DUNGWVNC 14:22 - Hawa Naga Bible 2001

²² Israel miqsaz kuex yuix daungx nueyc hvlwvl ghaq wulthawk htauk maq khuemx wvnc vtueq svmuktvrax kuex yanz wvnc wuez tueq.

ASII LAKDAP Bible (BSI)

²² Kiimaq Israilnok ka khamjong chum khü shinriiqriiq hea kriimaq laü wanto. Kiimaq siimhap ri niika kham ka khetuk kaü wiinai ikha chap kito.

DUNGWVNC 14:22 Referencias Cruzadas

2 HOKHVMX 2:14

Piq rueq Elia kox wawc khvy hungyungx kvmaq yuix kuex wung vtueq, “Yehowa Elia Tishox kuex m-yuq lac?” ngoz tueq ramc tueq. Kvruex yimaq yuix kuex wung yek koq tueq, yuix kuex vnueyc muex htaq ruk rv-phvlc wvnc vtueq piq rueq yuix ral nuex yanz wvnc tueq.

2 HOKHVMX 2:8

Kvruex yimaq Elia rueq piq hungluz khvy kuex put ruiux tul vtueq yuix kuex wung tueq; yuix kuex vnueyc muex tvhtaq ruk rv-phvlc wvnc tueq, piq nuiyc Elisha kuex yuix ral kox nuex wulthawk thawk hvlc ghaq htauk maq yanz wvnc wuez tueq.

NEHEMIA 9:11

Mmiqsaz htenc tvkoc svmuktvrax kuex mnoz rueq tvpuc tvnc vtueq tsuingshiq kuex httuiz rawk yaq ghaq htauk maq tvkhuemc toq. Tsuingshiq yurc jix hez kuex svmuktvrax yuix daungx nuex, lung poz suingx wvnc yaq ikhoc yuix nuex htuip wvnc wuez vtuex.

Tvtsvmc 106:9

Vpiq rueq Yuix Shawx Jumx muex nvr koq tueq, kvtul kuix wvnc tueq; vpiq miqsaz htenc kuex ghaq shanrek maq tvyanz shvlx wvnc tueq.

Tvtsvmc 136:13

Vpiq rueq Yuix Shawx Jumx kuex mvnnueyc muex tv-phvlc gay tueq; vpiq lungwawc kuex pattup httax yaq;

Tvtsvmc 136:14

vpiq miqsaz htenc kuex kvruex vmungx baung kvmaq shvlx wvnc tueq; vpiq lungwawc kuex pattup httax yaq;

Tvtsvmc 66:6

Vpiq rueq svmuktvrax kuex wulthawk taung ghaq muex tvyaungc gay tueq; naungshiq jix vwaz tamx rueq yuix ruilx kuex yaz maq yanz wvnc tueq. Vpiq rueq shuimx wvnc tueq yauk shuimc htenc ningkhvnc nuex naungshiq kokez wuez vtix.

Tvtsvmc 74:15

Mnoz rueq yuix tumz htenc nuiyc yuix saz ruilx htenc kuex tvkaz ruiux, yuix yungx ruilx htenc kuex tvruic gay toq.

Tvtsvmc 78:13

Vpiq rueq svmuktvrax kuex mvn-nueyc muex tv-phvlc gay ruiux; yuix kuex khoalx tuk ikhoc tvjvp gay ruiux tsuingshiq kuex tvyanz shvlx wvnc tueq.

DUNGWVNC 14:29

Yuq muinz Israel miqsaz kuex yuix daungx nueyc hvlwvl nuex ghaq wulthawk htauk maq khuemx wvnc vtueq svmuktvrax kuex yanz wvnc tueq.

DUNGWVNC 15:19

Israel miqsaz kuex ghaq wulthawk htauk maq svmuktvrax kuex yanz wvnc wuez tueq. Yuq muinz Ejip miqsaz renc htenc rulc vdvmz tsuingshiq mvre htenc nuiyc vruip jix htenc kuex svmuktvrax nuex kaz wvnc koq tueq, Yehowa rueq yuix kuex tvyek vtueq, yuix rueq tsuingshiq kuex luimz wvnc tueq.

DUNGWVNC 15:8

Mnoz rueq svmuktvrax yuix muy koq tueq, yuix daungx kuex joz tueq; khoalx tuk ikhoc jvp tueq; svmuktvrax yuix khung nuex muinz ghaq tsanz dez yaungx tueq.

