DUNGWVNC 17:7 - Hawa Naga Bible 2001

⁷ Israel miqsaz rueq, “Yehowa kuex naungshiq rulc vdvmz httax yaq shuex httax muq lac?” ngoz tueq Yehowa muex taruiyx kvbot nyvnx ningkhvnc nuex kvruex hong kuex, “Masa” nuiyc “Meriba” ngoz tueq muingc wuez tueq.

ASII LAKDAP Bible (BSI)

⁷ Kra hiq ba mang ka Massa kiimaq Meriba nguta mangto. Jamkhano ngukla Israilnok bot nyanto. Raüta tsangshiq raq, “Riita Tatiwe ka nashiq rai asi dea sha ahü wa?” nguta bot trang raüta Tatiwe ka maitaito.

DUNGWVNC 17:7 Referencias Cruzadas

Tvtsvmc 106:32

Miq htenc rueq Meriba yuix saz ruilx maq Yehowa thuinz tvkhaq kuq tueq, tsuingshiq rueq shuimx tueq honc vyaungc ningkhvnc nuex Moshe kuex kuilc daz rvhumc tueq.

Tvtsvmc 78:18

Tsuingshiq kuex tsuingshiq rueq phuiuz svy roc phvnx kuex thoz vtueq tvmx lvmlvmc maq Tishox muex taruiyx tueq.

Tvtsvmc 81:7

Nuimshiq kuilc daz rvhumc tuit nuex, ngaz gvl phuinx tueq, ngaz rueq nuimshiq kuex palc wvnc phaungx. Raunghtiq raungguil mungx nuex ngaz kvhttuiyq yaq baung maq, ngaz rueq nuimshiq muex tvralc phaungx. Meriba yuix ruilx maq ngaz rueq nuimshiq muex taruiyx phaungx.

Tvtsvmc 81:8

Ngvy miqsaz htenc lex, ngaz rueq honc jungx vphaungx kuex tay wuez shuinz; Israel lex, ngaz muex tay kuy tvkoc ngaz rueq mtanc lac roc vshaungx!

Tvtsvmc 95:8

“Meriba nuex httax wvnc tueq nuimshiq jix vwaz tamx ikhoc nuimshiq khux nauk tvtsanz wuez kaz; kumtsvy tvnx wawc Masa nuex nuimshiq jix vwaz tamx httax wvnc tueq ikhoc nuimshiq thuinz nauk tvtsanz kaz.

DUNGWVNC 17:2

Tsuingshiq rueq Moshe muex ngoz ngax wuez tueq kuex, “Nuiyshiq muex vnuingc juing yuix kuq koq,” ngoz tueq ngoz wuez tueq. Moshe rueq, “Yvmx ngoz tueq lac ngoz ngax laq shuinx? Yvmx ngoz tueq lac Yehowa muex taruiyx vshuinx?” ngoz tueq.

DUNGWVNC 34:9

Piq rueq, “Yehowa lex, mnoz rueq ngaz kuex vsuing raungc raq vphux ngoz ruiux kuex, nuiyshiq rulc vdvmz kaz naungx loq. Miq htenc vruex khux tsanc hvlc, yuq muinz nuiyshiq ngarvyx nuiyc mvrax kuex dawc kuq vtueq, nuiyshiq kuex mmiqsaz shauk muex lvmz wvnc koq,” ngoz tueq jungx tueq.

ISAIA 12:6

Zion nuex httax jix miq htenc kuex guyc sez vtueq mshix ngoyx wuez kueq! Israel muex vsawc Tishox kuex yunghvlc, vpiq kuex vpiq miqsaz hvlwvl nuex httax naungx yaq,” ngoz tueq shic ngoyc vkhing httuiuc wvnc yaq.

Mikha 3:11

Ghaqyungx mungx walaungx bix rueq khauloayc yauk noalc laung nuex guimz lawc yaq, shomc waz bix kuex yauk mauk tvkoc nuex Tvrac luik htenc vlvmz kuex tvluing kuq yaq, shvmmax bix kuex tsuingshiq rueq lvp juing kuimphox tvkoc tsuingshiq romzyac tvkhic htenc kuex kuq wuez yaq, tsuingshiq lotlaz rueq Yehowa kuex tsuingshiq rulc vdvmz httax yaq ngoz tueq jungx wuez yaq. Tsuingshiq rueq, “Naungshiq nuex yvmx muinz thuiuz sac tix rvmuq, Yehowa kuex naungshiq rulc vdvmz httax yaq,” ngoz tueq ngoz wuez yaq.

