DUNGWVNC 22:18 - Hawa Naga Bible 2001

¹⁸ “Miq ngvmc khic yalxjuik ukhaq yuq muinz vthvy rvgay rax.

ASII LAKDAP Bible (BSI)

¹⁸ “Jechak re nyungshi ra raq mintin klo raüla, apaiq ka atsea baiq ratlo.

DUNGWVNC 22:18 Referencias Cruzadas

ISAIA 19:3

Ngaz rueq Ejip miqsaz htenc kvmungx kuex tvbac gay ruiux, tsuingshiq thuinz kuex tvrv-phvlc gay shaungx. Tsuingshiq kuex tsuingshiq yac yuimx htenc rueq romc kuy tvkoc thoz wuez shuex, tsuingshiq kuex htaungc shvmmax bix kox nuex wisoz kaz vtueq, vthueyc kay wuez jix siyac rulc rvbomc muex tvhungx wuez shuex.

JEREMIA 27:10

Tsuingshiq rueq mnoz muex rot kaq vtueq mmungtan vwawc mnoz kuex vluz nuex shvlc lvy tvkoc tvhungx htaungx yaq. Ngaz rueq mnoz kuex yurc gay phaungx, mnoz kuex tvbac gay rvhumc tuiux.

JEREMIA 27:9

Raungwvrx maung vlvmz jalc jungc jix htenc, vthueyc vmaungx jix siyac kuex gvl vtueq luinglawc maq max kox wawc jungx lot yaq ngoc jix htenc, rvmuq ngoz ruiux nuimshiq shvmmax bix kvjaz kuex nauk tay wuez kaz. Tsuingshiq lotlaz rueq nuimshiq muex Babelon hokhvmx waz bomc nvrc juing muex yaungx muit tvkoc jungx wuez yaq.

LEWI 18:23

Miqwaz rvmuq ngoz ruiux yalxjuik kuex nyvmx saz rulc nauk rvshonx ronx kaz; kvkhoc ruez ruiux kuex nawk palx htungx maq mnoz kuex sawc muq rvtoq.

LEWI 19:26

“Tvguiy lomx yaq jac kuex nauk phauk kaz. Luingx vwaq lawc yauk shuimc nauk shuimx kaz.

LEWI 19:31

“Vthueyc kay jix hez siyac kvpumz jix muex tvluimx vtueq nauk wiz kaz, kvkhoc ruez ruiux yuq, nuimshiq kuex nawk palx htungx maq vshuy vshac yaungx tuinx. Ngaz kuex Yehowa nuimshiq Tishox rvtauk.

LEWI 20:27

“Vthueyc kay wuez jix siyac rulc rvbomc jix miqwaz yalxjuik ukhaq yuq muinz lung maq tuip vtueq thvy gay rvhumc tuex; kvkhoc phvnx yauk shuimc jix waz kuex vthueyc tvkoc murx gurx yaq,” ngoz tueq jungx tueq.

LEWI 20:6

“Vthueyc kay wuez jix siyac htenc rulc rvbomc yaq miqsaz htenc kox nuex wisoz kay tvkoc miq washiz shiz kaz tueq ngoz ruiux yuq, ngaz rueq piq kuex khawx gay ruiux, ngvy miq wawc tvdux gay shaungx.

Acts 19:19

Mantan yauk shuimc jix paunghvlc rueq muinz tsuingshiq luik dvp htenc kuex lvmz wvnc vtueq nuk waz htumc nuex wvr nuex jauk gay tueq. Kvruex luik dvp vhtawz kuex wvl koq tueq kuimphox sawx munc bv-ngac tanc rvtueq.

Galatians 5:20

yac yuimx nawk palx lvmx, ngvmc khic romshomz yauk shuimc, ralx muex rvyaungc lvmx, rvthoz rvthvy lvmx, khelric bac lvmx, thuinkhvy lvmx, rungx muq raz muq rv-nyanc wvnc lvmx, muingc yungc roc thuinz httaz lvmx, thuinz raz muq lvmx, phungc rv-phvlc wvnc lvmx,

TRI CHONGKE 27:21

“‘Nyvmx saz rulc rvjuik jix miq kuex Tishox mvnhttonx m-gurx shueq.’ “Kvkaq miq lotlaz rueq, ‘Amen!’ ngoz tueq tvralc wuez rax.

Revelation 22:15

Yuq muinz miq rvmuq layx bac jix htenc, mantan htaqpix shuimc jix htenc, sahtok sapawx shuimc jix htenc, miq thvy jix htenc, yac yuimx nawk palx jix htenc, vrot vkaq lvmz raungc raq vtueq shuimx kay jix htenc lotlaz kuex ghaqyungx phic kox nuex httax wuez tuex, ngoz tueq jungx phuex.

1 SAMUEL 28:3

Samuel thueyc kaz koq tueq, Israel miqsaz lotlaz piq tvkoc yonzyex wuez vtueq, piq httaz juing Rama ghaqyungx nuex luip tueq. Sholu rueq luinglawc jix nuiyc htaungc shvmmax htenc kuex Israel mungx wawc yurc gay tueq.

1 SAMUEL 28:9

Yalxjuik nyuiuz rueq, “Luinglawc thenc yaq jix nuiyc htaungc shvmmax nyuiuz hez kuex Israel mungx wawc yurc gay shaungx ngoz tueq, Hokhvmx waz Sholu rueq shuimc wvnc tueq lvmz kuex mnoz rueq vsuing tuiuz yaq rvyruiux, ngaz kuex tvthvy gay muex mnoz rueq bix tsvnc kuy hung vtuiux ix?” ngoz tueq tvralc tueq.