DANIEL 2:48 - Hawa Naga Bible 2001

⁴⁸ Kvruex yimaq piq rueq Daniel muex johvlc ruimruimx kuq ruiux, yauk noalc paunghvlc kuq tueq, piq muex muinz Babelon mungx kuex shunshvlc tvkoc muinz, hokhvmx waz rulc rvjungc rv-phvnc jix lotlaz htauk nuex vyungx yaungc tvkoc muinz thvl taq tueq.

ASII LAKDAP Bible (BSI)

⁴⁸ Kra raütiishe apaiq raq Daniel ka ajong miishe shongto. Raüta apaiq ma phanrap phanrii, araa ariq phan kongphiq thun kuqto. Raüta apaiq ka Bebilon mung pengti tuwejong miishe shongto. Raüta apaiq ka hokhamwe rung na tsii chongketi aki miikiimbi thaq na akhupo miishe shongto.

DANIEL 2:48 Referencias Cruzadas

2 SAMUEL 19:32

Barazilai kuex nyuiuz waz likawx vrullungx wawc 80 shex rvtueq. Piq kuex pinhtumc luiz waungx waz rvtueq hokhvmx waz Mahanaim ghaq nuex httax tueq tanc jauz phuiuz vsvy maq romc kuq wvnc tueq.

2 HOKHVMX 5:1

Siria nolaungx bix shunshvlc jix vyungx Naman kuex Siria hokhvmx waz rueq tvtsanc nganc kuy paunghvlc rvhumc jix waz rvtueq, yvmx khoc lac ngoz ruiux lec Naman maq raz tueq Yehowa rueq Siria nolaungx bix muex taungx wvnc yunghvlc tvlvp tueq. Piq kuex shvrvyx yungx rvtueq, yuq muinz vshungx vshoyx mac httax yaq.

YOBA 1:3

khelbuenx 7,000, kamel 3,000, manx 1,000, loze 500 rvtueq. Piq nvrc waz muinz paunghvlc httax yaq, shaldungc mungx kox nuex luiz waungx yungx pinhtumc waz rvtueq.

JEREMIA 5:5

Ngaz kuex luimc vkawc vhttax jix miq kox nuex kaz vtueq tsuingshiq muex jungx shaungx. Tsuingshiq rueq vsuing Yehowa thuinroc kuex tuiuz yaq, Tishox tvrac lvmz muinz tsuingshiq rueq tuiuz yaq,” ngoz tueq jungx tauk. Yuq muinz tsuingshiq lotlaz rueq Yehowa vpiq vrangx vpangx kuex tvdux gay ruiux vpiq muex tvlvlc gay tueq.

DANIEL 2:6

Yuq muinz nuimhez rueq maung nuiyc vlvmz kuex jalc jungx lot ruiux yuq, nuimhez muex yauk noalc htenc nuiyc tvtsanc nganc yunghvlc tvkuq phaungx. Majuiuc kuex maung nuiyc vlvmz yvmx lac rvtvnx kuex ngaz muex jungx kuit,” ngoz tueq jungx tueq.

DANIEL 3:1

Hokhvmx Nebukhadnezar rueq vjoz kox nuex meter 27, vyungc kox nuex meter 3 httax yaq kuimshawx yac vshiz tvhungx vtueq, Babelon mungx Dura tvnx nuex taq tueq.

DANIEL 3:12

Babelon hong kuex guimz lawc tvkoc mnoz rueq vthvl taq Shadrak, Meshak, nuiyc Abetnego ngoz yaq hez Yuda miqsaz wvyvmc rueq Taungjix hokhvmx waz kvjaz kuex phvnx muq. Tsuinghez rueq m-tishox muex nawk palx muq nuiyc mnoz rueq vtv-ngaungc taq yac kuex tuk nguk bumx muq,” ngoz tueq.

DANIEL 3:30

Kvkaq hokhvmx waz rueq Shadrak, Meshak, nuiyc Abetnego hez kuex Babelon hong nuex johvlc ngauz somraungc kuq tueq.

DANIEL 4:6

Maung vlvmz kuex yvmx lac rvtvnx ngaz muex jungphvnc tvkoc Babelon mungx wawc hokhvmx rulc rvjungc rv-phvnc jix miq lotlaz kuex ngaz kox nuex waungc tvkoc tvjungc tauk.

DANIEL 4:9

Luinglawc jix hez muex walaungx waz Belteshazar lex, vsawc tishox htenc siyac mnoz nuex httax yaq ningkhvnc nuex vhttuiyq vpuiuc vruez lotlaz mnoz rueq tuiuz yaq kuex ngaz rueq tuiuz yaq. Vruex kuex ngvy maung rvtueq. Ngaz muex vlvmz jalc jungx kuq koq.

DANIEL 5:11

Vsawc tishox htenc siyac httax yaq miq washiz mmungtan nuex httax yaq. M-waz hokhvmx yaungx tueq nuex kvruex waz rueq tishox htenc phaqjic nuiyc taksux tharc ikhoc maq taksux tharc tvkhic yaq. M-waz Hokhvmx Nebukhadnezar rueq piq kuex mvntan thenc jix bix, luinglawc jix bix nuiyc ruiysuiyq yapix lawc thenc jix hez shunshvlc jix muex tvyaungc tueq.

