DUNGWVNC 19:18 - Hawa Naga Bible 2001

¹⁸ Sinai Kanx kuex wvr khuiuq rueq buingc wvnc tueq, yvmx khoc lac ngoz ruiux lec Yehowa kuex wvr ikhoc httuiuc kaz tueq. Wvr khuiuq kuex wvrkez wawc khuiuq yaq ikhoc raungx nuex duiz wvnc vtueq, wvkanx tuimx ghaq kvbuilc hvlc kvbuilc tueq.

ASII LAKDAP Bible (BSI)

¹⁸ Kra Sinai Pumkaü ka wiita hamli wakhuk raq pang wanto. Jamkhano ngukla Tatiwe ka kiijaq watu mong maq satkito. Kra wakhuk wa trang ka watum mong wa khuktlaq ikha ra na mong wanto. Kiimaq maiq kunli pinthum atiikhai rokrok haito.

DUNGWVNC 19:18 Referencias Cruzadas

RAPHA HIQWA LAK 11:5

Yehowa kuex kvruex hez rueq guirx yaq ghaqyungx nuiyc lunghtuimz tvhtuic kuex lawc kay httuiuc kaz vtueq,

RAPHA HIQWA LAK 15:17

Shalx nyuip wvnc ruiux raungnyauk wvnc vtueq wvr khuiuq dung yaq wvrkez nuiyc wvrluic thuiyc yaq wvr htung kuex dungphok dung kaz vtueq, ngvmx vtvkhoz htenc kvruex hvl maq lvy wvnc tueq.

RAPHA HIQWA LAK 19:28

Piq rueq Sodom nuiyc Gomorra nuiyc warc tvnx htenc lotlaz kuex lawc koq tueq, wvrkez maq wvr khuiuq dung yaq ikhoc ghaq tvnx maq wvr khuiuq dung thuiyc yaq kuex khiz tueq.

NEHEMIA 9:13

Mnoz kuex raungx mungtan maq Sinai Kanx nuex svt kaz ruiux; mmiqsaz htenc rulc mnoz rvbomc vtueq, tsuingshiq muex vhvlx tvrac htenc nuiyc vlvmx kuex tvluing kuq toq.

Tvtsvmc 104:32

Ghaq kuex vpiq rueq lawc koq tueq kvkhuirc rvyaq; kanx htenc kuex htuinc koq tueq kvruex wawc wvr khuiuq dung tueq.

Tvtsvmc 114:4

Kuz vkanx htenc kuex khelkhix hez ikhoc dawk dat vtueq; ghaqluimx htenc kuex khelbuenx sahez ikhoc dawk dat khuemx yaq.

Tvtsvmc 114:7

Ghaq lex, Yehowa httuiuc kaz yaq nuex nuiyc Yaku Tishox khaung-kac nuex hiyaz kvkhuirc kuiuz.

Tvtsvmc 144:5

O Yehowa lex, raungx kuex juir vtueq svt kaz loq; kanx htenc kuex htuinc shuiuz, kvruex wawc wvr khuiuq dung tuex.

Tvtsvmc 18:9

Vpiq rueq raungx kuex juir vtueq svt kaz ruiux; vhuk phac khung nuex nyauk hvlc phuemx maq svt kaz tueq.

Tvtsvmc 68:9

Mnoz rueq raungyunc jamc htvraq tvyunc vtueq m-ghaq htuiz rawk yaq kuex tvbuirc tvhemc yek toq;

Tvtsvmc 77:18

Mraungx tvmuk vtueq, raung- lep wvr htenc rueq mungkawx kuex tv-phez lez yaq; ghaq muinz kawc yawc kvkhuirc wvnc tueq.

Tvtsvmc 77:19

Mnoz kuex svmuktvrax yuix htauk nuex khuemx lvy wvnc vtueq thuiuz hvlc svmuktvrax kuex yanz wvnc toq; yuq muinz mhuk mal htenc kuex khiz lot miq.

