DUNGWVNC 14:21 - ASII LAKDAP Bible (BSI)

²¹ Mosheq raq ajaq ka khamjong chum khuthaq tiithi kiijaq tiinyi raüta shamshat riito. Kiimaq Tatiwe raq khamjong chum wa kham ka rahai shedong nü wa henghea tiisaü raüta tsuq baiqto. Rahai ka rawa minru tingkhit haito. Raüta khamjong chum wa kham ka siimko nai ri na tsuqbaiqto. Raüta ahea wea na lam ikha shinriiqriiq lam ka tan kuqto. Kham ka atiikho riibaiqto.

Hawa Naga Bible 2001

²¹ Moshe rueq svmuktvrax htauk nuex yauk kuex tenz koq tueq, Yehowa rueq shaldungc raungguil hungc hvlc kuex tvguil vtueq svmuktvrax yuix kuex tvyek tueq. Wvrx taungx svmuktvrax yuix kuex tvyek gay koq tueq, ghaq kuex wulthawk yaungx tueq. Yuix kuex rv-phvlc wvnc vtueq,

DUNGWVNC 14:21 Referencias Cruzadas

RAPHA HIQWA LAK 8:1

Shiikeawe raq Nowaq nai apaiq rai lai mong na nyamse thun sitlaq kra laqbaiq mak riito. Kiimaq apaiq raq ra tiihaito. Kiimaq jü ka riiwan wan she riiwanto.

2 HOKHVMX 2:8

Kiijiishe Elija raq apaiq raq samtlaq samtong jong kra adü wa chhutto. Raüta atei akom riito. Raüta jurai wa khan thaq kiijaq riihot bukto. Krai mren kham rai ka mannai na tiikho kito. Kiimaq apaiq nai Elisha raq phiisü thung maq jin wan raüta konü tareko niishe wawanto.

NEHEMIA 9:11

Khamjong chum mong maq, ümsengi ma lam tankuq wan laü. Laüta lam shinriiqriiq hea maq, ümsengi nok ka tlea wan laü. Shatmaq tsangshiq jowantinok rewe ka, longpo khamjong chum na atiidea baiq ikha, wiita jü mong na tiithap baiq laü.

YOBA 26:12

Apaiq ningkun maq khamjong chum ka khat raüta tangto; apaiq jaqsham phaqchi sma maq Ngorokaü ka tsatbaiqto.

YOBA 38:24

Ümniika rashe dongchong na walaü shea? riimakla shedong rahai dongchang chong na walaü shea?

Tvtsvmc 136:13

Apaiq raq Khamjong Khamshii rai panthit tiikhobaiqto; apaiq lungwii ka pattup pat-sa;

Tvtsvmc 148:8

rachhai ralüp rathaiq tsakhiiq rok wa trang raq, nyiirii nai phumda thun raq, rahai henghea apaiq aming langtibi raq.

Tvtsvmc 66:6

Apaiq raq khamjong rai ka phiisü thung ma tiijabaiqto; natitiim raq khamjong rai ka hok maq jin wanto. Kiijaq nashiq chochi wankai apaiq jaqsham kra chhilaita,

Tvtsvmc 74:13

Ümningkun jonghea kriimaq ümniiraq khamjong rai kok shangbaiqlaü ihata, laüta prenkaü thun khupo wiita tiichhit tra bukbaiq laü ihata;

Tvtsvmc 78:13

Apaiq raq khamjong rai kok ka mannai na triiphea baiqto; apaiq raq khamkok ka khetuk wiinai ikha tiichapbaiqto.

DUNGWVNC 14:16

Laüta ümnyeakii ka ra na dolaq. Kiimaq khamjong chum khuthaq kiina tiinyi laüta doshat maq shamlaq. Raüla khamjong chum ka mannai ma mitiipheaki. Kiimaq khamjong chum phii ka shinriiqriiq mishinki. Kra shinriiqriiq khamhü phii lam kriimaq Israilnok ka aheawiq miwa wan.

DUNGWVNC 14:20

Israilnok nai Ejipnok heawea niishe tiijakito. Kra phumkham chong raq Ejipnok miitu ra ka atiinyaq riibaiqto. Shatmaq Israilnok miika wa tiinii kuqto. Krai mren noknai ri wa phenlabi ka nokshi riimin nokshi tho na walot mak she, rawa minru shangbaiqto.

DUNGWVNC 15:8

Ümniiraq khamjong chum ka melaüta kham ka ra na dii luwiq atso blun wanto; raüta khetuk ikha chapkito; khamjong tsaühea ba ka hiqsii thung ma jakito.

