DANIEL 2:47 - ASII LAKDAP Bible (BSI)

⁴⁷ Kiimaq hokhamwe raq nguto, “Üm Shiikeawe ka phra wiitarü thaq na ajong pinthum, hokhambi tarü thaq na Tatiwe, kiimaq apaiq ka maiqse ma amao chang hupsam thun tiichhiketi. Ara jamkho sapkang ngukla, ümniiraq ngi ma ara amao chang bomtsi kra chongkuq laü.”

Hawa Naga Bible 2001

⁴⁷ Hokhvmx waz rueq jungx tueq, “M-Tishox kuex tishox lotlaz htauk nuex vyungx pinhtumc, hokhvmx bix htenc kuex guimz jix Taungjix rvtueq, vhttuiyq vpuiuc vruez kuex tvkhic jix waz rvtueq. Vruex vhttuiyq vpuiuc vruez kuex mnoz rueq jalc jungc kuy lot ningkhvnc nuex ngaz rueq tuiuz lvp tauk,” ngoz tueq.

DANIEL 2:47 Referencias Cruzadas

RAPHA HIQWA LAK 41:39

Kiimaq hokhamwe raq Joseph ma nguto, “Shiikeawe raq ümniima arthun ara tiichhikuqto. Krai mren ümniika nanok ahinti thaq na taksu tsii kiimaq taksu phaqchi apa lin asap haü.

2 HOKHVMX 5:15

Kiimaq apaiq asengikong rai Elisha phana jang wanto. Raüta akha nguto, “Riita ümchaü kla ngi riimin, ara mangjong hiq niika laihin shiikea ka ahü, Israilnok Shiikeawe sitlaq kli dea nguta saptiikang. Arningkhan, shiilangwe lei, ngi raq kongphiq kuq tiikang arka tao laq.”

YOBA 12:19

apaiq raq ramwebi nai ajong alabi ka anun miishe tiijabaiq tlo.

Tvtsvmc 136:2

Tisho phong wiita thaq na ajong Shiikeawe ma kechutum ronglaq; apaiq lungwii ka pattup pat-sa.

Tvtsvmc 136:3

Tati thun thaq na ajong pinthumwe kiima kechutum ronglaq; Apaiq lungwii ka pattup pat-sa.

Tvtsvmc 72:11

Hokhambi thun wiitarü raq ajichong na bum raüta minoq wan; Maiqphan tlotli raq apaiq minoq wan.

Tvtsvmc 82:1

Shiikeawe ka ramungtan rung na ngongwe; tisho kong thungtlaq kiijaq apaiq raq tri akha tantlo:

Tvtsvmc 96:4

Tatiwe ka ajong pinthum kiimaq pinthum shreng chang; apaiq ka tisho kong wiita thaq na apa shreng chang.

EJEKIEL 26:7

Tati Rakaü Hiqwe raq ngutlo, “Ngi raq hokhambi thaq na ajong thaq niimin ajong pinthum Bebilon mungti Hokhamwe Nebukadnejar ka Tajar chela khatkai miitu misheahoha. Apaiq ka shekhu nü maq phenlabi rama hiqma sheaho raüta, kumrang kong kiimaq kumrang leng phong kiimaq kumrang raikhü na nga raüta rekhatti phenlabi thun kra sheaho raüta miki.

DANIEL 11:36

“Siria mung hokhamwe raq, apaiq raq athithi kli miklo wan. Apaiq raq apaiq ka phra thun thaq niimin, ajong nguta mitiishom rasiq. Apaiq ka Ajong Thaq Na Ajong Shiikeawe thaq niimin ajong nguta mitsütsitsiq. Apaiq raq ara abi kiimung arka, Shiikeawe raq apaiq ma mo tiiho akhing ranaiq na saüli miklo wan. Shiikeawe riika apaiq raq jamkho thimi wantaq kra phanphan miklo wan.

DANIEL 2:19

Krai mren, kra rawali kra amao chang bomtsi ka riisham mak maq, Daniel ma tiichhikuqto. Krai mren, apaiq raq ratsan ramong nyang na siti Shiikeawe ka akha tiitsam kamto:

DANIEL 2:22

Apaiq raq tsaühea hupsam, kiimaq apaü arthü kra tiichhikuq tlo; apaiq raq ranyaq mong na paütlaq kra asap, kiimaq apaiq tro niika rawiili wali.

