DUNGWVNC 11:3 - ASII LAKDAP Bible (BSI)

³ Tatiwe raq Ejip mungti ma Israilnok ka shreng miitu lam atan kewi she. Kriika riikhaqli dea, ajong alabi nai mungmaiqse raq Mosheq ka ajong pinthumwe nguta ngutlo.

Hawa Naga Bible 2001

³ Ejip miqsaz htenc rueq Israel miqsaz muex tvtsanc nganc kuy tvkoc Yehowa rueq tvhungx htaungx kuq tueq. Rvkhauk laz kuex, vyungx vlaungx bix nuiyc mungx miqsaz lotlaz rueq Moshe kuex pinhtumc vyungx vlaungx miq washiz ngoz tueq tvmaung taq wuez tueq.

DUNGWVNC 11:3 Referencias Cruzadas

RAPHA HIQWA LAK 12:2

Ngi raq ümniima ümsaü ümsetiim ka pahea mikuq kang. Kiimaq tsangshiq ka maiq mung jonghea ashi miishe mija wan. Ngi raq ümniika mishman kuqha. Lata ümmang ka jonghea ratsa ikha mitiijongha. Krai mren ümniika shiiman kaü ashi ma mija wan haü.

RAPHA HIQWA LAK 39:21

Shatmaq Tatiwe ka Joseph rai asi. Kiimaq apaiq raq Joseph ka shiimanto. Kra ningkhan phaqtek liiti ajongwe ka apaiq ma kai khoqriiq khiq riito.

2 SAMUEL 7:9

Ngi ka ümnaq ümbano kitlaü kiijaq nongshnong kidamkang. Lata ngi raq ümniiraq ümtinkhan wa ümjaqtinok ka khat wan wan sinkhu na wawan laü, kra phan phan ngi raq wiita kunkun khatkuq wan kang. Lata tang wan kang. Ngi raq ümniika mangjong hiq na ümmang ka ra tsa ikha ajong pinthum miishe mitiija wanha.

ESTHAR 9:4

Ümkhiiwa ngukla, Mordekai ka Hokhamwe rung na ajong pinthum she jawanto. Kiimaq apaiq khushü jonglu ka jongruq jong wanto. Krai mren apaiq mangchong kiimin mung na, atsa aba she nyam wanto.

Tvtsvmc 106:46

Apaiq raq tsangtijongnok tsan na, tsangshiq ma mangchan tiitsikuqto.

DUNGWVNC 12:35

Mosheq raq jamkho tsii chongkuqtaq kra phan phan, tsangshiq raq kloto. Tsangshiq raq Ejip mungti jaq wa chaq nai kampho maq atiiq laktum nai khu akhea thun kra jaüto.

DUNGWVNC 12:36

Tatiwe raq Ejip mungti tsantsii ka Israilnok ma shreng manto tiichhike miitu tiininkeje riito. Kiimaq tsangshiq raq jamlai wa jaütlaq kra wiita kuqto. Akha Israilnok raq Ejip mung wa tachong tsiiq anyam ka wiita tsuq wanto.

DUNGWVNC 3:21

“Ngi raq Ejip mungti ma ümniika mitiishrengha. Raü jiitiq ümtiikiiwa isenginok ka laü wantlaq na, tsangshiq ka jaqmii maq wawan mak miraq.

ISAIA 60:14

Ümnaq ji maq nishi haihiiti setiim thun misaü wan, Raüta ümji chong na bum raüta ümnaq mishreng. Man na akhing ashi na ümnaq saisiti raq ümjichong maq ümnaq mishomnoq, Tsangshiq raq ümniika, ‘Tatiwe chela’ nguta mingu, ‘Jajon ka, Israilnok asii Shiikeawe chela’ nguta mingu.

Acts 7:22

Apaiq raq Ejip mungti anyan phaqchi kunli saptsin raüta, kai ongto. Raüta, apaiq ka Ejip mung na tsüwe tsitwe ashi kiimaq phanrap jaqsham na achi-achet ajong pinthum she jawanto.

TRI CHONGKE 34:10

Mosheq khan shammi ka Israil mung na jumin dong mak riito. Tatiwe raq apaiq rai ka mantut na tiqtaq riibom damto.

TRI CHONGKE 34:11

Tatiwe raq Mosheq ka Ejip mung na tiiki raüta, hokhamwe khuthaq na, kiimaq asengi ajong alabi khuthaq na, kiimaq Ejip mungti kunli khuthaq na awang chang kiimaq amao chang jaq tiishamto. Atinkhan jaqsham ka shammibi ahinti juwe lümiimin tiisham mak dea riito.

JOSHUA 4:14

Kra ranaiq Tatiwe raq jaqsham kuqtaq kra chhiraüta mungmaiqse raq, Joshua ka ajong pinthumwe dea nguta tak wanto. Tsangshiq raq Mosheq ka jamkho shreng wantaq kra phanphan Joshua kiimin arilung pattup tsangshiq raq shreng wanto.

Revelation 3:9

Tai rong laq! Kiijaq siti Thawe sengi arot kong raq, tsangshiq ka Jehudinok nguta tiichong tlo. Shatmaq, arot. Ngi raq tsangshiq ka namshiq jichong na mitiibum ha. Raütiq tiina, tsangshiq raq, namshiq ka ngi raq lungwii tiikang dea nguta misap.