DUNGWVNC 34:29 - Hawa Naga Bible 2001

²⁹ Moshe kuex Sinai Kanx maq Tvrac Rokshiz kuex lvmz laq vtueq svt kaz koq tueq, piq htvlx muinz vphez vlez rvtueq, yvmx rvtueq lac ngoz ruiux lec piq kuex Yehowa rulc rvbomc lvp ningkhvnc nuex rvtueq, yuq muinz piq rueq tuiuz muq.

ASII LAKDAP Bible (BSI)

²⁹ Ümtiikiiwa Mosheq ka Sinai Pum maq Aming Roqshi kra piho raüta satkitaq akhing na, atheaphi ka achhai anyii riito. Jamkhano ngukla apaiq ka Tatiwe rai riibom shat riito. Shatmaq apaiq riika hemak dea.

DUNGWVNC 34:29 Referencias Cruzadas

DUNGWVNC 16:15

Israel miqsaz rueq vphux sahez kuex khiz vtueq yvmx lac rvtvnx kuex tuiuz muq ningkhvnc nuex, “Vruex yvmx lac,” ngoz tueq vdvmz dvmz rvwiz soz wuez tueq. Moshe rueq tsuingshiq muex ngoc, “Vruex kuex nuimshiq rueq phuiuz tvkoc Yehowa rueq vkuq phuiuz vsvy rvtueq.

DUNGWVNC 31:18

Tishox rueq Sinai Kanx maq Moshe muex jungc kuy lot yix, Tishox vpiq rueq bomkhvrc htenc vwuiyq taq lungdvmx nueyc kuex piq muex kuq tueq.

DUNGWVNC 32:15

Moshe rueq samx nueyc vtaungx nuex tvrac htenc vwuiyq lungdvmx nueyc kuex lvmz laq vtueq, kanx maq svt kaz tueq.

DUNGWVNC 34:35

kvkaq Israel miqsaz rueq piq htvlx vphez vlez kuex khiz wuez tueq. Kvruex yimaq piq kuex Yehowa rulc lauk shiz max rvbomc wawwawx vhtvlx kuex phajet maq puingc taq gay yaq.

THARC TVLUINGC 8:1

Wvtharc jix rueq dvyx hup vsvmx vlvmz kuex rvkhauk laz tuiuz lvp shuex. Taksux tharc rueq piq muex tvnueyx ruiux lawc roc muq muik maq lawc yaq shvmx kuex tvmoz kuq gay yaq.

Matthew 17:2

Tsuingshiq muik lawc nuex vpiq shvmx kv-phelc wvnc vtueq, vpiq htvlx kuex shalx ikhoc phez ruiux, vsvmhung muinz raungwuic ikhoc lez tueq.

Mark 14:40

Kvruex yimaq sangac bix kox nuex yek waung koq tueq tsuinghez kuex muik miz sac hvlc ningkhvnc nuex kvtsoalx rvkaz wuez tueq kuex vpiq rueq khiz tueq. Tsuinghez rueq vpiq muex yvmx khoc tvralc juing wuez tuiuz wuez muq.

Mark 9:6

Tsuingthuimx pinhtumc hiyaz kawc yawc ningkhvnc nuex piq rueq yvmx jungc juing wuez tuiuz muq rvtueq kvkhoc jungx tueq.

Luke 2:49

Vpiq rueq tsuingnueyc muex, “Yvmx ngoz tueq lac ngaz thuiyx vphuinx? Ngaz kuex Iwaz yuimx nuex httaz mvy yaq lvmx nuimnueyc rueq tuiuz muit haz?” ngoz tueq tvralc tueq.

Luke 9:29

Piq rueq vjux thoz yaq baunglaung, vpiq htvlx phawc shvmx kv-phelc wvnc tueq nuiyc vpiq svmhung kvmuinz luic hvlc phelez wvnc tueq.

John 5:13

Yuq muinz hvlx kaq tueq waz rueq piq muex kvkhoc nvrc jix waz kuex ukhaq wuez raz tvnx piq rueq tuiuz muq, yvmx khoc lac ngoz ruiux lec Yesu kuex nuk miqsaz phungc wawc kvhelc muq maq dungc wvnc ningkhvnc nuex rvtueq.

