DUNGWVNC 22:17 - Hawa Naga Bible 2001

¹⁷ Yuq muinz yalxjuik saz kuex vwaz rueq miqwaz saz kvmac tvwaung roc muq ngoz ruiux kuex, piq rueq yalxjuik saz muex kuy tvraungx kuex vwaz muex kuy rax.

ASII LAKDAP Bible (BSI)

¹⁷ Shatmaq awe raq ase ka kriiwe ma tiiwa mak riiho raüla, apaiq raq awe ma kampho ka junsang se maiq ma tiiwa raüjaq apaiq tri ümchu ke chang wa kra kunli maq dok ratlo.

DUNGWVNC 22:17 Referencias Cruzadas

RAPHA HIQWA LAK 23:16

Abraham kuex raz naungx vtueq nuk waz khaungkac nuex Ephron rueq vhtawz vrawz htvp htaz tueq kuimphox shac bvlic kuex pvkac pvylvyc jix rueq shenc yaq kaqpex maq shenc tueq.

RAPHA HIQWA LAK 30:20

Piq rueq, “Tishox rueq ngaz muex yauk noalc vhvlx kuex menjenc kuq phuex. Ngaz rueq miqwaz saz waz tvruk kuex jawx kuq tauk ningkhvnc nuex, itaungx waz rueq ngaz kuex lvmz wvnc phuex,” ngoz vtueq nox kuex Zebulun ngoz tueq muingc tueq.

RAPHA HIQWA LAK 34:12

Nuimshiq thuinroc miqlvmc moalx tvkoc nuiyc kvrez hup svmx kuex vpaung htvp htaz vtueq thoz kuit. Dina kuex tvwaung kuq ruiux yuq, nuimshiq rueq thoz phuinx htenc kuex kuq phaungx,” ngoz tueq jungx tueq.

LEWI 20:6

“Vthueyc kay wuez jix siyac htenc rulc rvbomc yaq miqsaz htenc kox nuex wisoz kay tvkoc miq washiz shiz kaz tueq ngoz ruiux yuq, ngaz rueq piq kuex khawx gay ruiux, ngvy miq wawc tvdux gay shaungx.

TRI CHONGKE 18:10

Nuimshiq suiuz vsaz kuex shomrawx nuex wvr maq jauk shomc kuy juing phvnx muex nauk tvyaungc kaz; nuimshiq rueq luinglawc thenc, yauk ruiy lawc thenc, ngvmc khic yaungc thenc,

TRI CHONGKE 22:29

kvruex waz rueq yalxjuik saz muex vwaz kvmac miq lvmc laung kuimphox sawx rok bv-ngac maq htuimc kuy rax. Piq rueq yalxjuik saz kvruex yauk laungc maq htokpawx gay tueq ningkhvnc nuex miqmac taungx nyuiuz muex lvmc tvy rax. Piq tvraungx httax tuex wawwawx yalxjuik nyuiuz kvruex shulc gay mvy muq.

1 SAMUEL 18:25

Sholu rueq Dawid muex vkhoc jungc kuy tvkoc nvr tueq: “Hokhvmx waz rueq mnoz kox wawc roc yaq phvnx lotlaz kuex piq ralx hez kuex phuiuq lvmz lvp laz juing, vthueyc kay wuez Philistin miqsaz vkhuix httoarx shashiz kuex kvrez ikhoc muex wvl kuq shuex ngoz wuex,” ngoz tueq tvjungc tueq. (Vruex muinz Philistin miqsaz yauk nuex Dawid tvthvy gay tvkoc Sholu kvmungx dvyx rvtueq.)

1 SAMUEL 28:3

Samuel thueyc kaz koq tueq, Israel miqsaz lotlaz piq tvkoc yonzyex wuez vtueq, piq httaz juing Rama ghaqyungx nuex luip tueq. Sholu rueq luinglawc jix nuiyc htaungc shvmmax htenc kuex Israel mungx wawc yurc gay tueq.