DUNGWVNC 11:3 - Hawa Naga Bible 2001

³ Ejip miqsaz htenc rueq Israel miqsaz muex tvtsanc nganc kuy tvkoc Yehowa rueq tvhungx htaungx kuq tueq. Rvkhauk laz kuex, vyungx vlaungx bix nuiyc mungx miqsaz lotlaz rueq Moshe kuex pinhtumc vyungx vlaungx miq washiz ngoz tueq tvmaung taq wuez tueq.

ASII LAKDAP Bible (BSI)

³ Tatiwe raq Ejip mungti ma Israilnok ka shreng miitu lam atan kewi she. Kriika riikhaqli dea, ajong alabi nai mungmaiqse raq Mosheq ka ajong pinthumwe nguta ngutlo.

DUNGWVNC 11:3 Referencias Cruzadas

RAPHA HIQWA LAK 12:2

Ngaz rueq mnoz muex msuiuz msaz paunghvlc kuq phaungx, tsuingshiq kuex miqphvnx yunghvlc muex yaungx wvnc tuex. Ngaz rueq mnoz muex ruimruimx kuq ruiux, mmuingc jungc tvyungc kuq phaungx, kvkhoc mnoz kuex kejux jungx waz yaungx tuiux.

RAPHA HIQWA LAK 39:21

Yuq muinz Yehowa kuex piq rulc vdvmz httaz ningkhvnc nuex piq muex ruimruimx kuq koq tueq, piq kuex khoktep lawc jix waz kox wawc htvlx phawc vhvlx lvp yaq.

2 SAMUEL 7:9

Mnoz khuemx shamx tuiux htenc kvyuq ngaz kuex mnoz rulc vdvmz raz tueq, mnoz kvtenc waung wvnc yaq nuex dvyx, mralx htenc lotlaz ngaz rueq khvt taungx gay tauk. Mungkawx wawc yunghvlc vyungx vlaungx bix ikhoc ngaz rueq mnoz kuex muingc jungc tvdung tvyungc phaungx.

ESTHAR 9:4

Mordekai kuex hoc nuex luimc vkawc yunghvlc httaz yaq miq washiz yaungx wvnc vtueq piq luimc vkawc yungx duiz wvnc yaq kuex honoc mungtan nuex muingc dung wvnc tueq.

Tvtsvmc 106:46

Tsuingshiq tuinghtuing jix lotlaz thuinz vmungx nuex tsuingshiq kuex menjenc thuinz tvhttax tueq.

DUNGWVNC 12:35

Moshe rueq jungx kuq tueq kvkhoc Israel miqsaz rueq Ejip miqsaz kox wawc kuimshawx, kuimphox vraungc vraq phvnx htenc nuiyc khoz vkhvy htenc kuex thoz wuez tueq.

DUNGWVNC 12:36

Tsuingshiq rueq thoz shuex htenc kuex Ejip miqsaz rueq tvtsanc nganc tay kuy tvkoc Yehowa rueq tvhungx htaungx kuq tueq. Kvkhoc raz tueq Israel miqsaz rueq Ejip miqsaz hup vsvmx htenc kuex gurx laq wuez tueq.

DUNGWVNC 3:21

“Nuimshiq kvruex mungx maq kaz wvnc ruiux yuq, sawx poalx maq kaz wvnc muit tvkoc Ejip miqsaz rueq ngvy miqsaz htenc muex tvtsanc nganc tvkoc ngaz rueq ruez shaungx.

ISAIA 60:14

Mnoz guirguenz wvnc tueq jix hez suiuz vsaz htenc kuex mnoz kox nuex kaz vtueq, Tsuingshiq rueq tvtsanc nganc yaq kuex tvkhic tvkoc bumx nawk wuez shuex. Kungkhux nuex mnoz muex wvlc guez ruez kv-phux hez rueq m-yaz phaungx nuex nawk palx wuez shuex. Tsuingshiq rueq mnoz ngoc, ‘Yehowa Ghaqyungx,’ ngoz tueq muinz, ‘Israel Vsawc Tishox Ghaqyungx, Zion’ ngoz tueq ngoz shuex.

Acts 7:22

Moshe rueq Ejip miqsaz taksux tharc htenc lotlaz tvluing wvnc vtueq, vjungc vphvnc nuiyc shuimc vkay vthenc vtuiuz waz muex yaungx wvnc tueq.

TRI CHONGKE 34:10

Yehowa rulc htvlx rvhumc kvjak lvp jix Moshe ikhoc shvmmax kuex Israel miqsaz nuex mkaq muinz httax muq doc.

TRI CHONGKE 34:11

Ejip hokhvmx waz maq phaungc vtueq piq vyungx vlaungx bix nuiyc wvmungx tuimx nuex Yehowa rueq Moshe kuex tvkaz vtueq, tvshuimx tueq romzyac htenc nuiyc vwangc juing htenc ikhoc vganc shvmmax uraq muinz ruez lot muq.

JOSHUA 4:14

Kvruex raungnuiyq Yehowa rueq shuimx tueq kuex Israel miqsaz htumc nuex Yoshua kuex wv-ngauz wv-ngax miq vshiz ikhoc tvmaung dvyx tvrvhumc ningkhvnc nuex, Moshe muex tsuingshiq rueq tvtsanc nganc kuq tueq ikhoc Yoshua muex muinz piq rullungx wvlex tvtsanc nganc wuez tueq.

Revelation 3:9

Tay shuinz! Miqmac kuex Yuda miqsaz rvtiq ngoz ruiux muinz Yuda rvmuq jix, Satan phungc nuex lomx yaq vrot vkaq jix htenc kuex m-yaz phaungx nuex tsuingshiq muex ngaz rueq tvnawk kaz phaungx. Ngaz rueq mnoz lungwawx vphaungx kuex tsuingshiq lotlaz rueq tuiuz wvnc shuex.