DUNGWVNC 19:13

kvruex waz kuex uwaz rueq muinz shuimc mvy muq, lung poz rvmuq ngoz ruiux laqsvnz maq gap vtueq thvy gay rax. Kvruex phvnx muq ngoz ruiux kuex miqsaz muinz nyvmx saz muinz vthueyc rvhumc wuez tuex. Bolic thuiz ruiux yuq jix miq htenc kuex kanx nuex waungc mvy yaq,” ngoz tueq jungx tueq.

DUNGWVNC 19:17

Tishox rulc rvhumc tvkoc Moshe rueq tsuingshiq kuex jerak kvwawc shvlx laq vtueq, kanx yaz nuex jvp kaz wuez tueq.

DUNGWVNC 20:18

Miq htenc rueq raungmuk tvruingc, bolic thuic nuiyc raunglep, kanx maq wvr khuiuq dung yaq htenc kuex khiz tay vtueq, tsuingshiq kuex vluz nuex jvp ruiux hiyaz kvkhuirc wuez tueq.

DUNGWVNC 3:2

Kvruex baung kvyuq Yehowa raungkamx waz kuex rumz vshiz mungx kvmaq wvrluic ikhoc dung kaz tueq. Rumz nuex wvrluic thuiyc yaq kuex Moshe rueq khiz tueq, yuq muinz rumz kuex khamc muq.

DUNGWVNC 34:2

Invp raungnvp ngaz rulc rvhumc tvkoc Sinai Kankhux nuex duiz woz loq.

ISAIA 6:4

Tsuinghez guyc sez tvruingc rueq Shomc Yuimx yaz phaungx kvbuilc vtueq, Shomc Yuimx nuex wvr khuiuq mvrc kaz tueq.

ISAIA 64:1

Mnoz rueq yvmx ngoz tueq lac raungx kuex daz vtueq svt kaz muq rvtonx? Kuz vkanx htenc kuex mnoz khiz vtueq hiyaz kvkhuirc wuez tuex.

JEREMIA 4:24

Ngaz rueq kanx htenc kuex lawc koq tueq, kvkhuirc dvndvnz, ghaqluimx htenc kuex kvkhuirc dvndvnz.

HABAKUK 3:6

Vpiq jvp ruiux yuq, ghaq kvbex yaq; rvmak laz lawc koq tueq miqphvnx htenc hiyaz kvkhuirc wuez tueq, pattup pat-sac kuz vkanx htenc kuex bunx wvnc vtueq; mkaq muinz httax yaq ghaqluimx htenc, mvnnuex maq phuex vpiq khuemx juing ghaqluimx htenc htuip wvnc tueq.

JEKERIA 14:5

Nuimshiq kuex kanx hvlwvl warc tvnx lvmx maq yuz wvnc lvp tuinx. Yuda Hokhvmx Uzia pat nuex gaqyung mux vtueq, nuimshiq jix vwaz tamx yuz wuez tueq ikhoc, nuimshiq yuz wuez tuinx. Yehowa ngvy Tishox rueq vpiq rulc vdvmz httax yaq raungkamx bix lotlaz kuex shvlx laq ruex.

Matthew 24:7

Miq phvnx shix maq phvnx shiz nuiyc mungx shiz maq mungx shiz ralx rvkhvt wvnc tuex. Baung ruip saz nuex thuimkux rvmc dung wvnc tuex, gaqyung mux wvnc tuex.

TRI CHONGKE 33:2

Yehowa kuex Sinai Kanx maq kaz tueq; vpiq kuex Edom mungx htauk nuex httax yaq shalx ikhoc dung kaz tueq. Paran Kankhux maq vpiq miqsaz htauk nuex phelez kaz tueq. Raungkamx bix htenc munshiz kuex vpiq rulc httax yaq, vpiq yaukkeq kox nuex tsuinghez tvkoc wvrluic dung yaq.

