DUNGWVNC 11:4 - Hawa Naga Bible 2001

⁴ Moshe rueq hokhvmx waz muex ngoc, “Yehowa rueq jungx yaq, ‘Raungwvrx htungx nuex ngaz kuex Ejip mungx nuex kaz taungx,

ASII LAKDAP Bible (BSI)

⁴ Kiijiishe Mosheq raq hokhamwe ma nguto, “Tatiwe raq ngutlo, ‘Rawa wathung wakham na Ngi ka Ejip mung hamli na mikhumkiha.

DUNGWVNC 11:4 Referencias Cruzadas

2 SAMUEL 5:24

Pulx jungx thawx htenc nuex kvtenc khuemc tvruingc tay ruiux lec khvt phaungc shuiuz, yvmx khoc lac ngoz ruiux lec Philistin miqsaz khvt taungx gay tvkoc mmax nuex ngaz kaz vtaungx,” ngoz tueq tvralc tueq.

YOBA 34:20

Miq kuex raungwvrx nuex vhuingc rvhek laz maq thueyc kaz yaq. Tishox rueq miqsaz kuex wung tvrul koq tueq, tsuingshiq bac wvnc tueq; vpiq rueq hungc vlaungc httaz hvlc jix kuex yoalx rek rek thvt gay yaq.

Tvtsvmc 60:10

Mnoz rueq nuiyshiq kuex vsuing haz tvdux gay vphux? Nuiyshiq ralx daungx rulc roc nuex mnoz dung kaz naungx muq haz?

Tvtsvmc 81:5

Piq rueq Ejip mungx khvt tueq nuex Israel miqsaz htenc muex vkuq nvrc bomc rvtueq. Tuiuz mauk thuic bomc vshiz ngaz rueq tay tauk kuex,

DUNGWVNC 12:12

“Kvruex raungwvrx ngaz kuex Ejip mungx kvmaq lvy wvnc vtueq, pekhux miqwaz sahez nuiyc nyvmx saz jawc khux vlaz htenc kuex thvt gay ruiux, Ejip mungx wawc tishox lotlaz muex murx tvgurc shaungx, ngaz kuex Yehowa rvtauk.

DUNGWVNC 12:23

Yehowa kuex Ejip miqsaz thvy gay tvkoc Ejip mungx maq lvy wvnc vtueq, kaluix daungx khux nuex nuiyc kaluix daungx htung nuex tvguiy kuex khiz ruiux yuq, Tvthueyc jix Kamx waz rueq nuimshiq yuimx htenc kuex lvy gay shec ruiux, nuimshiq kuex thvt gay muq.

DUNGWVNC 12:29

Raungwvrx htungx nuex Yehowa rueq Ejip mungx wawc miqwaz saz pekhux lotlaz maq phaungc vtueq hokhvmx hoc nuex duic jix hokhvmx waz saz pekhux waz maq, khoktep nuex httaz yaq jix saz pekhux waz nuex httuiuc laz muinz, nyvmx saz kungkhux vnyuiuz lotlaz muinz thvt gay tueq.

ISAIA 42:13

Yehowa kuex shvrvyx waz ikhoc ralx khvt tvkoc dung kaz yaq; vpiq kuex ralx khvt tvkoc tvyoalc hvt maq thuinz tv-phez yaq. Vpiq rueq ralx khvt muex guyc vtueq; vpiq ralx hez tvgap gawx tvkoc vpiq luimc vkawc kuex tvkhic tueq.

AMO LUIK DVP (AMOS) 4:10

“Ejip mungx nuex ngaz rueq vtvkaz thuimkux mac vtsac ikhoc nuimshiq htauk nuex muinz ngaz rueq tvkaz tauk. Nuimshiq yalxrox bix kuex ralx khvt nuex ngaz rueq thvt gay tauk, nuimshiq mvre htenc muinz ngaz rueq lvmz gay tauk. Nuimshiq jerak htenc kvyuq maungx nvmc thuingc maq nuimshiq khuiz nuex tvhttuiuc kuq tauk. Kvkhoc rvyruiux nuimshiq kuex ngaz kox nuex yek waung muit.

AMO LUIK DVP (AMOS) 5:17

Svpiq sunc htenc nuex muinz vkhoarc vnyerc kuex httax tuex. Vkhoc phvnx lotlaz yaungx wvnc tuex yvmx khoc lac ngoz ruiux lec ngaz rueq nuimshiq muex murx tvgurc vkhing httuiuc wvnc tuex,” Yehowa rueq jungx tueq.

Mikha 2:13

Tishox rueq tsuingshiq tvkoc lvmx daz kuq shuex, tsuingshiq kuex thuq laq tueq kvwawc shvlx wvnc yek shuex. Tsuingshiq rueq palx kaluix htenc kuex rop httak gay ruiux dung kaz wuez tuex. Tsuingshiq hokhvmx rvtueq Yehowa vpiq pumz maq tsuingshiq kuex tvdung shvlx wvnc shuex.

Matthew 25:6

“Raungwvrx htungx nuex ‘Vyuq waz nyalx waz httuiuc kaz yaq shex! Piq kuex humc kaz wuez kuinz!’ ngoz tueq thuirx tvruingx wuez tueq.