DUNGWVNC 19:18 - ASII LAKDAP Bible (BSI)

¹⁸ Kra Sinai Pumkaü ka wiita hamli wakhuk raq pang wanto. Jamkhano ngukla Tatiwe ka kiijaq watu mong maq satkito. Kra wakhuk wa trang ka watum mong wa khuktlaq ikha ra na mong wanto. Kiimaq maiq kunli pinthum atiikhai rokrok haito.

Hawa Naga Bible 2001

¹⁸ Sinai Kanx kuex wvr khuiuq rueq buingc wvnc tueq, yvmx khoc lac ngoz ruiux lec Yehowa kuex wvr ikhoc httuiuc kaz tueq. Wvr khuiuq kuex wvrkez wawc khuiuq yaq ikhoc raungx nuex duiz wvnc vtueq, wvkanx tuimx ghaq kvbuilc hvlc kvbuilc tueq.

DUNGWVNC 19:18 Referencias Cruzadas

RAPHA HIQWA LAK 11:5

Kiijiishe Tatiwe ka chela kra nai tsangshiq raq ahai kongmong chong kra liikai satkito.

RAPHA HIQWA LAK 15:17

Riita rashe ka anyap wawishe riito. Kiimaq ranyaq she riito. Kiijaq tiihanghiiq miili, tak kase ashi wakhuk mongwa la kiimaq walütu kaü ashi kra saükito. Raüta kra ngam phu phongtlaq heawe kriimaq walütu ka lea wanto.

RAPHA HIQWA LAK 19:28

Raüta apaiq raq Sodom nai Gommora chela nai kra hiq thung tan tlotli ka nü na liito. Kiimaq hiq thung tan hamli na watum jonghea mong wa adong wan ikha wakhuk mongwa kra chhito.

NEHEMIA 9:13

Ramungtan maq Sinai pum na satki laü. Laüta ümsengi ma Thungtri ahea, kiimaq sung atsii ahea chongphan kuq laü.

Tvtsvmc 104:32

Apaiq raq hiqraikhü ka liitlo, raüla hiq ka atiikhai riitlo; apaiq raq pum thun ka than raüla, tsangshiq raq wakhuk tiimongtlo.

Tvtsvmc 114:4

Pum thun ka chhechhikong ikha doqtrangto; kin thun ka skusekong ikha doqtrangto.

Tvtsvmc 114:7

Tiikhailaq, hiq lei, Tati saühotlaq akhing na, Jakob Shiikeawe man na,

Tvtsvmc 144:5

O Tatiwe lei, ra ka chaibaiqlaq, lata hiq na satkikiq; pum thun ka ümjaq maq shamlaq, raüla tsangshiq raq wakhuk tiimong raüta miraübaiq.

Tvtsvmc 18:9

Apaiq raq ra ka khonai ma chai baiqto, raüta hiq na satkito ahok taki na ranyaq tangtang phumda tsuqho raüta.

Tvtsvmc 68:9

Ümniiraq ra ka chamtraq tiijun laü, ümhiqshong shinram shinriiq wa rappaq paqhea she tiijalaü;

Tvtsvmc 77:18

Ümniiraq ra tiimoklaü ka atam alam küwanto, ra ka siimko maq riita siimko na hiqraikhü hamli chhai wanto; hiq ka atiikhai ban ban phewanto.

Tvtsvmc 77:19

Ümniika sammoktra chum blun tlaq kiijaq khumlaü; ümniiraq khamjong chum tsaühea kra jinwan laü, shatmaq kham thaq na ümhokme ka ahü riito.

DUNGWVNC 19:13

Apaiq ka long maq tiiqbaiq chang. Riimakla liq maq hiipbaiq chang. Apaiq dü niika jurmin jaq maq shamkai maimak. Arka maiqse nai nyamse miitu tri ka adamli. Kriiti ka atsea baiq chang dongdii. Shatmaq ümtiikiiwa lerong ka tsüjiiq, raüla mungmaiqse ka kra pum kiina düwa chang.”

