DANIEL 2:47 - Hawa Naga Bible 2001

⁴⁷ Hokhvmx waz rueq jungx tueq, “M-Tishox kuex tishox lotlaz htauk nuex vyungx pinhtumc, hokhvmx bix htenc kuex guimz jix Taungjix rvtueq, vhttuiyq vpuiuc vruez kuex tvkhic jix waz rvtueq. Vruex vhttuiyq vpuiuc vruez kuex mnoz rueq jalc jungc kuy lot ningkhvnc nuex ngaz rueq tuiuz lvp tauk,” ngoz tueq.

ASII LAKDAP Bible (BSI)

⁴⁷ Kiimaq hokhamwe raq nguto, “Üm Shiikeawe ka phra wiitarü thaq na ajong pinthum, hokhambi tarü thaq na Tatiwe, kiimaq apaiq ka maiqse ma amao chang hupsam thun tiichhiketi. Ara jamkho sapkang ngukla, ümniiraq ngi ma ara amao chang bomtsi kra chongkuq laü.”

DANIEL 2:47 Referencias Cruzadas

RAPHA HIQWA LAK 41:39

Hokhvmx waz rueq Yosep muex ngoc, “Tishox rueq mnoz muex kvkhoc shuimc vkay htenc kuex tvkhic kuq kv-phux ningkhvnc nuex, mnoz htauk nuex lvy vtueq taksux tharc nuiyc kvmungx tharc vhttax jix miq kuex httax tuex rvmuq.

2 HOKHVMX 5:15

Piq kuex vmiq hez lotlaz rulc vdvmz Elisha kox nuex yek waung vtueq, “Majuiuc kuex Israel Tishox maq lvy vtueq vganc tishox vguez kuex ngaz rueq tuiux tauk shex; kvkhoc rvtueq jiyungx waz lex, kejux maq ngaz rueq yauk noalc kuq vphaungx kuex thoz koq,” ngoz tueq jungx tueq.

YOBA 12:19

vpiq rueq shomc waz bix nuiyc luimc vkawc httax yaq hez kuex tvyomx gay tueq.

Tvtsvmc 136:2

Tishox htenc lotlaz htauk nuex vyungc pinhtumc Tishox muex kejux vyungx ngoz shuinz; vpiq lungwawc kuex pattup httax yaq.

Tvtsvmc 136:3

Taungjix htenc lotlaz htauk nuex hungc vlaungc httaz hvlc Yehowa muex kejux vyungx ngoz shuinz; vpiq lungwawc kuex pattup httax yaq.

Tvtsvmc 72:11

Hokhvmx lotlaz kuex piq khaung-kac nuex bumx vtueq nawk wuez shuex; miqphvnx lotlaz rueq muinz piq muex nawk wuez tuex.

Tvtsvmc 82:1

Tishox rueq raungmungx wawc suingdaungx muingdaungx kuex shunshvlx yaq; tishox htenc rvtuimx yaq nuex vpiq rueq htvp htaz yaq lvmx kuex jungx kuq yaq:

Tvtsvmc 96:4

Yehowa kuex yunghvlc ningkhvnc nuex pinhtumc tvtsvmc aungx yaq waz rvtueq; tishox htenc lotlaz rueq vpiq muex tvtsanc nganc kuy aungx yaq waz rvtueq.

EJEKIEL 26:7

Johvlc Yehowa rueq, “Hokhvmx lotlaz wawc vyungx pinhtumc Babelon Hokhvmx Nebukhadnezar kuex Tire khvt muex ngaz rueq gvl laq shaungx. Piq kuex nolaungx bix htenc nuiyc mvre htenc, mvre renc htenc nuiyc mvre nuex ngaungc jix nolaungx bix htenc kuex ghaqkhux kox maq kaz wvnc yaq.

DANIEL 11:36

“Suria hokhvmx rueq piq thuinroc ruez shuex. Piq kuex vganc tishox htauk nuex muinz pinhtumc vyungx rvtueq, Johvlc Tishox htauk nuex muinz pinhtumc vyungx ngoz tueq piq kvsomc parc tuex. Tishox rueq piq muex murx tvgurc shuex nuex httuiuc laz piq rueq vkhoc shuimx shuex. Tishox rueq vpiq kvmungx httax yaq rulc rv-ngvlc rvshuex rvtueq.

DANIEL 2:19

Kvruex raungyac dvyx vhttuiyq vpuiuc vruez maung kuex Daniel muex romzyac maq tvkhic kuq tueq, piq rueq raungmungx Tishox tvtsvmc kvmc tueq.

DANIEL 2:22

Vpiq rueq thuiuz hvlc nuex vhttuiyq phvnx ruip saz tvdung yaq; vpiq rueq raungnyauk nyuing nuex vhttuiyq taq kuex tuiuz yaq, vpiq shauk pumz kuex vphez vlez maq kvguenc kvgonc yaq.