DANIEL 2:28

Shatmaq ramungtan na siti Shiikeawe asi. Apaiq riili amao chang hupsam thun kra tiichhi kuqtlo. Apaiq raq, Chaü lei, rawiishiqwii pat achat na, jamlai phan hongtha wan chang wa kra ümniima tiichhi kuqto. Riita ümchaü ngi raq ümniima ümma maq, riisham makchhi maq jamlai wa chhilaü kriishe chongkuq pha.

DANIEL 2:29

“Chaü lei, ümniika akon lam maq rawiichii pat na hongtha wan chang machha malaü; kiimaq amao chang hupsam tiichhiketi Shiikeawe raq, rawiichhii akhing na jamlai hongtha wan chang wa kra ümniima tiichhikuqto.

DANIEL 2:30

Riita, ara amao chang bomtsi ngi ma tiichhikuqtaq arka, ngi ka nanok thaq na asap atsin riilatiika riimak. Shatmaq Chaü lei, ümniiraq ümma liichum kra mitak laq, laüta ümtsan mong na jamlai tiima wa saütaq thun kra misap laq nguta tiichhikuqto.

DANIEL 2:37

Chaü lei, ümniika hokhambi wiita thaq na ajong pinthum. Ramungtan na siti Shiikeawe raq ümniika ajong pinthum hokham ma shongto. Raüta ümniima ningkun, phenla ningkun, kiimaq khushü kuqto.

DANIEL 3:15

Riita, ümchaü min, namtsam raq lerong, tulu, torokong, torojong, phaqlamtoro, kiimaq laihin atsüngii chang phan thun tsütrang kra taihanla, hiq na bumrang lanta, sumla phrakaü ka noq ronglaq. Kra riiman hanla, jaqlo thitli, namtsam ka watum kaü henghea nyaitlaq mong na mitiidea baiq. Kra watum mong wa namtsam tiichhiiketi ashi ra shiikeawe ka asi ngutiisha tiimatlan?”

DANIEL 3:28

Kiijiishe, hokhamwe raq nguto, “Shadrakh, Meshakh, kiimaq Abednego Shiikeawe kli tiitsam ronglaq! Apaiq raq arase tiiki raüta, apaiq shomnoqti kiimaq apaiq ma kamti, arwetiim ara tiichhiikuqto. Tsangtsam raq, ngi aming ka jinto. Raüta tsangshiq miisaq ka maiqmii jaqphi na chiim raüta, tsangshiq Shiikeawe kra tlea raüta, laihin phra khaki na bum mak riito kiimaq noq mak riito.

DANIEL 3:29

“Riita, arningkhan, ümchaü sanha, ngi raq aming kuq tiikang, ümra mungti riiwa, junok phan riiwa, lo junok phan bom riiwa, Shadrakh, Meishakh, kiimaq Abednego Shiikeawe ka shreng mak maq bomjiiq, kriiti ka ahok ajaq pongpan riipan, chaiham chaihea tseabaiq ratlo. Kiimaq apaiq jam ka botkhulai rai shotbaiq wantlii, shiithen baiq ratlo. Jamkhano ngukla, atinkhan tiikhup wongketi ahin shiikea phra ka ahü!”

DANIEL 4:17

Arka tsangrak maq khebomti rasetiim raq, khatan tri raütu ashat thü. Arka maiqse angu wiita raq, ratsan ramong nyang na siti, Ningkun Ajong Shiikeawe raq, mangjong maiqse kunli, hupkhangtlo nguta misap laq. Apaiq kli honyung hokham shongti, wepuq wese miili jiimin wela jaqshamke, apaiq raq thithi.’

DANIEL 4:25

Ümniika maiqse phong wa, ajoshe mirbaiq. Raüta ümniika rumnyamse kong rai she misidam haü. Rawii wiimiishi na saüli, ümniika minsaüpongwe ikha sangphii phaq laüta misihaü. Laüta hiqsii thung na mikon haü. Kiijaq ra wa bangkham ka ümkhum na mirok. Kiijiishetiq ümniiraq Ajong Thaq Na Ajong Shiikeawe riili dea, maiqse angu hokhambi mangjong na sitlaq kra pengtlo. Kiimaq mangjong hiq na hokham jaqsham ka apaiq raq ümriiti ma kewa lungwii tlaq, kriiti ma kuqtlo nguta misap haü.