DUNGWVNC 19:17

Mosheq raq tsangshiq ka piitiip wa chiiphai na Shiikeawe rai riihumkai sheahoto. Raüta tsangshiq ka pumji chong na chapto.

DUNGWVNC 20:18

Riita mungmaiqse raq kra ramok trang nai nüchhong lerong tsü trang taito kiimaq rachhai watrang nai pum ka wakhuk raq mong wantaq kra chhito, tsangshiq ka haisitsi ma atiikhai rokrok riito. Kiimaq hiq lam maq luhea niili chapto.

DUNGWVNC 3:2

Kiijaq Tatiwe rase ka apaiq ma walütu ma jaraüta nyiimtamse mong na tiichhikito. Mosheq raq rumtamse ka walütu mong na anyai rai chhito. Shatmaq nyiimtamse ka wa raq khiimbaiq mak.

DUNGWVNC 34:2

Anap ranap na tiijelaq. Laüta Sinai Pum khuthaq na Ngi rai riihumwa wara. Kiijaq Ngi rai mirhum haü.

ISAIA 6:4

Tsangshiq riibomtrang riinyatlaq kriiraq Shomjam süwan chang jamkhü thun ka tiikhaito. Kiimaq Shomjam mong ka wakhuk raq mong wan raüta wiita nyam wanto.

ISAIA 64:1

Ümniiraq ra ka tiikholiiq chai laüta hiq na jam nguto satki maü? Pum thun raq ümnaq chhi raüta tsang haisitsi ma atiikhai rokrok mirwa.

JEREMIA 4:24

Ngi raq pumthun kiina liikang, kriithun ka atiikhai raitlo, kiimaq kin thun ka kona riijo kona riijo tiimetlo.

HABAKUK 3:6

Apaiq la chapki kiijiila, mangjong hiq rai khü ka, atiikhai banban riitlo. Apaiq raq liisaq riikla, mangjong wa maiqmung thun ka, atiikhai rokrok riitlo. Pattup pat-sa pumkaü thun ka, wiita tiingok wan tlo. Pattup pat-sa ku akin thun ka, wiita tham wantlo. Ara ku akin thun ara richü pat na, apaiq khumshiim chang riito.

JEKERIA 14:5

Namshiq ka ara pum heawea na hiqwiikaü kriimiishe maiqmii chiimjin miju han. Namshiq ka man na namti namwe pat na hokham Ujjia pat na hiqjong mu raüta pintrang taq kiikhii she mipin trang han. Kra akhing na Tati i Shiikeawe raq apaiq rasetiim sheaho raüta miki.

Matthew 24:7

Maiq mung ashiti raq mungshiti kra mikhat. Kiimaq hokham weshi raq hokham weshi rai mirkhat. Mangjong hiq barap se na ram midong. Kiimaq hiqjong mimu.

TRI CHONGKE 33:2

Tatiwe ka Sinai Pum maq satkito; apaiq ka Edom mung thaq na rashe kaü dongtlaq ikha dongto kiimaq asenginok thaq na Paran Pum maq liliimto. Apaiq rai rasetiim ka hing roqshi asi riito, apaiq ma jaqtsi nü na walütu kaü asi riito.

TRI CHONGKE 4:36

Apaiq raq namshiq ma apaiq bom ka ramungtan maq abom kra tiitai kuq wanto. Kriika apaiq raq namshiq ma tsii chongke wan miitu kloto. Kiimaq ara mangjong hiq raikhü armaq, namshiq ma apaiq asii walütu nyaitlaq kra tiichhi kuqto. Raüta kra walütu kaü kra mong maq apaiq raq namshiq rai riibom damto.

