DUNGWVNC 17:6 - Hawa Naga Bible 2001

⁶ Sinai Kanx nuex httax yaq lung rauk htauk nuex ngaz jvp laz taungx. Mnoz rueq lung rauk kvruex wung shuiuz, lung rauk kvwawc miq rueq nuingc juing yuix dung tuex,” ngoz tueq jungx tueq. Moshe rueq Israel walaungx bix khaungkac nuex kvkhoc ruez tueq.

ASII LAKDAP Bible (BSI)

⁶ Ngi ka Sinai Pum na longkaü sitlaq kiijaq ümkhaki na michap kang. Ümniiraq longkaü ka riihot buklaq. Raüla longkaü kiiwa mungmaiqse raq nyang miitu kham ka midong.” Krai mren Mosheq raq Israilnok welabi makki na kra chong kuqtaq kra phan phan kloto.

DUNGWVNC 17:6 Referencias Cruzadas

NEHEMIA 9:15

“Tsuingshiq rvmc svy rvhumc wuez tueq nuex, mnoz rueq raungmungx wawc phuiuz vsvy kuq toq, tsuingshiq khvmx sac kv-phux lung rauk wawc yuix kuq toq. Mnoz rueq kuq phaungx ngoz tueq bomkhvmc taq toq mungx kuex lvp wvnc tvkoc tsuingshiq muex nvr toq.

Tvtsvmc 105:41

Vpiq rueq lung rauk kuex wung koq tueq yuix phuk dung vtueq, kumtsvy tvnx nuex yuix ruilx ikhoc kaz tueq.

Tvtsvmc 114:8

Vpiq rueq lungkanx htenc kuex jumx muex, lung rauk htenc kuex kay thuiyc yaq yuix dungc jungx muex tvyaungc gay tueq.

Tvtsvmc 46:4

Tishox ghaqyungx ngoz yaq Johvlc Pinhtumc waz vsawc yuimx kuex tvshuenc ruenc yaq yuix ruilx vshiz httax yaq.

Tvtsvmc 74:15

Mnoz rueq yuix tumz htenc nuiyc yuix saz ruilx htenc kuex tvkaz ruiux, yuix yungx ruilx htenc kuex tvruic gay toq.

Tvtsvmc 78:18

Tsuingshiq kuex tsuingshiq rueq phuiuz svy roc phvnx kuex thoz vtueq tvmx lvmlvmc maq Tishox muex taruiyx tueq.

Tvtsvmc 78:20

Lung rauk kuex vpiq rueq wung koq tueq, yuix dung tueq kuex vsuing rvtueq; yuq muinz vpiq rueq naungshiq muex phuiuz vsvy juing nuiyc vpiq miqsaz htenc muex ngvmx kuex kuq phauk saq lot phuex haz?” ngoz tueq Tishox muex khawc lvlc kvjaz ngoz wuez tueq.

Tvtsvmc 81:7

Nuimshiq kuilc daz rvhumc tuit nuex, ngaz gvl phuinx tueq, ngaz rueq nuimshiq kuex palc wvnc phaungx. Raunghtiq raungguil mungx nuex ngaz kvhttuiyq yaq baung maq, ngaz rueq nuimshiq muex tvralc phaungx. Meriba yuix ruilx maq ngaz rueq nuimshiq muex taruiyx phaungx.

DUNGWVNC 14:16

M-yauk wawc ngvlhtulc kvruex svmuktvrax yuix htauk nuex tenz shuiuz. Kvkaq svmuktvrax yuix kuex rv-phvlc khoz wvnc vtueq, Israel miqsaz kuex ghaq shanx rek htauk maq yanz wvnc shuex.

DUNGWVNC 16:10

Arun rueq Israel miqsaz rvtuimx yaq kvyuq jungx kuq yaq nuex, tsuinghez rueq kumtsvy tvnx kox nuex nyez lawc koq tueq, Yehowa phelez lep yaq kuex phuemx daungx nuex vhuingc rvhek laz dung kaz tueq.

ISAIA 48:21

Yehowa rueq vpiq miqsaz htenc kuex vkalx waq kumtsvy tvnx maq shvlx wvnc tueq nuex, tsuingshiq khvmx svy rvhumc muq. Vpiq rueq tsuingshiq tvkoc lung rauk wawc yuix tvkaz kuq tueq; vpiq rueq lung rauk kuex tvkhoz wung vtueq, yuix tvkaz tueq.

WEAWEA 20:8

“Bomkhvrc Jep khaungkac nuex httax yaq ngvlhtulc kuex lvmz shuiuz, raz tueq Arun nuimnueyc rueq Israel miqsaz htenc kuex rvtuimx tvkoc jungx shuiuz. Tsuingshiq khaungkac nuex httax yaq lung rauk kvwawc yuix dungc tvkoc nvr shuiuz. Tsuingshiq nuiyc tsuingshiq nyvmx saz htenc rueq nuingc juing yuix kuex lung rauk kvwawc dung tuex,” ngoz tueq jungx tueq.

John 4:10

Yesu rueq, “Tishox rueq vkuq kejux yauk noalc kvmuinz, mnoz kox wawc vnuingc juing yuix thoz jix waz kvmuinz mnoz rueq tuiuz ruiux yuq, mnoz rueq vpiq kox wawc thoz ruiux, vpiq rueq mnoz muex rullungx tvraungx juing yuix kuq kv-phux,” ngoz tueq tvralc tueq.

John 4:14

yuq muinz ngaz rueq kuy dvnc vshaungx yuix vruex nuingc jix waz kuex mkaq muinz khvmx svy rvhumc tuex rvmuq. Ngaz rueq kuy juing yuix vruex kuex piq tvkoc pattup rullungx lvp wvnc juing yuix ruilx yaungx wvnc tuex,” ngoz tueq tvralc tueq.

1 Corinthians 10:4

siyac yuix muinz phvnx shiz dvyx nuingx wuez tueq. Tsuingshiq lotlaz rueq miqmac yix nuex phvnx naungx yaq siyac lungkuiux wawc yuix kuex nuingx wuez tueq, kvruex lungkuiux kuex Christu shauk pumz rvtueq.

TRI CHONGKE 1:2

(Sinai Kanx maq Kadesh Barnea hong nuex, Edom kuz lvmx maq kaz ruiux yuq raungx rokshiz rac raungnuiyq shiz htvmx yaq.)

TRI CHONGKE 8:15

Vpiq rueq nuimshiq kuex puiuc httuingx nuiyc phvmx paunghvlc httax yaq, miqhiz vsac ghaq yunghvlc kumtsvy tvnx kuex tvyanz shvlx wvnc tueq. Yuix vguez kumtsvy tvnx hong nuex vpiq rueq lung rauk wawc yuix kuex tvdung tueq.

Revelation 22:17

Siyac nuiyc Nyuiuz nyalx nyuiuz rueq muinz, “Kaz loq!” ngoz phuex. Kvkhoc jungx yaq kuex tay jix htenc rueq muinz, “Kaz loq!” ngoz tueq ngoz wuez yaq. Khvmsvy jix waz ukhaq yuq muinz mkaz rueq; rullungx yuix roc jix waz uraq muinz vhtawz vrawz kuy guez maq yauk noalc ikhoc mlvmz shueq.