DUNGWVNC 22:18 - ASII LAKDAP Bible (BSI)

¹⁸ “Jechak re nyungshi ra raq mintin klo raüla, apaiq ka atsea baiq ratlo.

Hawa Naga Bible 2001

¹⁸ “Miq ngvmc khic yalxjuik ukhaq yuq muinz vthvy rvgay rax.

DUNGWVNC 22:18 Referencias Cruzadas

ISAIA 19:3

Ejip mungti jaqsham siirütlaq thun ka Ngi raq mitang tabaiqha. Lata tsangshiq tsaiji kra mitranbaiqha. Tsangshiq ka ümkha ijasiq she miraq. Raüta tsangshiq sumla phra phong kriiphana ki raüta khrum mijaüki. Kiimaq tsangshiq ka wulum rai riibomti shammibi phana miki. Raüta wulum rai tsü riichongkai miki.

JEREMIA 27:10

Tsangshiq raq namshiq ka laotlo. Raüta namshiq ka pongmung na luhea na munglu shumwi ma mitiitsuqbaiq wan. Ngi raq namshiq ka ajo mirbaiqha. Krai mren namshiq ka wiita mithen wan han.

JEREMIA 27:9

Namshiq raq nam shammibi bom ka naq tai rongkiq. Riimakla maiq weshi ra raq rawiichii pat achat na jamlai hong wan chang wa sitlaq kra apaiq raq rawama maq chhilata, riimakla majikong ka healata michong lot ha, riimakla mintin klo lata michong lot ha nguta tiitsakitlaqti bom ka naq tai rongkiq. Tsangshiq wiitarü raq namshiq ma Bebilon mung hokhamwe puk na naq nyap rongkiq nguta chongtlo,

LEWI 18:23

Maiqwe ashi raq jiimin kiimaq jechak ashi raq jiimin nyamse rai hainga maimak. Kra ashut klo raüla ümniika ashe ma mijaki haü.

LEWI 19:26

“Jamlai phan ngam li jiimin wiitiijaitam maq naq phaq rongkiq. Jamlai phan mintin loqle min naq klo rongkiq.

LEWI 19:31

“Wulum rai bom riichong raüta tsii chongketibi phana namshiq ka langtliikai naqki rongkiq. Namshiq raq kra klo hanla namshiq ka ashe apii miishe mijaki han. Ngi ka Tatiwe namshiq Shiikeawe.

LEWI 20:27

“Maiq weshi ra raq, riimakla jechakre nyungshi ra raq, jurwa lang lii raüta wulum rai riibomtlaq, kriiti ka long maq tiitsailaq tiiqbaiq raa. Jurwa akhnok klo liitlaq, kriiti ka apaiq miisaq miitu mra ka apaiq riili kha ka miho.”

LEWI 20:6

“Kiimaq maiq ashi ra raq wulum rai riibomti shammi rai, lang tliiki raüla, Ngi ka apaiq ma wesang miishe mijaha. Kiimaq Ngi raq apaiq ka isengi nguta wea mang she mirha.

Acts 19:19

Maiq pahea raq kra akhing na awuq along, mintin loqle klo chang nai tei awiq tlang chang, kiimaq langlii chang lakdap thun kra nokwe makki na, keathung na lam wan raüta, wa na chaq baiqto. Kra chaq baiq wantaq lakdap thun thii kra wea wan raüta liikiita, kampho kamsii hingroq biingi rii saüto.

Galatians 5:20

Kiimaq, sumla noqpi wan, nai maiqwuq maiqlong jaqsham. Kiimaq, maiqse nai maiqse liipan na, wesang ralii ma riija wan. Raüta, riilong riiliiq miili siwan. Tsangshiq ka riishu riilii, akhiq abi, ngi nguli tiima tsii rüm tlaq thun kra. Tsangshiq liipan na, maiqmii wela jawan rang rang tsii, rümtlaq kra. Kiimaq, riitsea riitsiiq hon atsii kra.

TRI CHONGKE 27:21

‘Jurwa nyamse rai haingatlaq, kriiti ma Shiikeawe manson minilaq.’ “Kiimaq mung maiqse kunli raq mitre, ‘Amen!’

Revelation 22:15

Shatmaq chela phai na ashang baiq wanti maiqse thun kriika, ajok aliiq kiimaq maiqwuq maiqlongti, sethoq sepii jati, kiimaq showe lumwe ma jati, sumla phra noqtibi kiimaq abom asa na kiimaq jaqsham kaiwa na arot akiq wanti bi thun ka miraq.

1 SAMUEL 28:3

Riita Samuel ka atsaikaikun she. Kiimaq Israil mung tlotli raq apaiq maa ka maaho manyi raüta, apaiq sichang Rama chela na lapto. Kiimaq Saul raq Israil mung na siti teitlangtibi nai jaqliiti thun ka tlotli Israil mung wa jobaiqto.

1 SAMUEL 28:9

Kriinyung raq, “Ümniiraq ri asaphaü, Hokhamwe Saul raq jamlai wa riita. Apaiq raq maiqjaq liitibi nai wulum rai riibomdamti thun ka Israil mung wa wiita jiipbaiqto ihata. Riita, kra taü miimin, ümniiraq ngi ka thiikho na jaram tiidea wa, laüta ngi ka jaram tiitsea baiq wa tan tlaü?” nguta treto.