DUNGWVNC 7:19

Tatiwe raq Mosheq ma thaüto, “Aron ma chonglaq, anyeakii ka lamho raüta Ejip mung na sitlaq tlotli jürai thun, khamchelam thun, kiimaq thamchum thun thaq na tiinyi raüta anyeakii ka ra na midolaq. Kra raüla kham thun ka wiita tiijai ma mijaki. Mung tlotli na tiijai tonglong lishe miraq. Pe maq ahai khamthii chang waqkhü thun nai long tsabum thun wiimin kham ka wiita tiijai ma siisaq mijaki.”

ISAIA 23:11

Tati raq ajaq phum ka ra na do raüta khamjong chum thaq na tiipiitlo. Raüta maiq mungtan thun wiita tiithenbaiqto. Apaiq raq Phonesia mung wa laopan nyungchong chela thun wiita tiithenbaiq miitu aming kuqto.

ISAIA 43:16

Rathupse niiphü, Tatiwe raq khamjong chum maq lam tanto, kham henghea bluntlaq thaq maq, lamjong kaü ashi tanto.

ISAIA 44:27

Ngi raq aming tsishi kuqlata sammoktra chum ka trübaiqkang.

ISAIA 50:2

“Isenginok raq ibom jam nguto tremak, Ngi ka tsangshiq phana tsangshiq tiichhiikekai kikang ta? Ngi raq tsangshiq hea kang ta, tsangshiq raq ibom jamto tremak? Ngi ka ningkun jomhea tsangshiq tiichhiikuqlot mang shea? Ngi raq khamjong chum ka bom tsishi miili trübaiqlot tiikang, kiimaq khamrai thun ka kumtsaiphii wang ma mitiijabaiqlot ha, krai mren kiijaq siti ngiq ka kham ahü kha maq wiita mijiim.

ISAIA 51:10

Khamjong chum trübaiqti irmin ümnaq ihata, laüta kham mong maq lam ashi tanlaü ihata, kriikha maq ümniiraq tiichhii wan laüti thun raq jü ka jin wanto.

ISAIA 51:15

“Ngi ka Tatiwe, üm Shiikeawe; Ngi raq khamjong chum ka shotshaqshaq tiibrak tiikang, lata atso jonghea tiimok tiikang. Imang ka Ajong Thaq Ajong Tatiwe!

ISAIA 63:12

Tatiwe ka ümchaü ümbano, man na apaiq ningkun jonghea maq Mosheq lümaq jaqsham jonghea sham wantaq ira, khamjong chum ka atiikho riibaiq raüta, lam tankuq wantaq raüta, asenginok ka kham jong chum mong maq shea wantaq, raüta apaiq mangchong tsa pattup pat-sa miitu tiijong wantaq irwe ira?” Tatiwe raq shunshea wan kha maq, tsangshiq ka rum na siti kumrang kong ikha tsang kiimwiiq ka tiithaptha mak riito.

HABAKUK 3:8

O, Tatiwe lei, jürai thun riisha, ümtsan ka tiikhiq tla? Sammoktra chum riishea ümtsan, walü wa ikha amok dungdung, tiikhiq tla? Ümniika phumda thaq na chaü laüta, walaü. Rathaiq ranyaq wantlaq phum ka, ümchao wan chang kumrang leng. Akha ümniiraq ümsenginok ma, rekhat tangkuq wan laü.

Acts 7:36

Krai mren, Mosheq raq mungmaiqse ka Ejip mung wa tsuq wanto. Raüta, Khamshii Kham jong rai ka jin wanto. Raüta, kumtsaiphii lam maq, wiiroqblai mungmaiqse ka shea wanto. Apaiq raq tsangshiq ka awang chang nai amao chang jaqsham pahea sham raüta, kra lümaq tiichhii kuq wan raüta shunshea wanto.

JOSHUA 2:10

Jamkhano ngukla, namshiq ka Ejip mung maq laü wan lan akhing na, Tatiwe raq namshiq wawan miitu lam tanke wan, Khamshii khamjong rai kra wiita shinriiq trübaiqto nguta tsütsa ka taikai. Kiimaq ara Jordan rai reko binjü wiiq na siti Amoraiq mungti hokhamwe nai Sihon hokhamwe nai Ok hokhamwe kriimin, namshiq raq long wan lanta jamkho tiimiqchup jiipbaiq wan lan kriimin naishiq raq tsütsa ka taikai she.

JOSHUA 3:17

Nokwe raq jükok ka süroqroq hea konü jüreko niishe jin wanto. Mungmaiqse kunli konü jüreko na mijin wan lot shaq wiiwii, ramwebi ka Tatiwe Tongshong Tek kra pishat maq Jordan raikhü mong ba na phii süroqroq hea kriijaq chapruq li chapto.

JOSHUA 4:23

Tsangshiq ma, Tatiwe Shiikeawe raq, nashiq miitu Khamshii Khamjong rai jamkho tiisüroq trübaiqtaq, kiikhiisii, Jordan rai kiimin namshiq raq mijin wanlot shaq wiiwii, tiisübaiqto nguta chongkuq ronglaq.