AJONJÜ 2:19 - Hawa Naga Bible 2001

¹⁹ Wvrx taungx kvtenc kakaz raz tueq Taungjix muex guyc sez ramc shuiuz; Mthuinz vmungx kuex ruiuc tvdung vtueq lvmx shuk vnoz htenc nuex thueyc khvm khvmz, Rvmc sac yaq nosaz rulx muex menjenc tvkoc vpiq kox wawc thoz shuiuz!

ASII LAKDAP Bible (BSI)

¹⁹ Waruru tiidokiki laüta, Tatiwe man na hoqsii wan laq. Laüta ümsetiim miitu, ümtsan tsii ka bunki namnam, Tatiwe jaq wa tiikhup wongkuq liidea, nguta achu jaü laq. Nosere ram raq chiiheawea lam jong na, küram liira jiim wanto!

AJONJÜ 2:19 Referencias Cruzadas

YOBA 3:24

Phuiuz svy tvraung, ngaz vkhoarc vnyerc ruez vtaungx, ngaz rueq vkhoc vyonz yec kuex mkaq muinz tvthauk lot mauk.

Tvtsvmc 119:55

Yehowa lex, raungnyauk nuex ngaz rueq mnoz kuex rvwvl lvp vtueq, mtvrac kuex ngaz rueq tvmaung vshaungx.

Tvtsvmc 134:2

Nuimshiq yauk htenc kuex tenz vtueq Shomc Yuimx mungx nuex vjux thoz shuinz, Yehowa muex tvtsvmc shuinz!

Tvtsvmc 141:2

Ngvy vjux thoz bomc kuex homc hvlc phvnx loban ikhoc, ngvy yauk tenz vshaungx kuex raungyac wawc shomc nawk kuy juing ikhoc lvp wvnc koq.

Tvtsvmc 142:2

Ngaz muex gvrx tsvrx yaq lotlaz kuex vpiq kox nuex ngaz rueq lvmz laq vshaungx; ngaz kuilc daz vtaungx lvmx lotlaz muinz vpiq muex jungx tvtay vshaungx.

Tvtsvmc 142:3

Ngaz kuex thuinbac vtueq vsumx khvmc tvkoc vyoalx shex nuex, ngaz rueq yvmx shuimc juing lac lvmx kuex vpiq rueq tuiuz yaq. Ngvy khuemc wvnc juing lvmx nuex ngvy ralx htenc rueq ngvy tvkoc bix tsvnc taq tueq.

Tvtsvmc 28:2

Mnoz vsawc Shomc Yuimx kox nuex yauk tenz vtueq, romc kuy tvkoc thoz ruiux yuq ngaz rueq thoz phaungx kuex tay kuq koq.

Tvtsvmc 42:3

Ngaz kuex raungnuiyq raungwvrx khoarc htuez rueq muik phic kuex phuiuz vsvy juing muex yaungx wvnc vtuex; ralx htenc rueq, “M-Tishox kuex m-yuq lac?” ngoz tueq vkhing ruip rawx ngaz muex wisoz yaq.

Tvtsvmc 42:4

Lvy wvnc tueq wawc lvmz kuex rvwvl koq yuq ngvy thuinz vmungx nuex pinhtumc yonz vtaungx, Tishox yuimx nuex mungx miqsaz htenc rulc vdvmz waung wvnc tauk nuex, vkoz vkez rvtuimx yaq phungc rueq Tishox muex tvts vmc shix vtueq, kokez guyc sez ruiux, tsuingshiq kuex shvlx wvnc tueq.

Tvtsvmc 42:8

Yehowa rueq raungnuiyq nuex vpiq phaungx ngaungx yaq lungwawc thuinz kuex mtvkhic shueq, kvkaq raungwvrx nuex ngaz rueq shic maq tvtsvmc shaungx, ngvy rullungx pauk Tishox kox wawc vjux thoz lvp shaungx.

Tvtsvmc 62:8

Ngvy miqsaz htenc lex, vkhing ruip rawx Tishox muex tvluimc wuez shuinz. Vpiq kuex naungshiq kvwungx juing baung rvtueq, nuimshiq kuilc daz vtuinx lotlaz kuex vpiq muex jungx tvtay shuinz.

Tvtsvmc 63:4

Ngvy rullungx tvraungx wawwawx mnoz muex kejux vyungx ngoz shaungx; yauk tenz vtueq mnoz kox wawc vjux thoz shaungx.

ISAIA 26:9

Raungwvrx nuex ngaz kuex mnoz muex ngvy thuinz vmungx lotlaz maq rvwvl vphaungx; ghaq nuiyc kvyuq httax yaq miqsaz htenc kuex mnoz rueq phox shuiux nuex, tsuingshiq lotlaz rueq tvrac vlvmz kuex yvmx lac rvtvnx tvluing wvnc wuez shuex.

ISAIA 51:20

Hungc vlaungc nulx wvnc ningkhvnc nuex mmiq htenc kuex lvmx heq tek nuex rul wvnc wuez vtuex; tsuingshiq kuex shvrvyx waz bix nuex vmanz khiyix ikhoc yaungx tuex. Tsuingshiq kuex Tishox thuinkhvy phuk yaq kuex rvhumc vtuex.

