DUNGWVNC 14:21 - Hawa Naga Bible 2001

²¹ Moshe rueq svmuktvrax htauk nuex yauk kuex tenz koq tueq, Yehowa rueq shaldungc raungguil hungc hvlc kuex tvguil vtueq svmuktvrax yuix kuex tvyek tueq. Wvrx taungx svmuktvrax yuix kuex tvyek gay koq tueq, ghaq kuex wulthawk yaungx tueq. Yuix kuex rv-phvlc wvnc vtueq,

ASII LAKDAP Bible (BSI)

²¹ Mosheq raq ajaq ka khamjong chum khuthaq tiithi kiijaq tiinyi raüta shamshat riito. Kiimaq Tatiwe raq khamjong chum wa kham ka rahai shedong nü wa henghea tiisaü raüta tsuq baiqto. Rahai ka rawa minru tingkhit haito. Raüta khamjong chum wa kham ka siimko nai ri na tsuqbaiqto. Raüta ahea wea na lam ikha shinriiqriiq lam ka tan kuqto. Kham ka atiikho riibaiqto.

DUNGWVNC 14:21 Referencias Cruzadas

RAPHA HIQWA LAK 8:1

Tishox rueq Noa nuiyc svngpholix nuex httax yaq ngvmx saz htenc kuex lauk gay muq; vpiq rueq raungx tvguil koq tueq yuix kuex ruic wvnc phaungc tueq.

2 HOKHVMX 2:8

Kvruex yimaq Elia rueq piq hungluz khvy kuex put ruiux tul vtueq yuix kuex wung tueq; yuix kuex vnueyc muex tvhtaq ruk rv-phvlc wvnc tueq, piq nuiyc Elisha kuex yuix ral kox nuex wulthawk thawk hvlc ghaq htauk maq yanz wvnc wuez tueq.

NEHEMIA 9:11

Mmiqsaz htenc tvkoc svmuktvrax kuex mnoz rueq tvpuc tvnc vtueq tsuingshiq kuex httuiz rawk yaq ghaq htauk maq tvkhuemc toq. Tsuingshiq yurc jix hez kuex svmuktvrax yuix daungx nuex, lung poz suingx wvnc yaq ikhoc yuix nuex htuip wvnc wuez vtuex.

YOBA 26:12

Vpiq hungc vlaungc maq svmuktvrax kuex taungx gay tueq; vpiq vthenc vtuiuz maq yungrex Rahab kuex tvbac gay tueq.

YOBA 38:24

Mnoz kuex shalx dung wvnc yaq baung rvmuq ngoz ruiux shaldungc raungguil guil phaungc wvnc yaq baung kvyuq httuiuc toq haz?

Tvtsvmc 136:13

Vpiq rueq Yuix Shawx Jumx kuex mvnnueyc muex tv-phvlc gay tueq; vpiq lungwawc kuex pattup httax yaq;

Tvtsvmc 66:6

Vpiq rueq svmuktvrax kuex wulthawk taung ghaq muex tvyaungc gay tueq; naungshiq jix vwaz tamx rueq yuix ruilx kuex yaz maq yanz wvnc tueq. Vpiq rueq shuimx wvnc tueq yauk shuimc htenc ningkhvnc nuex naungshiq kokez wuez vtix.

Tvtsvmc 74:13

Mnoz hungc vlaungc maq svmuk-tvrax kuex tv-phvlc gay ruiux yuix yungrex khux poz htenc kuex tvbunx jek gay toq.

Tvtsvmc 78:13

Vpiq rueq svmuktvrax kuex mvn-nueyc muex tv-phvlc gay ruiux; yuix kuex khoalx tuk ikhoc tvjvp gay ruiux tsuingshiq kuex tvyanz shvlx wvnc tueq.

DUNGWVNC 14:16

M-yauk wawc ngvlhtulc kvruex svmuktvrax yuix htauk nuex tenz shuiuz. Kvkaq svmuktvrax yuix kuex rv-phvlc khoz wvnc vtueq, Israel miqsaz kuex ghaq shanx rek htauk maq yanz wvnc shuex.

DUNGWVNC 14:20

Ejip miqsaz nuiyc Israel miqsaz hvlwvl nuex kvhttot kaz tueq. Phuemx tul rueq Ejip miqsaz kox nuex kuex raungx tv-nyauk ruiux, Israel miqsaz kox nuex kuex raungx tvwuic kuq tueq. Kvkhoc rvtueq ralx daungx nukshiz nuiyc nukshiz kuex wvrx taungx rvnvp lot muq.

DUNGWVNC 15:8

Mnoz rueq svmuktvrax yuix muy koq tueq, yuix daungx kuex joz tueq; khoalx tuk ikhoc jvp tueq; svmuktvrax yuix khung nuex muinz ghaq tsanz dez yaungx tueq.