ISAIA 11:15

Yehowa rueq raungguil kalc hvlc tvguil vtueq Su-et noc nuiyc Euphrat ruilx kuex tvruic gay ruiux, uraq muinz yanz lot yaq yuix saz ruilx mvshix dvyx shex httax tuex, kvkaq uraq muinz khuemx shamx lvp tuex.

ISAIA 11:16

Israel miqsaz htenc Ejip mungx maq kaz wvnc tueq nuex tsuingshiq jix vwaz tamx tvkoc tvtsuingc juing muex yaungx tueq ikhoc, Asiria mungx nuex kvjungx yaq Israel miqsaz htenc muex tvtsuingc juing tvkoc lvmx laungx yungx kvruex baung nuex httax tuex.

ISAIA 43:16

Mvnnuex jauz Yehowa rueq svmuktvrax nuex lvmx laungx vshiz tvnc vtueq yuix tvwvyx maq lvmx tvnc tueq.

ISAIA 51:10

Mnoz rueq palc vshuiux hez rueq yanc wvnc tvkoc svmuktvrax yuix kuex tvruic gay ruiux, lvmx tvnc kuy jix kuex mnoz rvtoq.

ISAIA 63:12

Vpiq pumz tvkoc pattup muingc dung wvnc laz juing, Moshe maq raz tueq vpiq luimc vkawc maq svmuktvrax yuix kuex tv-phvlc gay ruiux, yuix thuiuz hvlc maq vpiq miqsaz htenc shvlx wvnc tueq yauk shuimc yunghvlc shuimx wvnc tueq Yehowa kuex m-yuq lac?” ngoz tueq wiz wuez tueq. Yehowa rueq shvlc wvnc ningkhvnc nuex mvre vtsvy htenc kvpek kvhtuiuc muq ikhoc tsuingshiq kuex mkaq muinz kvhtuip rul wuez muq.

JEKERIA 2:5

Yehowa kuex kvruex tvwungx tvkoc ghaqyungx tvroz nuex vpiq pumz kuex wvr palx ruk yaungx vtueq vpiq ngauz vngax maq kvyuq httax taungx ngoz tueq bomkhvmc taq tueq,” ngoz tueq jungx tueq.

WEAWEA 33:8

Tsuingshiq kuex Pi Hahirot maq kaz wvnc vtueq, Yuix Shawx Jumx kuex yanz wvnc ruiux Shur kumtsvy tvnx nuex httuiuc kaz tueq; nuiyq thuimx lvmx kaz yek vtueq tsuingshiq kuex Mara nuex jerak tec ruiux httax tueq.

1 Corinthians 10:1

Phunox bix lex, Moshe rueq shunshvlx wvnc tueq naungshiq jix vwaz htenc yvmx lac yaungx wvnc tvnx lvmx kuex nuimshiq muex rvwvl yek roc vphaungx. Tsuingshiq kuex phuemx rueq tvkhup wungx kuy ningkhvnc nuex Yuix Shawx Jumx muinz yoalx rek dvyx yanz wvnc tueq.

Hebrews 11:29

Kvmluimx vtueq Israel miqsaz htenc rueq Yuix Shawx Jumx kuex taung lvmx maq vkhuemx ikhoc rvp wvnc wuez tueq; Ejip miqsaz htenc rueq muinz kvkhoc rvp talx koq tueq htuip thueyc wvnc wuez tueq.

JOSHUA 3:16

yuix kay thauk kaz vtueq yuix khux kox wawc loayc hvlc nuex httax yaq Zarethan ghaqyungx hep wawc Adam ghaq nuex httuiuc laz yuix kuex kvjumx kaz tueq. Yuix Maungx Jumx nuex kaz yaq yuix kuex sawc ric ruic kaz ruiux, miq htenc rueq Yerikho ghaq kvhtaz kox nuex yanz wvnc wuez lot tueq.

JOSHUA 3:17

Miq htenc rueq yanz wvnc lot tueq nuex httuiuc laz Yehowa Bomkhvrc Jep pic jix shomc waz bix kuex Yodan ruilx yvmc nuex yuix muinz vguez httuiz rok rok hvlc ghaq nuex jvp wuez tueq.

JOSHUA 4:22

nuimshiq rueq tsuingshiq muex Israel miqsaz rueq Yodan ruilx kuex httuiz rok rok maq yanz wvnc tuit jauz wawc lvmz kuex jungx kuq shuinz.

1 SAMUEL 25:16

Nuiyhez kuex khelbuenx kung htenc remc lvmx maq tsuinghez rulc vdvmz httax tix nuex tsuinghez rueq tvkhup wungx lawc kuq phuex.