JEREMIA 14:18

Ngaz tvnx vnax htenc nuex khuemx kaz koq tueq, ralx nuex vthueyc miq maungx htenc kuex ngaz rueq khiz tauk; ngaz miqghaq htenc nuex kaz koq tueq, khvmx vrvmc thuiuz rueq vthueyc miq maungx htenc khiz tauk. Shvmmax bix nuiyc shomc waz bix rueq tsuinghez yauk shuimc kuex tvhttoarc vtueq shuimx wuez yaq, yuq muinz tsuinghez rueq yvmx wuez shuimx yaq nguinx tuiuz wuez muq,” ngoz tueq.

JEREMIA 9:20

Ngaz rueq, “Yalxjuik rulx lex, Yehowa kvjaz kuex tay shuinz, piq kvjaz htenc kuex tay tvtsuingc shuinz. Msaz yalxjuik sahez kuex mkhoc khoarc juing lac tvluing kuq shuiuz, kvmaq mkungjix hez rueq yvmx khoc maungx huiuz juing lac shic kuex tvluing kuq shuiuz.

EJEKIEL 5:10

Kvruex ningkhvnc nuex, Yerusalem wawc vnyuiuz vwaz htenc rueq tsuingshiq sahez kuex phauk wuez shuex, vsahez rueq tsuingshiq nyuiuz vwaz htenc kuex phauk wuez shuex. Ngaz rueq mnoz muex murx tvgurc ruiux tvraungx kvjungx yaq hez kuex baung ruip nuex tvpanc gay phaungx.

EJEKIEL 5:16

Ngaz rueq mlvmx svy kuex puinz gay ruiux tvrvmz phaungx. Mnoz kuex tvbac gay tvkoc httehvlc laqsvnz htenc tvkaz shaungx ikhoc mnoz kuex rvmc rueq tvthuiuz sac rvhumc tuiux.

Mikha 1:16

Yuda miqsaz lex, nuimshiq rueq lungwawx vshuinx sahez tvkoc khux sulx vtueq yonzyex wuez kuinz. Nuimshiq suiuz vsaz htenc lvmx luz mungx nuex thuq laq wuez vshuex ningkhvnc nuex nuimshiq khux kuex lawx tawx khux ikhoc tvsawc gay shuinz.

NAHUM 3:10

Yuq muinz Thebe miqsaz htenc kuex vthuq wvnc rvhumc wuez vtuex. Tsuingshiq suiuz vsaz htenc kuex lvmx heq ruip rawx nuex tvthueyc laz wungc gay rvhumc wuez tueq. Tsuingshiq shunshvlc jix miq htenc kuex ruiuz maq khvrc rvhumc vtueq, tsuingshiq thuq lvy jix jiyungx bix rueq hangchac toc maq rv-phvlc gay rvhumc wuez yaq.

Matthew 14:25

Raungnvp kox shex rvtueq Yesu kuex yuix jumx htauk nuex yaz sawx maq vpiq sangac hez kox nuex kaz tueq.

Mark 1:35

Nvp yix raungnuiyq raungnvp samaq, raungx max wuix nuex vpiq kvtenc vtueq yuimx kvwawc kaz wvnc tueq. Vpiq kuex miqghaq kvwawc kaz wvnc vtueq suinglix lix baung nuex vjux thoz tueq.

Mark 13:35

Honc lvmz hvt maq httax kuinz, yvmx khoc lac ngoz ruiux lec yuimx taungjix waz kuex raungbuilx nuex, rvmuq ngoz ruiux, wvrx htungx nuex, rvmuq ngoz ruiux wuz wvrc nuex, rvmuq ngoz ruiux raungnvp saz maq, mkaq wuez httuiuc kaz yaq rvtuex.

Luke 6:12

Kvruex baunglaung Yesu kuex vjux thoz tvkoc kanx nuex duiz wvnc vtueq wvrx taungx Tishox kox wawc vjux thoz tueq.

1 Timothy 2:8

Phungc nuex nawk palx rvtuimx vtuinx ruip rawx miqwaz rulx muex vjux tvthoz roc vshaungx, tsuingshiq kuex Tishox muex lekuy yoalx jix ningkhvnc nuex thuinkhvy lvmx, rvkhawc lvlc lvmx lomx muq maq yauk tenz vtueq vjux mthoz shueq.

PHOWEBI 7:19

Gideon nuiyc piq miq shashiz kuex wvrx htungx max httuiuc dvyx, vbvmc jix kvlayc lot rac mtanc httax muq nuex jerak hep kvyuq kvnvp kaz wvnc wuez tueq. Kvkaq tsuinghez rueq bolic kuex tuimx ruiux, miqmac rueq shuimx yaq tuik htenc kuex wung tvkhoz gay wuez tueq,

1 SAMUEL 1:15

Piq rueq, “Rvmuq, jiyungx waz lex, ngaz kuex joal pawc jix rvmauk, ngaz rueq joal kuex nuingx ruiux mauk! Ngvy thuinz htumx yaq ningkhvnc nuex Yehowa kox nuex ngaz kuilc daz jamjaux vtaungx kuex jungc tvtay muex ngoz tueq vjux thoz vshaungx.

1 SAMUEL 7:6

Kvkhoc rvtueq tsuingshiq lotlaz Mizpa nuex rvtuimx wuez tueq. Yuix raungluingx saz tsuingshiq rueq khuz vtueq Yehowa muex shomc kuy tvraung ruiuc tueq, raungnuiyq nuiyq tuimc phuiuz svy mamc tueq. Kvkaq tsuingshiq rueq, “Yehowa muex nuiyshiq yaq gay tiq,” ngoz tueq kvjungc wuez tueq. (Vruex kuex Mizpa maq Israel miqsaz htenc muex Samuel rueq phox thamx kuq tueq lvmz rvtueq.)