WEAWEA 14:22

vruex hez vmaq lvy vtueq ukhaq muinz kvruex mungx kvyuq nyuip mvy muq, tsuingshiq kuex phelez yaq ngvy ngauz vngax kvruex muinz, Ejip mungx maq nuiyc yaruix tvnx maq ngaz rueq shuimx wvnc tauk vwangc juing phvnx htenc kuex khiz ruiux muinz, tsuingshiq rueq ngaz muex lauk wvruip ruip wvlc guez waqguez tvyaungc vtueq, ngvy kvjaz muinz tay wuez muq.

WEAWEA 20:13

Israel miqsaz rueq Yehowa muex kvbot nyvnx koq tueq, vpiq vsawc rvtueq lvmz tsuingshiq muex tvkhic kuq tueq kuex Meriba maq yaungx wvnc tueq.

WEAWEA 20:24

“Arun kuex vthueyc shex rvtuex, piq kuex Israel miqsaz muex ngaz rueq bomkhvmc vkuq mungx nuex nyuip lvp tuex rvmuq; yvmx khoc lac ngoz ruiux lec nuimnueyc rueq Meriba maq ngaz rueq nvr phaungx tueq ngvy kvjaz phvnx muit ningkhvnc nuex rvtueq.

WEAWEA 27:14

yvmx khoc lac ngoz ruiux lec nuimnueyc rueq Zin yaruix tvnx maq ngaz rueq nvr phaungx kvjaz kuex lvlc gay ningkhvnc nuex rvtueq. Meriba maq Israel miqsaz rueq ngaz muex mvrax tvgurc thuirx tvruingx wuez tueq nuex nuimnueyc rueq tsuingshiq khaungkac nuex ngvy vsawc luimc vkawc kuex wvlc guez tvyaungc wvnc tuit,” ngoz tueq jungx tueq. (Meriba kuex Zin yaruix tvnx wawc Kadesh nuex httax yaq yuix saz ruilx kuiuq ngoc rvtueq.)

John 1:14

Bomjungc kuex miqsaz gvnngvmx muex yaungx kaz vtueq, kejux nuiyc tsuingrux lvmx mvrc ruiux naungshiq rulc httax wvnc tueq. Naungshiq rueq vpiq ngauz vngax kuex khiz wvnc tiq, kvruex ngauz vngax kuex Vwaz kox wawc Vsaz vshiz lauklauk waz rueq lvp wvnc tueq lvmz rvtueq.

TRI CHONGKE 31:17

Kvkhoc yaungx wvnc ruiux yuq, ngvy thuinkhaq vtueq tsuingshiq kuex tuip gay shaungx; kvkaq tsuingshiq kuex bac wvnc wuez tuex. Tsuingshiq nuex kuilc daz jamjaux paunghvlc kuex tsuingshiq htauk nuex httuiuc wvnc vtueq, tsuingshiq Tishox ngaz kuex tsuingshiq rulc vdvmz httax mauk shex ningkhvnc nuex, vkhoc kuilc daz jamjaux htenc dung wvnc yaq kuex tsuingshiq rueq rvwvl wvnc wuez shuex.

TRI CHONGKE 33:8

Vpiq rueq Lewi phvnx nuex seng vtueq vkhoc jungx tueq: “Yehowa lex, mnoz rueq Urim nuiyc Thummim shuimx vtueq mnoz rueq vroc lvmx tvkhic kuq shuiuz; Mnoz muex tvmtuing httax yaq mnvrc waz hez Lewi phvnx maq raz tueq, Mnoz rueq Masa maq tsuingshiq kuex taruiyx lawc toq, Meriba yuix kawx maq tsuingshiq muex hakhix vlvmz kuex tvkhic toq.

TRI CHONGKE 6:16

“Nuimshiq rueq Masa hong maq ikhoc Yehowa nuimshiq Tishox muex nauk taruiyx kaz.

TRI CHONGKE 9:22

“Nuimshiq kuex Tabera, Masa nuiyc Kibrot Hattawa hong htenc nuex httax wvnc tuit nuex muinz Yehowa nuimshiq Tishox thuinz tvkhaq tuit.

JOSHUA 22:31

Shomc waz Eleazar saz Phineha rueq tsuinghez muex, “Yehowa kuex naungshiq rulc vdvmz httax yaq kuex majuiuc tuiuz lvp vshix. Nuimshiq rueq vpiq muex khawx lvlx muit nuiyc Yehowa rueq murx tvgurc juing wawc muinz Israel miqsaz htenc kuex palc wvnc tuit shex,” ngoz tueq jungx tueq.