DANIEL 5:16

Majuiuc vruex bomc guiuq bomc nungx nuiyc vhttuiyq vpuiuc yauk shuimc vlvmz kuex mnoz rueq tuiuz lot yaq ngaz rueq tay tauk. Kvkhoc rvtueq wuiyq shec tueq luik kuex mnoz rueq wvl lot shuiux ngoz ruiux, vlvmz yvmx lac rvtvnx ngaz muex jungx kuq koq, kvkaq mnoz rueq pasic nvm-yaz shvmx httax yaq hokhvmx khvy hungluz svmx vtueq mduingx nuex tvtsanc nganc kuimshawx tumx luiuz ruiux, vruex mungtan vyuq lombot thuimx luimc vkawc vhttax waz tvyaungc phaungx,” ngoz tueq.

DANIEL 5:29

Belshaza rueq Daniel muex pasic nvm-yaz shvmx httax yaq hokhvmx khvy hungluz kuex tvsvmc tvkoc nuiyc vduingx tvroz nuex tvtsanc nganc kuimshawx tvluiuz tvkoc piq nvrc waz hez muex kvkaq dvyx nvr tueq. Piq rueq Daniel kuex mungtan nuex lombot thuimx luimc vkawc vhttax waz muex tvyaungc tueq.

DANIEL 5:7

Piq rueq mvntan bix, luinglawc jix bix, nuiyc ruiysuiyq yapix jungc lawc jix hez kuex gvlc tvkoc washiz shiz muex ramc jungx tueq. Tsuinghez httuiuc waung koq tueq, hokhvmx waz rueq tsuinghez muex, “Kvruex wuiyq yaq luik kuex wvl vtueq vlvmz jalc jungc lot jix waz ukhaq yuq muinz pasic nvm-yaz shvmx httax yaq hokhvmx khvy hungluz kuex svmx lvp vtueq, piq duingx tvroz nuex tvtsanc nganc kuimshawx tumx htenc luiuz ruiux vruex mungtan vyuq lombot thuimx luimc vkawc httax yaq waz muex yaungx tuex,” ngoz tueq.

DANIEL 8:27

Ngaz kuex thuinbac vtueq raungnuiyq paunghvlc thuiuz tauk. Kvruex yimaq ngaz kvtenc vtueq hokhvmx waz rueq ngaz muex yauk shuimc tvhungx phuex nuex yek kaz vtueq shuimx tauk, yuq muinz kvruex romzyac ningkhvnc nuex ngaz kuex wangc langc vtueq kvruex tuiuz tay tsic mauk.

WEAWEA 24:11

Majuiuc m-yuimx nuex yek waung kuiuz! Ngaz rueq mnoz muex yauk mauk yauk noalc kuq phaungx ngoz tueq bomkhvmc kuq phaungx, yuq muinz kvkhoc kuy tvkoc Yehowa thuinroc lvmx vguez,” ngoz tueq ngoz kuq tueq.

1 SAMUEL 17:25

Tsuinghez vshiz maq vshiz rueq, “Piq kuex lawc wuez shuinz! Piq rueq ramc yaq kuex tay shuinz! Piq kuex thvy lot jix waz muex yauk noalc yunghvlc kuq shaungx ngoz tueq muinz, vsaz yalxjuik saz kuex kuq shaungx ngoz tueq muinz, kvruex waz yuimx wuinz htenc muex hihic rawrawc tvkuq mauk ngoz tueq muinz, Hokhvmx waz Sholu rueq bomkhvmc taq tueq,” ngoz tueq rvjungc wuez yaq.

1 SAMUEL 2:8

Vpiq rueq htemc saz jix kuex bokkhuyx wawc muinz kvpuinc kvtvnc jix kuex tsuingshiq thuinz kuilc daz yaq mungx wawc tenz wvnc yaq. Vpiq rueq kvruex hez kuex hokhvmx sahez kungjix muex tvyaungc vtueq, tvtsanc nganc juing baung nuex taq tueq. Yehowa rueq ghaq vjungx vbaung kuex guimz yaq; kvruex htauk kvyuq mungkawx kuex guirx tueq.

1 SAMUEL 25:2

Kaleb waruiuz wawc Nabal muingc yaq waz kuex Maon ghaq jix rvtueq, Karmel ghaq hep nuex httax yaq wawc ghaq taungjix waz rvtueq, piq kuex pinhtumc luiz waungx waz rvtueq, khelbuenx 3,000, khelkhix 1,000 httax yaq. Vtaungx nyuiuz Abigail kuex vshvmx svp hvlc, vtuiuz vthenc httax yaq, yuq muinz vtaungx waz kuex layx vbac nuiyc thuinz tsanc hvlc miq rvtueq. Nabal kuex Karmel ghaq nuex piq khelbuenx htenc mulsulc httax yaq,