DANIEL 2:28

Yuq muinz vhttuiyq vpuiuc vruez kuex tvkhic lot jix Tishox kuex raungmungx nuex httax yaq. Vpiq rueq max kox nuex yvmx lac yaungx wvnc tvnx lvmz Taungjix hokhvmx waz muex tvkhic yaq. Majuiuc mnoz kvtsoalx nuex khiz toq maung romzyac kuex ngaz rueq mnoz muex jungx kuq phaungx.

DANIEL 2:29

“Taungjix hokhvmx waz kvtsoalx nuex, max kox nuex seng vtueq maung maq maung toq; vhttuiyq vpuiuc vruez tvkhic jix Tishox rueq yvmx lac yaungx wvnc tvnx lvmz mnoz muex tvkhic kv-phux.

DANIEL 2:30

Majuiuc vruex vhttuiyq vpuiuc vruez kuex ngaz muex tvkhic kuq yaq, ngaz kuex vganc jix htauk nuex jvnc vtueq tuiuz thenc ningkhvnc nuex rvmuq, yuq muinz Taungjix hokhvmx waz mmaung vlvmz htenc kuex tuiuz lvp vtueq, mnoz nuex httax yaq kvmungx htenc kuex tuiuz tvkoc m-yaungx kueq.

DANIEL 2:37

Taungjix hokhvmx waz lex, mnoz kuex hokhvmx lotlaz htauk nuex yunghvlc rvtoq. Raungmungx Tishox rueq mnoz kuex honoc tvyaungc ruiux, luimc vkawc, ngauz vngax, nuiyc tvtsanc nganc kuex kuq kv-phux.

DANIEL 3:15

Majuiuc nuimhez rueq bolic, lawx pawz, toloz, kitaz, torox nuiyc vganc phvnx vtuimc vtvlc juing lotlaz tuimc tvruingc kuex tay shuinx rulc rv-ngvlc vyac yuimx kuex tuk nguk bumx vtueq nawk palx wuez rax. Mkhoc shoc maq nawk muit ngoz ruiux kuex, wvrluic mungx nuex lvmx lvy tuip gay rvhumc wuez tuinx. Nuimhez tvguing lot jix vganc tishox httax yaq ikhoc haz tvmaung vshuinx?” ngoz tueq.

DANIEL 3:28

Hokhvmx waz rueq, “Shadrak, Meshak, nuiyc Abetnego hez Tishox muex tvtsvmc wuez shuinz! Vpiq rueq vpiq raungkamx waz kuex tvkaz vtueq vpiq muex tvluimc jix waz thuimx kuex palc wvnc tueq. Tsuingthuimx kuex ngaz rueq nvrc bomc phvnx muq maq tsuingshiq Tishox maq lvy vtueq vganc tishox muex tuk nguk bumx muq nuiyc nawk palx muq tvkoc tsuinghez thuiuzthuic maq khvmc tueq.

DANIEL 3:29

“Majuiuc kuex miqphvnx tek, vphvnx tek nuiyc phvnx ruip kvjaz kvjak jix ukhaq yuq muinz Shadrak, Meshak, nuiyc Abetnego hez Tishox muex wvlc guez tvyaungc ruiux yuq, piq kuex tvhtaq tvruk ruec gay rvhumc vtueq vyuimx kuex httak tvbac gay muex ngaz rueq nvr vshaungx. Vkhoc rvlot jix tishox vganc kuex httax muq,” ngoz tueq.

DANIEL 4:17

Vruex kuex honc lvmz hvt maq bvmc yaq raungkamx waz hez rueq htvp htaz yaq lvmz rvtueq. Kvkhoc rvtueq Johvlc Tishox rueq miqsaz mungtan htenc htauk nuex luimc vkawc httax yaq lvmx muinz, vpiq rueq yvmx muinz rvmuq miq kuex thvl wvnc vtueq vkhek miq muex tvyaungc tueq lvmx muinz baung ruip saz wawc miq rueq mtuiuz wvnc shueq,’ ngoz tueq ramc tueq.

DANIEL 4:25

Mnoz kuex miq phungc wawc yurc gay rvhumc vtueq yaruix ngvmx saz htenc rulc vdvmz httax tuiux. Mnoz kuex manx rueq ikhoc renhttuingx kuex wawc mvshix phauk ruiux, mhtauk nuex buing rueq hemc vtueq vshuip vpuingc vguez baung nuex woalc tuiux. Kvkaq Johvlc Tishox rueq miqsaz mungtan htenc guimz lawc ruiux, vpiq rueq vthvl miqsaz ukhaq muex muinz vpiq rueq kuq lot yaq kuex mnoz kvjungc tuiux.

