DUNGWVNC 17:6 - ASII LAKDAP Bible (BSI)

⁶ Ngi ka Sinai Pum na longkaü sitlaq kiijaq ümkhaki na michap kang. Ümniiraq longkaü ka riihot buklaq. Raüla longkaü kiiwa mungmaiqse raq nyang miitu kham ka midong.” Krai mren Mosheq raq Israilnok welabi makki na kra chong kuqtaq kra phan phan kloto.

Hawa Naga Bible 2001

⁶ Sinai Kanx nuex httax yaq lung rauk htauk nuex ngaz jvp laz taungx. Mnoz rueq lung rauk kvruex wung shuiuz, lung rauk kvwawc miq rueq nuingc juing yuix dung tuex,” ngoz tueq jungx tueq. Moshe rueq Israel walaungx bix khaungkac nuex kvkhoc ruez tueq.

DUNGWVNC 17:6 Referencias Cruzadas

NEHEMIA 9:15

“Tsangshiq ramtsi na tsangshiq ma, ramungtan wa manna dung, tiidea kuq laü. Kiimaq tsangshiq khamnyang tsi na, longkaü wa kham, tiiphok kuq wan laü. Ümniiraq mikuq kang nguta kiq akham kuq haü, mungtan ashi kiimin, tsangshiq ma, ‘Siq wan rong liishe,’ nguta, chongkuq wan laü.

Tvtsvmc 105:41

Apaiq raq longkaü koqhok linto, raüta khamrai phokto, kumtsaiphii binjü na jürai ikha ashi tiisaüto.

Tvtsvmc 114:8

longraqkam wa khamrai tiidongtiwe kiimaq longraq khukin ka khamraisetiim ma tiijabaiqtiwe man na.

Tvtsvmc 46:4

Shiikeawe chela tiichochi chang jürai ashi asi, kriika Ratsan Ramong Nyang na sitiwe asii jam.

Tvtsvmc 74:15

Ümniiraq rum na hiq mong maq khamraisetiim nai khamdü raisetiim tiidong laü ihata; ümniiraq jürai jongheahea thun wiita trübaiqlaü ihata.

Tvtsvmc 78:18

Tsangshiq raq tamlamlam maq Shiikeawe ka tairaito kriika tsangshiq raq aroro phaqsea kra keraa dongdii nguta shiitep jaüto.

Tvtsvmc 78:20

Tengto, apaiq raq longraq na bukto, raüta khamrai ashi achhang tiikito; shatmaq apaiq raq nashiq ka winsii maq midunglot sha kiimaq asenginok ka ngam maq midunglot sha?”

Tvtsvmc 81:7

Namshiq ma chamchao akhing na, namshiq raq ngi ma chonglan, kiimaq ngi raq namshiq tiichhiikang. Rathaiq mong na ngi tiipaü chang maq, ngi raq namshiq achujaü trekang, Ngi raq Meriba hiq jüserai tsiim ba maq namshiq maitaikang.

DUNGWVNC 14:16

Laüta ümnyeakii ka ra na dolaq. Kiimaq khamjong chum khuthaq kiina tiinyi laüta doshat maq shamlaq. Raüla khamjong chum ka mannai ma mitiipheaki. Kiimaq khamjong chum phii ka shinriiqriiq mishinki. Kra shinriiqriiq khamhü phii lam kriimaq Israilnok ka aheawiq miwa wan.

DUNGWVNC 16:10

Aron raq mungmaiqse kunli ma bom chong kuqtaq krai mren, tsangshiq raq kumtsaiphii rumnyangkhi wang nü kiina liito. Kiimaq tiihanghiiq miili Tatiwe chhainyii makse chat-hit kra phumda dashi mong na chhai wanto.

ISAIA 48:21

Man na Tatiwe raq asenginok ka akewiq, shinriiqriiq kumtsaiphii lam maq tsuq wantaq akhing na, tsangshiq ka khamnyang tsi raq chamchao mak riito. Apaiq raq kham ka longraq wa tsangshiq miitu tiidongkuqto; apaiq raq longraq ka tiikholiiq tiikhobaiqto, raüta kiiwa kham ka tiidongto.

WEAWEA 20:8

“Tongshong Tek kaü khaki na nyeakii tiithütlaq kra lam laq. Laüta ümnaq nai Aron raq mungmaiqse kunli ka adam na tiithung ronglaq. Kiijaq mungmaiqse tlotli makki na iniikiijaq longraq kaü jonghea kriima bomlaq. Raüla, kiiwa kham ka aphok alok miphok. Akha kra longraq kaü mong wa ümniiraq kham ka mitiidong haü. Raüta mungmaiqse nai tsangshiq jam nyamsekong raq minyang.”

John 4:10

Kiijiishe, “Shiikeawe raq maiqse ma jamlai kongphiq kewan ro wa, kra ümniiraq tak haü jiika, kiimaq ümjaq wa kham jaüti we ka juwa, kra ümniiraq sap haü jiika, apaiq jaq wa ümniiraq jaü haü jaq, apaiq raq ümniima rilung tsitsü kham mikuq wa”

John 4:14

Shatmaq, jurwa ngi raq akuq ha kham nyang tlaq, kriiti ma kham nyang tsi ka dong mak she miraq. Ngi raq akuq ha kham ka apaiq tsan mong na, tsitsü khamphok rai se miishe mija wan. Kiimaq apaiq ma pattup pat-sa rilung she mikuq.”

1 Corinthians 10:4

Kiimaq kamasham kham kok kiimin khapshi wa siili nyang wanto. Kriika tsangshiq rai kongshi maq khum wan damtaq kamasham longkaü kiiwa nyang wanto.

TRI CHONGKE 1:2

(Sinai Pum maq riita ku akin tonglong Edom mung lam maq wawan raüta Kadesh Barnea wang na saüli ka raroqshi ri ranaiq shi raatlo).

TRI CHONGKE 8:15

Apaiq raq namshiq ka bintang mung jonghea kiimaq phiiptsi chang kumtsaiphii lam maq tsuq wanto. Kra mung na paüsang nyiqla kiimaq phangkaü phong pahea asi lam maq namshiq ka tsuq wanto. Kra shinriiqriiq kiimaq kham ahü mung maq apaiq raq namshiq miitu longkaü wa khamrai tiidong kuq wanto.

Revelation 22:17

Asii Wenyi nai junrii Nyung raq heatlo, “Kira!” Ara tsütsa ara taiti loweatek raq ngo raa tlo, “Kira!” Juwa khamnyangtsi, warong ra! Rilung tsitsü kongphiq kham ka, jurwa ro tlaqti raq, nyang ronglaq!