DUNGWVNC 34:28 - Hawa Naga Bible 2001

²⁸ Moshe kuex kvruex baung kvyuq Yehowa rulc vdvmz vnuiyq 40, vwvrx 40 yvmx muinz phauk saq nuingx muq maq dvyx httax tueq. Piq rueq lungdvmx htenc htauk nuex bomkhvrc ngoz yaq Tvrac Rokshiz kuex wuiyq taq tueq.

ASII LAKDAP Bible (BSI)

²⁸ Mosheq ka kiijaq Tatiwe rai raroq blai ranaiq rawa sidamto. Apaiq raq kra bala dung min siq mak kiimaq kham min nyang mak riito. Apaiq kra longpen wiinai kiijaq tongshong bomtsi thun Aming Roqshi kra waiqto.

DUNGWVNC 34:28 Referencias Cruzadas

1 HOKHVMX 19:8

Eliya kuex kvtenc vtueq phauk saq ruiux, vsawc kanx ngoz yaq Sinai nuex raungx 40 tup lvmx khuemc tvkoc vruex phuiuz svy rueq piq muex hungc vlaungc hungx laz kuq tueq.

DUNGWVNC 24:18

Moshe kuex phuemx rueq puingc yaq kankhux kvyuq duiz waung tueq. Piq kuex kvruex yuq vnuiyq 40, vwvrx 40 httax tueq.

DUNGWVNC 31:18

Tishox rueq Sinai Kanx maq Moshe muex jungc kuy lot yix, Tishox vpiq rueq bomkhvrc htenc vwuiyq taq lungdvmx nueyc kuex piq muex kuq tueq.

DUNGWVNC 32:16

Lungdvmx nueyc nuiyc lungdvmx htauk nuex wuiyq tueq tvrac htenc kuex Tishox yauk maq vtvhungx yauk mal rvtueq.

DUNGWVNC 34:1

Yehowa rueq Moshe muex ngoc, “Vphaungc wawc lungdvmx nueyc ikhoc lungdvmx vnueyc kuex tvhungx shuiuz, mnoz rueq tvbunx gay toq vphaungc wawc lungdvmx nueyc nuex wuiyq tauk luik thuey htenc kuex lungdvmx nueyc vyuq ngaz rueq wuiyq shaungx.

DUNGWVNC 34:10

Yehowa rueq Moshe muex ngoc, “Majuiuc ngaz rueq Israel miqsaz htenc rulc bomkhvrc vshiz taq shaungx. Ghaq htauk wawc miqphvnx htenc nuex mkaq muinz shuimx wvnc mauk phvnx yauk shuimc yunghvlc htenc kuex tsuingshiq khaungkac nuex ngaz rueq shuimx shaungx. Mnoz tvkoc ngaz rueq shuimx lot shaungx yauk shuimc kuex vhiz juing ningkhvnc nuex Ngaz, Yehowa rueq shuimx shaungx yauk shuimc yunghvlc htenc kuex miq lotlaz rueq khiz wuez shuex.

Matthew 4:2

Majuiuc raungrok bvlic tup raungnuiyq raungwvrx phuiuz svy mamc tueq yix maq Yesu kuex rvmc svy rvhumc tueq.

Luke 4:2

raungx 40 tup Htaungc rueq laulawc rvhumc tueq. Kvruex baunglaung vpiq rueq yvmx muinz phauk saq muq, kvruex yimaq vpiq kuex rvmc thuiuz rvhumc tueq.

2 Corinthians 3:7

Lungdvmx htauk nuex wuiyq shec tueq Tvrac kuex kuq tueq nuex Tishox ngauz vngax phelez dung tueq, kvruex ngauz vngax phelez yaq kuex Moshe htvlx phawc wawc jausuc suc maq thuik wvnc ruiux muinz, pinhtumc phelez ruq dvyx ningkhvnc nuex Israel miqsaz htenc rueq piq kuex tiq lawc lot muq. Vthueyc vmvy tvyaungc yaq Tvrac muex kvkhoc ngauz vngax kuq shec tueq ngoz ruiux kuex,

TRI CHONGKE 10:10

“Ngaz kuex vphaungc wawc lauk ikhoc kanx htauk nuex raungrok bvlic tup raungnuiyq raungwvrx httax tauk. Kvruex lauk nuex muinz Yehowa rueq ngvy kvjaz kuex tay kuq vtueq, nuimshiq kuex tvbac gay muq tvkoc vpiq raz tsaz naungx phuex.

TRI CHONGKE 10:5

ngaz kuex kvwek vtueq kanx htauk maq svt kaz tauk. Yehowa rueq nvr phuex rulc rv-ngvlc ngaz rueq vtvhungx jep mungx kvyuq htawc taq tauk, kvruex lungdvmx nueyc kuex majuiuc nuex httuiuc laz httax yaq.

TRI CHONGKE 4:13

Yehowa rueq nuimshiq rulc vtvhungx bomkhvrc ngoz yaq Tvrac Rokshiz kuex phvnc rax lvmz jungx kuq tueq. Kvruex tvrac kuex lungdvmx vnueyc nuex wuiyq taq shec tueq.

TRI CHONGKE 9:18

Kvruex yimaq Yehowa khaungkac nuex laukshiz hulawx raungrok bvlic tup raungnuiyq raungwvrx phuiuz guez svy guez maq bumx vtueq httax wvnc tauk. Nuimshiq rueq Yehowa muex yaq gay vtueq vpiq thuinz tvkhvy ningkhvnc nuex vkhoc ngaz rueq shuimx wvnc tauk.

TRI CHONGKE 9:25

“Kvkhoc rvtueq vpiq rueq nuimshiq kuex tvbac gay tvkoc dvnc tueq kuex ngaz rueq tuiuz vtueq, Yehowa khaungkac nuex raungrok bvlic tup raungnuiyq raungwvrx ngaz bumx tauk.

TRI CHONGKE 9:9

Yehowa rueq nuimshiq rulc vtaq bomkhvrc vwuiyq taq shec lungdvmx htenc kuex lvmc kay tvkoc ngaz kuex kanx nuex duiz waung tauk. Raungrok bvlic tup raungnuiyq raungwvrx ngaz kuex yvmx muinz phauk saq mauk maq kankhux nuex dvyx httax tauk.