DUNGWVNC 34:28 - ASII LAKDAP Bible (BSI)

²⁸ Mosheq ka kiijaq Tatiwe rai raroq blai ranaiq rawa sidamto. Apaiq raq kra bala dung min siq mak kiimaq kham min nyang mak riito. Apaiq kra longpen wiinai kiijaq tongshong bomtsi thun Aming Roqshi kra waiqto.

Hawa Naga Bible 2001

²⁸ Moshe kuex kvruex baung kvyuq Yehowa rulc vdvmz vnuiyq 40, vwvrx 40 yvmx muinz phauk saq nuingx muq maq dvyx httax tueq. Piq rueq lungdvmx htenc htauk nuex bomkhvrc ngoz yaq Tvrac Rokshiz kuex wuiyq taq tueq.

DUNGWVNC 34:28 Referencias Cruzadas

1 HOKHVMX 19:8

Krai mren Elija ka akon wa tiidoto. Raüta winsü ka phaqto. Kiimaq kham ka nyangto. Krai mren apaiq raq kra tü adung phaqsiqtaq krai mren apaiq ka asii Sinai pum na saüli raroqblai lam kra khum wan miitu ningkun hongli lapto.

DUNGWVNC 24:18

Mosheq ka pum khuthaq na phum mong na düwanto. Kiijaq apaiq ka ranaiq rawa raroq blai siwato.

DUNGWVNC 31:18

Riita ümtiikiiwa Shiikeawe raq Sinai Pum maq Mosheq ma bom chongke kra lottaq, apaiq raq longpen wiinai na aming raütu apaiq jaq maq awaiq kra Mosheq ma kuqto.

DUNGWVNC 32:16

Shiikeawe apaiq raq ajaq maq longpen wiinai ka soqto. Raüta aming thun ka kriithaq na khat waiqto.

DUNGWVNC 34:1

Tatiwe raq Mosheq ma nguto “Apha lak wa kiikha longpen anai hailaq. Raüla Ngi raq apha lak awaiqha bomtsi longpen wiinai ümniiraq tiibun baiq laü kra bomtsi hali miwaiq nongha.

DUNGWVNC 34:10

Tatiwe raq Mosheq ma nguto, “Ngi raq ümchaü Israilnok rai tongshong tiikang. Tsangshiq rai mantut na Ngi raq ara mangjong hiq na siti maiq mung thun na ümtiikiimin sham mak dongdii phan jaqsham jonghea mishamkuqha. Ngi, Tatiwe raq ümtinkhan jonglu wa jaq shamlot tiikang kra maiqse wiita raq she michhi. Jamkhano ngukla Ngi raq namshiq miitu phiiptsi chang jaq she mishamha.

Matthew 4:2

Jesuq ka raroqblai, ranaiq rawa amang miili siwanto. Kriikha maq apaiq ka ramtsihea riito.

Luke 4:2

Kiijaq Thawe raq apaiq ka raroqblai maitaito. Kra liipan bala, apaiq ka jam min phaqsiq mak, amang maq sito. Kriikha maq, kra maitai akhing thum jai na, apaiq ka aramtsi riito.

2 Corinthians 3:7

Maiqse ma awaiq raüta akuq Thungtri ka longpen na waiq raüta kuqto. Kiimaq kra Thungtri kewan akhing ranaiq na, Shiikeawe ngao ka kai chhainyii liliimto. Mosheq theaphi kiimin kra ngao chhainyii raq pinthum chhairai wanto. Kra chhainyii raitaq kriika alose miituli chhaito. Li jiimin, Israilnok raq, Mosheq theaphi na tiqtiq ka liikham mak riito. Shiikeawe khushü ngao ngutlaq kriika, maiqse ma atsai kilü diketi Thungtri kewan akhing ranaiq na santla, kiitinkhan heng chhainyii liliim wantaq. Ikhiijiika, Asii Wenyi riishe jaqsham tlaq akhing ranaiq niika, Shiikeawe khushü ngao chhainyii liliim kriika nashiq nü maq achong lot mai she sitlo!

TRI CHONGKE 10:10

“Ngi ka kongkhu lak na siwakang kiikha pum na raroqblai ranaiq rawa siwa kang. Kiimaq Tatiwe raq thongshi ri hali ngi achu jaü ka treto. Raüta namshiq ka miqchup jiip baiq mang nguta kiq ka rito.

TRI CHONGKE 10:5

Krai mren ngi ka jai na hali jangho nong kang. Lata pumji niishe satho nong kang. Kiijiishe, Tatiwe raq ngi ma aming kuqtaq kra phan kra longpen dam wiinai ka ngi raq ahaiha tek mong na thükang. Krai mren, kra longpen wiinai ka ümchaü niitaq kra tek mong niili sitlo.”

TRI CHONGKE 4:13

Apaiq raq namshiq ma, namshiq rai tongshongtaq kra namshiq raq jamkha lang wan chang wa kra chong kuqto. Apaiq raq longpen anai na awaiq kuq Aming Roqshi kriika namshiq raq lang raa dongdii nguta namshiq ma chong kuqto.

TRI CHONGKE 9:18

Kra ningkhan jangshiri hali, ngi ka Tatiwe man na hiq na ku wantlii lata ranaiq rawa raroqblai bumkikang. Kiimaq tü adung min siq mang kiimaq kham min nyang mang maq achu jaükang. Ngi raq ara achu jaükang, jamkhano ngukla namshiq raq Tatiwe man na ngarai jonghea tang lan. Lanta apaiq tsan tiikhiq lan.

TRI CHONGKE 9:25

“Kriikha na, ngi ka Tatiwe man na, kra raroqblai ranaiq rawa hiq na kuwantlii maq achu jaü kang. Jamkhano ngukla ngi raq kunli asapha apaiq raq namshiq ka miqchup tiithumpak tiijiimbaiqla nguta kha ka atan wishe riito.

TRI CHONGKE 9:9

Ngi ka Tatiwe raq namshiq rai tongshongtaq bomkham kra longpen dam wiinai na awaiq kuq kra jaüwa pum na wa wan kang. Lata ngi ka kiijaq anaiq roqblai awa roqblai ranaiq rawa dungmin siq mang kham min nyang mang maq siwa kang.