DANIEL 4:32

Mnoz kuex miq phungc wawc yurc gay rvhumc vtueq yaruix ngvmx saz htenc rulc vdvmz wawc mvshix tup manx rueq ikhoc renhttuingx kuex phauk shuiux. Kvkaq Johvlc Tishox rueq miqsaz mungtan htenc htauk nuex guimz yaq luimc vkawc lvp vtueq vpiq rueq vthvl ukhaq muex muinz vpiq rueq kuq lot yaq kuex mnoz kvjungc tuiux,” ngoz tueq.

DANIEL 5:11

Vsawc tishox htenc siyac httax yaq miq washiz mmungtan nuex httax yaq. M-waz hokhvmx yaungx tueq nuex kvruex waz rueq tishox htenc phaqjic nuiyc taksux tharc ikhoc maq taksux tharc tvkhic yaq. M-waz Hokhvmx Nebukhadnezar rueq piq kuex mvntan thenc jix bix, luinglawc jix bix nuiyc ruiysuiyq yapix lawc thenc jix hez shunshvlc jix muex tvyaungc tueq.

AMO LUIK DVP (AMOS) 3:7

Johvlc Yehowa vpiq kvmungx kuex vpiq nvrc waz shvmmax bix muex max tvkhic shauk nuex, yvmx dvyx yuq muinz vpiq rueq mkaq muinz shuimx muq.

1 Corinthians 14:25

Piq rueq tay wvnc tueq bomjungc htenc ningkhvnc nuex piq thuinz vmungx nuex phoc kuy rvhumc ruiux, piq rueq mungyumx maq dvnc yaq htenc kvkhic wvnc vtueq, “Vsuing Tishox kuex nuimshiq rulc vdvmz nuex vyuq httax yaq,” ngoz tueq kvjungc tuex.

TRI CHONGKE 10:17

Yehowa nuimshiq Tishox kuex tishox htenc lotlaz htauk nuex muinz luimc vkawc httaz hvlc. Vpiq kuex yunghvlc raz tueq hungc vlaungc mvrc yaq ningkhvnc nuex vhiz juing rvtueq. Vpiq rueq miqsaz htvlx phawc kuex thvl muq, khauloayc yauk noalc thoz muq.

1 Timothy 6:15

Vshiz dvyx rvtueq luimc vkawc httax vtueq guimz lawc yaq waz, hokhvmx bix muex Hokhvmx, taungjix htenc muex Taungjix waz Tishox kuex vkhing httuiuc ruiux yuq Taungjix Yesu kuex lauk shiz hulawx tvkhic tvdung yek shuex.

JOSHUA 22:22

“Tvphaungc Tvsuip Waz kuex Tishox rvtueq! Vpiq kuex Yehowa rvtueq! Tvphaungc Tvsuip Waz kuex Tishox rvtueq! Vpiq kuex Yehowa rvtueq! Vpiq kuex naungshiq rueq vruex yvmx ngoz tueq lac shuimx kaz vshix lvmz kuex tuiuz yaq, nuimshiq kvmuinz nuiyshiq rueq tvtuiuz vphix! Nuiyshiq rueq tvgap gawx vtueq Yehowa muex kvmluimx thuinz vguez ngoz ruiux yuq, nuiyshiq kuex mkaq muinz tvraungx nauk taq vkueq!

Revelation 1:5

tvmtuing vhttax maq hakhix khvmc yaq waz, vthueyc wvnc jix hez wawc kungkhux yuing kvtenc wvnc jix, mungkawx hokhvmx bix guimz jix waz Yesu Christu kox wawc muinz, kejux nuiyc suinglix kuex nuimshiq rueq lvp wvnc shuinz. Naungshiq muex lungwawx vtueq vpiq pumz maq shomc nawk kuy thueyc khvmc tueq nuiyc naungshiq mvrax htenc dawc kuq ruiux,

Revelation 17:14

Tsuingshiq kuex Khelbuenx Saz kvrulc rvkhvt rvlungc wvnc tuex; yuq muinz Khelbuenx Saz kuex taungjix htauk nuex Taungjix, hokhvmx htauk nuex Hokhvmx ningkhvnc nuex tsuingshiq kuex yurc gay shuex. Vpiq rueq vgvl shec hez nuiyc vpiq muex tvmtuing httaz jix htenc kuex vpiq rulc vroc nuex taungx wvnc vkhangx lvp wvnc wuez shuex,” ngoz tueq.

Revelation 19:16

Vpiq svmhung nuex nuiyc yaz wuenc nuex, “Hokhvmx htauk nuex Hokhvmx, taungjix htauk nuex Taungjix,” ngoz tueq vmuingc kuex wuiyq shec tueq.