoti thun ka, tsangshiq dea riikhaq li nguta tiima tlo.

Tvtsvmc 37:7

Tsankhun maq khelaq laüta Tatiwe ma jaq ka tiishamlaq; juwa chiithe lüwa jarai wantlaq kra chhilaüta naq chaparaikiq riimakla jurwa abi kiimung raüta ongraitlaq kra miitu naq chapakiq.

Tvtsvmc 40:1

Ngi raq Tatiwe khrum ka tsankhun maq khekang; kiijiishe apaiq raq ibom ka taito, raüta ngi hoqsii kang kra treto.

TAKSU LAK 4:8

Nyan phaqchi ka lungwii laq, raüla kriinyung raq ümniika ajong ma mitiija; Apaiq ka ümkhuk na pom laq, raüla apaiq raq ümkhushü mitiijong.

HABAKUK 2:3

Ara riisham bomchong hongwan akhing, misaü shaqli; Arka miku wan dongdii jaqlo miili. Ngi raq jamlai wa chongkang kra, mihong wan dongdii. Alo kuwan mak tiijai tlo ngochangchang miraq, Shatmaq kherong laq miku wan dongdii; Arka poimak phan; Alu ka khing mak she.

Matthew 10:22

Maiq wiitarü raq namshiq ka i mang na makshu rashe mingeng. Shatmaq jurwa atiithum ranaiq na saüli nin wan tlaq, kriiti kli mitiichhii.

Matthew 19:20

Kiijiishe, “Ngi raq arthun aming arka wiita lang wan kang she. Arthaq na ngi raq sham chang abi jamlai wa sitla?” nguta norii we raq Jesuq ma waito.

Matthew 5:48

Ramungtan na siti nam We Shiikeawe raq namshiq ka jamkho adang na lakshiipo lak tlaq ikha lungwii tlaq, kiikhiisii hali, namshiq riimin Shiikeawe wokhong na siwan lanta apaiq bom ka poshi min tlea man maq tai lili ronglaq!”

Mark 10:21

Kiijiishe Jesuq raq apaiq phanü na, mangchan lam maq lii raüta apaiq ma akha chongkuqto, “Ümniiraq phanshi jaqsham chang dea asi shaq li. Ümniika ümjam na jangkikiq. Laüta tachong tsiiq anyam ka wiita asha riilaq. Laüta, kra kampho ka miitsan maiqse ma pheakuq laq. Akha riihaü jiila, ümniika ramungtan na chiithe ma mija haü. Kra laüta, i phana wara. Laüta i jaqshi se miishe jawan laq.”

Luke 18:22

Jesuq raq ara bomtre kra tai raüta, apaiq ma chongkuqto, “Ümniiraq phanshi ri dea sham chang asi shaq. Ümtachong hupsam ümchuwa, kra wiita asha riilaq. Laüta, kra sha kampho ka, miitsan maiqse ma phea kuq laq. Kra riihaü jiila, ümniika ramungtan na chiithe ma mija haü. Laüta wara. I jai arshe phan laq.”

Luke 21:19

Namshiq jaqkhon ka naq tiihiim rongkiq. Pharang rang maq chap wan ruq li si rong laq. Kra riihan jiila, namshiq raq riikhaqli maiqmii rilung kra milap wan han.”

Luke 8:15

Tsamlai hiqngam ba na arokti ka ara. Maiq ümriiti riiwa, Shiikeawe bomtsi ka tai raüta, tsan mong na tiitsang dada maq rümtlaq, raüta thaq mak phan maq lang tlaq kra chongtlo. Raüta, atsi ango ka dong mantlo.”

John 17:23

Ngi ka tsangshiq rai pumshi. Kiimaq ümniika ngi rai pumshi. Krai mren, tsangshiq ka weshi ikhli she misi laq. Ara chhi raütiishe, mangjong maiqse raq, ngi ka ümniiriidea tiikilaü, kiimaq ümniiraq tsangshiq ka ngi jamkho lungwii tlaü, kiikhiisii lungwii tlaü ngutiishe misap wan.