TRI CHONGKE 4:36

Vpiq rueq nuimshiq muex jungphvnc kuy tvkoc raungx maq kvjak yaq tvruingc kuex tay wvnc tuit shex; ghaq htauk vyuq muinz vpiq vsawc wvr kuex nuimshiq muex tvkhic vtueq kvruex wvr mungx kvmaq nuimshiq rulc kvjak tueq.

TRI CHONGKE 5:22

“Yehowa rueq kanx hep nuex rvtuimx kaz tuit nuimshiq htenc muex tvrac htenc vruex kuq kv-phuinx. Yehowa rueq wvr nuiyc nyauk hvlc phuemx daungx mungx maq thuic bomc yunghvlc maq tvrac htenc vruex jungx kuq kv-phuinx, laukshiz hulawx jungx yek muq shex. Kvruex yimaq vpiq rueq tvrac htenc kuex lungdvmx vnueyc nuex wuiyq vtueq ngaz muex kuq phuex.

TRI CHONGKE 5:4

Yehowa kuex kanx htauk nuex wvr maq nuimshiq rulc htvlx rvhumc maq raz tueq kvjak kv-phuinx.

2 Thessalonians 1:7

Taungjix Yesu rueq Tishox muex tvdux gay jix htenc nuiyc naungshiq Taungjix Yesu Thuix Thaungx Vhvlx kuex tay phvnx muq jix htenc muex murx tvgurc kuy tvkoc vpiq hungc vlaungc httax yaq raungkamx bix rulc vdvmz wvrluic rulc nongx raungmungx maq dung kaz tuex nuex Tishox rueq kuilc daz rvhumc vtuinx nuimshiq rulc vdvmz nuiyshiq muex muinz thuinz hvlc juing tvlvp kuq shuex.

Hebrews 12:18

Nuimshiq kuex Israel miqsaz htenc ikhoc yauk maq pemz lvp yaq Sinai Kanx nuex httuiuc wuez vtuinx rvmuq, kvruex kanx kuex wvrluic wvrtuz dung ruiux nyauk wvnc vtueq, raunghtiq raungguil wvnc ruiux,

Hebrews 12:26

Kvtanc jauz vpiq tvruingc rueq ghaq kuex buil tueq; yuq muinz majuiuc kuex vpiq rueq, “Ngaz rueq yix maq laukshiz kuex ghaq vdvyx rvmuq, raungmungx kvmuinz buil gay shaungx,” ngoz tueq bomkhvmc shec tueq.

2 Peter 3:10

Yuq muinz Taungjix Raungnuiyq kuex vguiuq waz ikhoc httuiuc kaz tuex. Kvruex Raungnuiyq raungmungx kuex vthuic tvruingx ruiux moz wvnc tuex, raungshvmx htenc kuex wvr rueq khamc vtueq bac wvnc tuex, ghaq rulc vdvmz httax yaq phvnx ruip saz htenc muinz vmoz rvwvnc tuex.

Revelation 15:8

Shomc yuimx kuex Tishox ngauz vngax nuiyc luimc vkawc ningkhvnc nuex wvr khuiuq mvrc wvnc tueq, raungkamx waz mvshix rueq vlvmz laq thuimkux phvnx mvshix max htumx wawwawx, shomc yuimx mungx nuex ukhaq muinz nyuip waung lot muq.

Revelation 9:2

Piq rueq ghaqkhurx thuiuz hvlc kuex daz koq tueq, wvr khuiuq kuex wvrkez maq dung yaq ikhoc dung wvnc tueq; kvruex wvr khuiuq rueq shalx nuiyc raungwuilx wanc kuex tv-nyauk gay tueq.

PHOWEBI 5:5

Kanx htenc kuex Sinai kanx nuex httax yaq Yehowa khaungkac nuex muinz, Yehowa Israel Tishox mvnz nuex muinz kvbuilc yaq,