DANIEL 2:46 - Hawa Naga Bible 2001

⁴⁶ Kvkaq Hokhvmx Nebukhadnezar kuex ghaq nuex bumx vtueq Daniel khaungkac nuex shomc nawk juing nuiyc shomc kuy juing htenc kuex tvhungx tvkoc nvr tueq.

ASII LAKDAP Bible (BSI)

⁴⁶ Kiijiishe, Hokhamwe Nebukadnejar ka hiq na bumsaq riito. Raüta Daniel ma honglu thun nai homseng honglu thun keraa nguta aming kuqto.

DANIEL 2:46 Referencias Cruzadas

EJRA 6:10

Vkhoc shuimc lvmc juing rvtueq, kvkaq Raungmungx Tishox rueq lvp wvnc shuex shomc nawk kuy juing htenc kuex tsuingshiq rueq shomc kuq lvp shuex, ngvy htauk nuex muinz, isaz hez htauk nuex muinz vpiq ruimrix kejux lvp wvnc tvkoc vjux thoz kuq wuez phuex.

DANIEL 3:5

Nuimshiq rueq bolic thuic htenc tay shuinx yix maq, lawx pawz, toloz, kitaz nuiyc torox htenc tuimc tvruingc kuex tay shuinx. Kvruex tuimtvlx phaungc wvnc ruiux yuq, Hokhvmx Nebukhadnezar rueq tv-ngaungc taq tueq kuimshawx yac kuex nuimshiq rueq tuk nguk bumx vtueq nawk palx wuez rax.

DANIEL 3:7

Kvkhoc rvtueq tsuinghez kuex vtuimc vtvlc thuic tay shuinx rulc rv-ngvlc, miqphvnx htenc, miqphvnx kvjaz phvnx ruip saz kvjak yaq htenc kuex Hokhvmx Nebukhadnezar rueq tv-ngaungc taq kuimshawx yac kuex bumx vtueq nawk palx wuez tueq.

DANIEL 8:17

Gabriel kuex ngvy hep nuex jvp kaz tueq, ngaz kuex pinhtumc hiyaz vtueq ghaq nuex rul kaz tauk. Piq rueq ngaz muex jungx phuex, “Vthueyc wvnc jix waz lex, vlvmz kuex tuiuz shuiuz. Kvruex romzyac kuex mungkawx htumx wvnc nuex yaungx wvnc tuex lvmz rvtueq,” ngoz tueq.

LEWI 26:31

nuimshiq httaz tuinx ghaqyungx htenc kuex httak tvbac gay ruiux, nuimshiq rueq nawk palx shuinx htenc kuex tvbac gay shaungx, nuimshiq rueq shomc nawk kuq shuinx kuex ngaz rueq tvdux gay shaungx.

Luke 17:16

Yesu yaz phaungx nuex bumx vtueq, vpiq muex kejux vyungx ngoz kuq tueq. Kvruex waz kuex Samaria miqsaz rvtueq.

Acts 10:25

Peter nyuip wvnc yaq nuex, Korneliu rueq humc kaz vtueq piq yaz phaungx nuex bumx ruiux nawk tueq.

Acts 14:13

Kez phic nuex httax yaq Zeu tishox wawc shomc waz muinz, palx kaluix nuex manx pung htenc nuiyc pulx puic tuz htenc kuex lvmz laq vtueq, nuk miqsaz htenc rulc vdvmz nuex kamx waz hez muex shomc nawk juing maq shomc kuy roc tueq.

Acts 28:6

Tsuingshiq rueq piq kuex gvnpumz phuingx wvnc tuex, rvmuq ngoz ruiux vlox nuex dvyx kvlak rul thueyc wvnc tuex, ngoz tueq bvmc lawc wuez tueq, kvkhoc vshauk puq nuex httuiuc laz bvmc lawc koq tueq muinz piq htauk nuex yvmx muinz rax muq kuex khiz vtueq, tsuingshiq thuinz kvlayc wvnc yek vtueq, “Vruex waz kuex tishox vshiz khoc vnauz!” ngoz wuez tueq.

Revelation 11:16

Kvruex kaq Tishox khaungkac wawc tsuinghez daungraungc nuex ngaungc wuez yaq walaungx bix waz 24 rueq bumx vtueq Tishox kuex nawk palx ruiux,

Revelation 19:10

Kvkaq ngaz rueq piq yaz phaungx nuex bumx vtueq nawk palx dvnc tauk, yuq muinz raungkamx waz rueq, “Kvkhoc nauk nawk kaz! Ngaz kuex mnoz nuiyc mphuz mnox hez maq phaungc vtueq, Yesu rueq jungphvnx wvnc tueq tsuingrux lvmx phvnc jix htenc rulc shuimc shiz kayshiz jix nvrc waz dvyx rvtauk. Tishox muex dvyx nawk palx shuiuz!” ngoz phuex. Yvmx khoc lac ngoz ruiux lec Yesu rueq jungphvnx tueq tsuingrux bomjungc maq jix shvmmax bix muex rawshvmx tvwaung kuq yaq.

Revelation 22:8

Ngaz Yohan kuex vruex lvmz htenc lotlaz tay jix waz nuiyc khic jix waz rvtauk. Vtanc khvnc khiz wvnc tay wvnc lot vtueq, vruex lvmz htenc ngaz muex tvkhic kuy jix raungkamx waz yaz phaungx nuex piq kuex nawk palx tvkoc ngaz bumx tauk.