DUNGWVNC 19:17 - Hawa Naga Bible 2001

¹⁷ Tishox rulc rvhumc tvkoc Moshe rueq tsuingshiq kuex jerak kvwawc shvlx laq vtueq, kanx yaz nuex jvp kaz wuez tueq.

ASII LAKDAP Bible (BSI)

¹⁷ Mosheq raq tsangshiq ka piitiip wa chiiphai na Shiikeawe rai riihumkai sheahoto. Raüta tsangshiq ka pumji chong na chapto.

DUNGWVNC 19:17 Referencias Cruzadas

DUNGWVNC 19:13

kvruex waz kuex uwaz rueq muinz shuimc mvy muq, lung poz rvmuq ngoz ruiux laqsvnz maq gap vtueq thvy gay rax. Kvruex phvnx muq ngoz ruiux kuex miqsaz muinz nyvmx saz muinz vthueyc rvhumc wuez tuex. Bolic thuiz ruiux yuq jix miq htenc kuex kanx nuex waungc mvy yaq,” ngoz tueq jungx tueq.

DUNGWVNC 19:16

Raungnuiyq thuimx vngoz raungnvp kanx nuex raungmuk, raunglep vtueq phuemx htvy hvlc daungx shiz kuex httuiuc kaz tueq, bolic thuic yunghvlc muinz kvtay tueq. Kvkaq jerak wawc miq htenc kuex hiyaz kvkhuirc wuez tueq.

DUNGWVNC 19:18

Sinai Kanx kuex wvr khuiuq rueq buingc wvnc tueq, yvmx khoc lac ngoz ruiux lec Yehowa kuex wvr ikhoc httuiuc kaz tueq. Wvr khuiuq kuex wvrkez wawc khuiuq yaq ikhoc raungx nuex duiz wvnc vtueq, wvkanx tuimx ghaq kvbuilc hvlc kvbuilc tueq.

LEWI 9:5

Moshe rueq nvr tueq phvnx ruip saz kuex tsuingshiq rueq Tap kvlc nuex lvmz laq wuez tueq, mungx miqsaz htenc muinz Yehowa muex nawk palx tvkoc rvtuimx kaz wuez yaq.

Acts 7:38

Kumtsvy tvnx nuex rvtuimx httax yaq Israel miqsaz htenc rulc muinz, naungshiq jix vwaz tamx rulc muinz, Sinai Kanx maq kvjak tueq raungkamx waz rulc muinz vdvmz nuex httaz jix waz kuex piq rvtueq. Naungshiq muex jungphvnc kuy muex vlekuq Tishox kox wawc vtvraungx rullungx bomjungc kuex lvp wvnc jix waz muinz piq rvtueq.

TRI CHONGKE 4:10

Sinai Kanx maq Yehowa nuimshiq Tishox khaungkac nuex jvp tuit raungnuiyq ikaq vpiq rueq ngaz muex ngoc, ‘Miq htenc kuex tvtuimx shuiuz. Ngaz rueq jungx phaungx kvjaz kuex tay shuiuz, ngoz ruiux yuq jix tsuingshiq tvraungx httax tuex wawwawx ngvy kvjaz tay phvnx vtueq kvrulc rv-ngvlc hulawx tsuingshiq suiuz vsaz htenc muex tvluing jungphvnx kuq lvp laz juing ngaz rueq jungx vshaungx kvjaz tsuingshiq muex tvtay wvnc roc vshaungx,’ ngoz tueq ngaz muex jungx kuq phuex.

TRI CHONGKE 4:11

“Nuimshiq kuex htvy hvlc phuemx daungx rueq puingc wvnc ruiux raungmungx nuex httuiuc laz wvrluic duiz yaq kanx yaz nuex kvnvp kaz vtueq jvp wuez tuit lvmz kvmuinz,

TRI CHONGKE 5:5

Nuimshiq kuex wvr muex hiz vtueq kanx nuex duiz woz khvmc muit ningkhvnc nuex ngaz kuex Yehowa nuiyc nuimshiq hvlwvl nuex jvp vtueq vpiq rueq jungx yaq kuex nuimshiq muex tvlvy jungx kuq phaungx. “Yehowa rueq jungx tueq kuex,