DANIEL 4:32

Raüta ümniika maiqse hiqshong wa ajoshe mirbaiq. Raüta rum nyamsekong rai she misi haü. Kiimaq minsaü pongwe ikha, rawii wiimiishi na saüli, rum wa sang kra phaq laü tiishe misi haü. Kiijiishetiq, ümniiraq Ningkun Ajong Shiikeawe riidea mangjong hiq raikhü na maiq mung ümchuwa diimtlaq kra rümtlo nguta misap haü. Kiimaq apaiq raq juwa lungwii tlaq, kriiti ka hokhamwe ma shongtlo nguta misap haü.”

DANIEL 5:11

Ara ümmungtan arjaq maiq weshi asi. Apaiq khum na asii phra tiikea kong wenyi asi. Man na ümwe hokham pat niiphü, apaiq ka atsii asi, phanrap saptsinti, kiimaq phra kong ikha anyan phaqchi sapti. Kriikha na, ümwe Hokhamwe Nebukadnejar raq, apaiq ka jaqliitibi, mintin klotibi, along liitibi, kiimaq raiqsaiq jipi shammibi khuthaq na akhupo ma shongto.

AMO LUIK DVP (AMOS) 3:7

Ajong Thaq Na Ajong Tatiwe raq, apaiq raq jamlai wa kiimung tlaq kra, ajaqshisetiim shammibi ma kongkhu chonghü maq, jaq ka sham wan mak phan.

1 Corinthians 14:25

Apaiq tsan nai mongjii na, ümchuwa apaiq raq apaü ashan raüta, thü tlaq tiima tsantsii thun kra wiita she michhi. Kiimaq apaiq ka Shiikeawe jichong na bum tlii raütiishe Shiikeawe ka, “O namshiq rai Shiikeawe ka asi dea!” nguta apaiq ngarai kra tiidii tlii maq, Shiikeawe ka mishom noq dam.

TRI CHONGKE 10:17

Tatiwe namshiq Shiikeawe ka phra thun wiita tlotli thaq na ajong pinthum kiimaq ningkun thun ümchuwa sitlaq kra tlotli thaq na ajong pinthum. Apaiq ka jonghea kiimaq apaiq ningkun ka henghea. Krai mren, apaiq miika ahai chang dongdii. Apaiq riika ju miimin lopki mak phan. Kiimaq apaiq raq tsiiqlap ka siq mak phan.

1 Timothy 6:15

Riita, apaiq saüho akhing ka, akhing aten rahiq jipi riikhaqli ranaiq na, Shiikeawe kiqkap jaqshapti we, kiimaq wiitarü thaq na riikhaqli, ra nai hiq Rümti we, hokham thaq niimin Hokham we, kiimaq tati thaq niimin Tatiwe Shiikeawe raq mitiihong kuq.

JOSHUA 22:22

“Ajong Pinthum kli Shiikeawe! Apaiq kli Tatiwe! Ajong Pinthum kli Shiikeawe! Apaiq kli Tatiwe! Apaiq raq asap naishiq raq ara jamkhano klokai, kiimaq namshiq riimin sap ronglaq! Naishiq raq apaiq kiq khiikai dea jiila kiimaq Tatiwe ma kamtsantsii thümai dea jiila naishiq ka atra naq tiisi rongkiq she!

Revelation 1:5

kiimaq Jesuq khristo, tsapkap maq Shiikeawe bomtsi chongketi we raq, apaiq ka tarü thaq na apha shaq shaq amaa wa atiidong wanti we, kiimaq apaiq ka mangjong hiq na honyung hokham ümchuwa sitlaq kriithaq na, hupkhang wanti we raq, namshiq ma ara lungwii bomtsi ara tiisaü tlo. Jurwa nashiq lungwii tlaq, raüta nashiq ka nashiq ngarai kharü mong wa apaiq tiijai maq dokdaa wantaq,

Revelation 17:14

Kra ngamthaiq kaü nai hokham weroqshi raq, Skuse ka mikhat. Shatmaq, Skuse nai asengi raq tsangshiq ka mikhat wan. Raüta mitang. Apaiq ka Tati ajong pinthum. Apaiq ka hokham thaq na Hokham. Tatiwe thun thaq na Tati. Kiimaq tsangshiq ka Shiikeawe raq ashong kiimaq atsea wan kiimaq tsangshiq ka apaiq ma pinthum kamtsantsii thü raüta siwanti.”

Revelation 19:16

Apaiq samtong jong samtlaq thaq na nai apaiq wütong niika ara mang ara tiiwaiq raü riito chhikang: “Hokham thaq na Hokham kiimaq tati thaq Tati.”