1 Corinthians 2:6

Li jiimin, ngi raq taksma phaqchi tsütsa ka kamasham na maiqlati ma min phanchan kuq wan tiikang dea na. Shatmaq tiina ara chongtiikang taksma phaqchi arka mangjong hiq wa phaqchi ka riimak. Kiimaq ara mangjong hiq langti ningkun miimin riimak: Ara ningkun thun arka ajom wan miiqshmiiq sitlo.

Galatians 6:9

Riita, ija, ümchaü min, ara chong tiikai arai mren, nashiq ka ahea awa jaqsham wan kli she shiichaq rong i. Nashiq raq shamhea kaiwa ka thaq mai maq, shiichaq wan ruq sham hai jiika, akhing ashi na, nashiq raq tsam ka mijut wan rong i dongdii.

Colossians 4:12

Kiimahali, namshiq kongti we Epaphratas, Jesuq Khristo jaqshise raq namshiq ma salam tiitai tlo. Apaiq raq namshiq miitu, ranaiq- tek achu jaü shiikut kuq tlo. Apaiq achu jaü na, Shiikeawe raq namshiq ka kamasham na pharangrang maq, maiqla ma mitiija laq nguta achu jaü kuq tlo. Raüta, namshiq raq Shiikeawe aming ka kiqshi min tlea man maq, lang lanta mijong wanlaq nguta achu jaü kuq tlo.

1 Thessalonians 5:23

Riita, nashiq ka khusang maq rüm wanti Shiikeawe raq, namshiq ka apaiq phumram kham maq batshat raüta, namshiq ka phanrap na asii arai, kiimaq namshiq khum ka, wiipumtam maq, namshiq wenyi ka, namshiq tsaiji ka, kiimaq namshiq han-ngam khum ka, Tati Jesuq Khristo saükai akhing ranaiq na saü li, ashe ashi miphan jam min ahü maq, siirai raihea maq mirümkom wan laq nguta, achu jaü tiikang.

2 Timothy 3:17

Krai mren, jurwa Shiikeawe shiikumpantlaq kriiti ka phanrap na asap atsin miraq kiimaq phanrap shamhea kaiwa shamtiwe ma mijalot.

James 1:5

Shatmiitiina, namshiq liipan na, ara chongtiikai minhap maiqse rilung ara siwan miitu, taksu tsii ka lap mak shaqli, weshi ra asi jiila, apaiq raq Shiikeawe ma achu mijaü laq. Raüla, Shiikeawe raq apaiq ma mikuq. Jamkhano ngukla, taksu tsii jaüti, wiita ma, Shiikeawe raq jaq tiichhii raüta, khoqriiq shishiiq maq, raükhokkhok kuq tlo.

James 3:2

Ara jamkhano chong tiikang ngukla, nashiq tarü raq pahea ashut klo tiikai. Na shut ka naq raq apako sap mai riitiikai. Shatmaq Phungmaiqse liipan na jurwa abom poshi min shut mak phan maq bom tlaq jiika, apaiq ka minhap she dea nguta ngo chang misi. Apaiq ka asii miikiimse ashi nguta, abom poshi achan bom mak phan miraq.

1 Peter 5:10

Shatmaq namshiq ka alose chamchao lot jai, phanrap kaphaptiwe, jurwa namshiq ka apaiq pattup pat-sa chhainyii kra Khristo pum lümaq riishake miitu hea wantaq, apaiq raq namshiq ka minhap ma mitiija, kiimaq pharang rang, ningkun, kiimaq tiimeshi mak arang mitiiphakuq wan.

2 Peter 1:9

Shatmaq kamasham maiqse ngu raü, ju khum niiwa ara chongtiikai thun angu tu ka ahü, kriiti ka amak achuk we, lairap samhea chhi tsii mak we ikha. Kiimaq amak chuktlii we ikhli sitlo. Akhiiti riika, Shiikeawe raq akhum wa anyung pukdong ngarai ka diibaiqto she ngutiimin sapphaq mak miili, angi we ikhli sitlo.