DUNGWVNC 7:19

Yehowa rueq Moshe muex ngoc, “Arun muex jungx shuiuz, mngvlhtulc kuex shuimx vtueq Ejip mungx nuex httax yaq yuix saz, yuix yungx, jumx, htvmx htenc htauk kvyuq m-yauk kuex tenz shuiuz. Wvmungx tuimx wawc yuix kuex tvguiy muex yaungx wvnc tuex, pulx khok nuiyc lung khok htenc wawc yuix muinz tvguiy muex yaungx wvnc tuex,” ngoz tueq jungx tueq.

ISAIA 23:11

Yehowa rueq svmuktvrax htauk nuex vyauk kuex tenz vtueq mungtan htenc kuex tvbac tvbunx gay tueq. Vpiq rueq Phoenikia pvkac pvylvyc juing vmungx baung kuex tvbac gay tvkoc nvr tueq.

ISAIA 43:16

Mvnnuex jauz Yehowa rueq svmuktvrax nuex lvmx laungx vshiz tvnc vtueq yuix tvwvyx maq lvmx tvnc tueq.

ISAIA 44:27

Nvr shaungx rulc rv-ngvlc ngaz rueq svmuktvrax kuex tvruic gay tauk.

ISAIA 50:2

“Tsuingshiq kuex palc kay tvkoc ngaz tsuingshiq kox nuex kaz koq tueq yvmx ngoz tueq lac tsuingshiq rueq ngaz muex tvyez tvralc muq rv-phvnx? Ngaz rueq gvl koq tueq yvmx ngoz tueq lac tvralc wuez muq? Ngaz kuex tsuingshiq palc lot mauk tanc khvnc haz nulx vtaungx? Ngaz rueq svmuktvrax kuex nvr koq tueq ruic kaz lot tueq yuix yungx ruilx htenc kuex kumtsvy tvnx muex wek gay tauk, kvkhoc rvtueq yuix vguez ningkhvnc nuex ngaq htenc thueyc tueq.

ISAIA 51:10

Mnoz rueq palc vshuiux hez rueq yanc wvnc tvkoc svmuktvrax yuix kuex tvruic gay ruiux, lvmx tvnc kuy jix kuex mnoz rvtoq.

ISAIA 51:15

“Ngaz kuex Yehowa nuimshiq Tishox rvtauk; Ngaz rueq svmuktvrax kuex tvbvruik vtueq yuix daungx tvruingc tvdung tauk. Ngvy muingc kuex Tvphaungc Tvsuip Yehowa rvtauk!

ISAIA 63:12

Vpiq pumz tvkoc pattup muingc dung wvnc laz juing, Moshe maq raz tueq vpiq luimc vkawc maq svmuktvrax yuix kuex tv-phvlc gay ruiux, yuix thuiuz hvlc maq vpiq miqsaz htenc shvlx wvnc tueq yauk shuimc yunghvlc shuimx wvnc tueq Yehowa kuex m-yuq lac?” ngoz tueq wiz wuez tueq. Yehowa rueq shvlc wvnc ningkhvnc nuex mvre vtsvy htenc kvpek kvhtuiuc muq ikhoc tsuingshiq kuex mkaq muinz kvhtuip rul wuez muq.

HABAKUK 3:8

Yehowa lex, mnoz muex thuinz tvkhaq jix kuex yuix ruilx htenc rueq haz? Svmuktvrax rueq mthuinz haz tvkhaq yaq nguinx? Mnoz kuex phuemx daungx htauk nuex ngaungc toq; Mmiqsaz htenc kox nuex taungx wvnc juing lvmz laq toq nuex, raunghtiq phuemx daungx kuex mnoz mvre renc rvtueq.

Acts 7:36

Piq kuex Ejip mungx nuiyc Yuix Shawx Jumx maq muinz, wawc rok bvlic tup kumtsvy tvnx nuex muinz, vwangc juing romzyac htenc tvkhic wvnc vtueq, Israel miqsaz htenc kuex Ejip mungx wawc shvlc tvdungc wvnc jix waz rvtueq.

JOSHUA 2:10

Nuimshiq Ejip mungx maq kaz wvnc tuit nuex nuimshiq khaungx tvmax wawc Yuix Shawx Jumx kuex Yehowa rueq mkhoc lac tvruic gay tvnx kvmuinz, Yodan ruilx maq shaldungc kox nuex httaz jix Amori hokhvmx waz nueyc Sihon nuiyc Oga kuex nuimshiq rueq yvmx khoc lac thvt gay tuit kvmuinz nuiyshiq rueq tay tiq.

JOSHUA 3:17

Miq htenc rueq yanz wvnc lot tueq nuex httuiuc laz Yehowa Bomkhvrc Jep pic jix shomc waz bix kuex Yodan ruilx yvmc nuex yuix muinz vguez httuiz rok rok hvlc ghaq nuex jvp wuez tueq.

JOSHUA 4:23

Nuimshiq tvkoc Yehowa nuimshiq Tishox rueq Yuix Shawx Jumx kuex tvhttuiz gay tueq ikhoc, Yodan ruilx kuex nuimshiq rueq yanz wvnc lot tuit nuex httuiuc laz tvhttuiz gay tueq lvmz tsuingshiq muex jungx kuq shuiuz.