TRI CHONGKE 5:22

“Arthun aming ara namshiq tarü ma pum na thunglan akhing Tatiwe raq namshiq ma kuqto. Ümtiikiiwa apaiq raq abomtsi ka tiiheng raüta walütu mong maq kiimaq phumda theahea mong maq ara bomtaq, apaiq raq arthun aming raütu arli kuqto kiimaq laihin aming ka kuqmak dea. Kra raütiishe apaiq raq arthun ka longpen anai na waiqto raüta kra ngi ma kuqto.

TRI CHONGKE 5:4

Kra pum maq Tatiwe raq namshiq rai mantut maq walütu mong maq riibom damto.

2 Thessalonians 1:7

Kiimaq namshiq ümchaü chamchao tlan ka, atiiwong mirkuq. Kiimaq naishiq armin atiiwong mirkuq. Shiikeawe raq ara khaphoke arka, Tati Jesuq Khristo ka apaiq rasetiim ajong alabi thun sheaho raüta, rawang win na akai rai saüho tlaq akhing ranaiq na mipho kuq wan.

2 Thessalonians 1:8

Tati Jesuq ka, kra akhing na, walüli rai tlaq ikha misaüho. Raüta apaiq raq Shiikeawe bomtsi shisheti thun nai nashiq Tati Jesuq bomtsi, Tsütsa Ahea kra lang makti thun ka, wiita mitiichamchao wan.

Hebrews 12:18

Namshiq ka Shiikeawe shomnoq wa watlan pum kriika, Israilnok raq Shiikeawe shomnoq wantaq Sinai pum kiikha ka riimak. Tsangshiq ka Sinai pum na wataq akhing na, Sinai pum kaü ka walü mong na anyai rai chhito. Kiimaq rathup ranyaq watrang, nyaq wanto. Kiimaq, rathaiq rahai, ramok watrang, rachhai ralüp wa trang la chhito.

Hebrews 12:26

Man na, apaiq bomchongke akhing na, mangjong hiq ka atiikhai banban tiimeto. Shatmaq, kra thaq na ümchaü ka, apaiq raq akha hali kiqkhamto asi, “Ngi raq lakshi ri hali mangjong hiq ara mitiikaü lak baiq nong ha! Mangjong hiq ara lamlam li min riimak, ramungtan kiimin miphai baiq nong ha,” nguta chongtlo asi.

2 Peter 3:10

Shatmaq Tatiwe Saükai Ranaiq ka ahuk dong wa tlaq ikhli, tiihanghiiq miili misaüki. Kra Ranaiq na ra thun nai ra na diim tlaq raiqsaiq jipi thun wiita hiq maq hutse, amok dungdung, apat arat wa trang liishe, wa raq tiibunlak, apun min ahü mikhiim baiq. Kiimaq ara mangjong hiq diim armin, hiq raikhü na ümchuwa diim tlaq kra wiita hutjok, tiisiirai wa maq michaq baiq.

Revelation 15:8

Kra shomjam ka Shiikeawe khushü nai Shiikeawe ningkun wakhuk raq mong raüta, wiita nyamto. Krai mren, rasetiim miishi raq thawa phan miishi ka, mangjong hiq na raübaiq ka mithum shaq wiiwii, shomjam mong na jumin nyap wa lot mak she riito.

Revelation 9:2

Raiqsaiqpo raq hiqbikho kilü ka dito. Kra ditaq krai mren, kra hiqbikho mong wa watum mong wa adong ikha, wakhuk henghea mong wanto. Kra wakhuk mong wantaq kriiraq, raham hiqham she wiita nyam wanto. Kra wakhuk raq mangjong hiq na rashe kii li rai tlaq kra, wiita nyam wanto, raüta ranyaq tangtang she nyaq wanto. Kiimaq mangjong hiq na rahai saü tlaq kriimin wiita she wakhuk raq nyam wan raüta ranyaq tangtang she nyaq wanto.

PHOWEBI 5:5

Sinai pum Tatiwe man na, pum thun atiikhai ban ban riito, Tatiwe Israilnok Shiikeawe man na, tiikhai ban ban riito.