Acts 12:9

Peter kuex khoktep wawc dung vtueq raungkamx waz yix nuex phvnx laq naungx tueq; yuq muinz raungkamx waz rueq vsuing shvlx yaq lvmx kuex piq rueq tuiuz muq, romzyac maq tvkhic yaq shvmx ngoz tueq dvyx tvmaung tueq.

Acts 23:5

Polu rueq, “Ngvy phunox Israel miqsaz lex, piq kuex Shomc Wayungx ngoz tueq ngaz rueq tuiuz mauk ningkhvnc nuex rvtueq. Rumvrc luik nuex, ‘Mphvnx mmaq guimz lawc jix waz muex kvjaz vbac ngoc mvy muq,’ ngoz tueq wuiyq shec tueq,” ngoz tueq.

Acts 6:15

Kvkaq Suingdaungx Muingdaungx rvtuimx ngaungc yaq jix lotlaz rueq Stephen kuex tvtsuingc lawc koq tueq, piq htvlx phawc kuex raungkamx waz htvlx phawc ikhoc rvtueq kuex tsuinghez rueq khiz wuez tueq.

2 Corinthians 3:13

Nuiyshiq kuex Moshe ikhoc rvmuq, piq htvlx wawc phelez yaq thuik moz wvnc tueq kuex Israel miqsaz rueq khiz muq tvkoc htvlx phawc kuex phajet maq puingc gay tueq.

TRI CHONGKE 10:5

ngaz kuex kvwek vtueq kanx htauk maq svt kaz tauk. Yehowa rueq nvr phuex rulc rv-ngvlc ngaz rueq vtvhungx jep mungx kvyuq htawc taq tauk, kvruex lungdvmx nueyc kuex majuiuc nuex httuiuc laz httax yaq.

JOSHUA 2:4

Piq rueq, “Miqwaz rulx wvyvmc ngvy yuimx nuex waung ruex, yuq muinz tsuinghez kuex mnuex maq vhttuiuc kaz wuez tuiuz mauk. Tsuinghez kuex palx kaluix max shauk, shalx nyuip wvnc nanac nuex kaz wvnc wuez vtuex. Tsuinghez mruex kox nuex wuez kaz wvnc vtvnx kvmuinz tuiuz mauk, yuq muinz tsuinghez yix nuex yauk lox maq yurc ruiux kuex lauz lot shuinx,” ngoz tueq jungx tueq. (Kvkhoc jungx tueq yuq muinz Rahab rueq sisunx jix waz nueyc kuex yuimx wux khux htauk nuex tvduiz vtueq wux khux htauk nuex vtaq ruiybanc kawz phungc khung nuex httuiyq tueq.)

JOSHUA 8:14

Ai hokhvmx waz rueq Yoshua nolaungx bix jex yaq kuex khiz vtueq, piq nuiyc piq nolaungx bix lotlaz kuex htat htat rvtuimx vtueq, kungkhux wawc baung kvyuq Israel nolaungx bix kuex khvt kay ngoz tueq Yodan ruilx warc nuex kaz wvnc wuez tueq, yix kox maq lung wvnc shuex lvmz kuex piq rueq tuiuz muq.

Revelation 1:16

vyauk yaukkeq kox nuex ruiysuiyq poz mvshix shuimx taq tueq, Vnuix maq samx wvguip httehvlc yaung dung yaq. Vpiq htvlx kuex shalhtungx baung wawc shalx ikhoc kawc yaq.

Revelation 10:1

Kvruex yimaq raungmungx wawc hungc vlaungc httaz hvlc raungkamx washiz svt kaz yaq kuex ngaz rueq khiz tauk. Piq rueq phuemx kuex svmx ruiux, vkhux tvroz tuimz nuex mvlx thuingx httax yaq; vhtvlx kuex shalx rulc rv-ngvlc yaq, Vyaz kuex wvr htung ikhoc rvtueq.

PHOWEBI 16:20

Kvruex yimaq piq rueq, “Samson lex! Philistin miqsaz kaz yaq!” ngoz tueq ramc tueq. Kvkaq piq kvsvmc kvtenc vtueq, “Piq kuex yac dauk ikhoc dvyx dung wvnc lvp taungx,” ngoz tueq tvmaung tueq. Piq kuex Yehowa rueq gay shex tueq lvmz piq rueq tuiuz muq.