Biblia Todo Logo
La Biblia Online
- Anuncios -




AJONJÜ 2:18 - Hawa Naga Bible 2001

18 O Yerusalem lex, mpalx ruk htenc rueq Taungjix muex m-guyc ramc shueq! Mmuik phic kuex yuix ruilx ikhoc raungnuiyq raungwvrx msvrc kueq; Mshauk pumz kuex vkhoarc vsez nuiyc vyonz vyex raz tueq nulx wvnc kueq!

Ver Capítulo Copiar

ASII LAKDAP Bible (BSI)

18 O Jerusalem lei, ümchela ruk riimin, Tatiwe man na aho mirlaq! Ümmakphai sa ka tangwa rajun ikha, ranaiq rawa tiisa laq. Ajon ajü lam miili she tsai wan laq!

Ver Capítulo Copiar




AJONJÜ 2:18
14 Referencias Cruzadas  

Miq htenc rueq mtvrac kuex phvnx muq ningkhvnc nuex ngvy muik phic kuex yuix ruilx ikhoc kaz yaq.


Ngvy thuinz vmungx lotlaz maq ngaz rueq mnoz gvl vphaungx; Yehowa lex, ngaz muex tvralc koq, mnoz rueq nvrc bomc htenc kuex ngaz rueq phvnx shaungx!


Mkhoc shoc maq mnoz rueq tay muq, mngamc boq ruiux yuq, ngaz kuex vyumx maq khoar taungx; Yehowa mmiqsaz kuex vlvp lvy rvhumc yaq jix ikhoc lvp lvy rvhumc ningkhvnc nuex, ngaz kuex vkhuip vkhaq httaz laz juing khoar vtueq ngvy muik phic svrc tuex, yvmx khoc lac ngoz ruiux lec Yehowa miqsaz htenc kuex thuq lvy ningkhvnc nuex rvtueq.


Ngaz yonzyex vtaungx kuex mungx miqsaz muex jungc kuy tvkoc ngaz muex Yehowa rueq nvr phuex: “Ngvy muik htenc kuex raung-nuiyq raungwvrx muik phic m-svrc kueq, ngvy miqsaz kuex pinhtumc vphiz vshuz rvhumc vtueq, thuiuz sac hvlc ningkhvnc nuex ngaz kuex mkaq muinz vkhoarc thauk lot mauk mruez kueq.


Nox wuic khic thuiuz rvhumc yaq yalxjuik nyuiuz huinc, pekhux saz jawx tueq yalxjuik nyuiuz guyc tvruingc ikhoc ngaz rueq vkhoarc tay tauk. Kvruex kuex nyec hvlc vyauk kvkhuirc yaq, Yerusalem ghaq tvruingc rvtueq, piq rueq, “Ngaz kuex vphoc rvhumc tauk! Tsuingshiq kuex ngvy thvy muex kaz yaq!” ngoz tueq jungx tueq.


Ngvy khux poz kuex yuix tumz yuix, ngvy muik htenc kuex muik phic ruilx yaungc tvkoc ngaz rueq raungc raq vshaungx, kvkaq ngaz kuex vthvy gay rvhumc tueq ngvy miqsaz htenc tvkoc raungnuiyq raungwvrx khoar lot taungx rvtueq.


“Kvkhoc rvtueq ngvy muik htenc maq muik phic yvlx yaq. Vshiz raung rueq muinz ngaz muex sitenc yatenc lot muq; vshiz raung rueq muinz ngvy thuinz tvyungc kuq lot muq. Ralx htenc rueq ngaz kuex taungx gay phuex; ngvy miqsaz htenc rueq yvmx muinz lvp muq.


Piq kuex wvrx taungx khoar vtueq; piq muik phic kuex vhtvlx phawc maq svrc yaq. Kungkhux wawc piq kungjix lot- laz kuex piq muex sitenc yatenc jix vshiz muinz vguez. Piq rulc rungx raz jix htenc rueq piq maq tvmtuing kv-phelc wvnc vtueq majuiuc piq kuex khawx lvlx wuez yaq.


Yehowa rueq Zion palx ruk htenc kuex httak gay tvkoc htvp htaz tueq shex; Vpiq rueq kvruex vsuingc suing tvsawc ric tvbac gay tvkoc kvruex shenc lawc yaq. Majuiuc kuex pvrrawx htenc nuiyc ruk htenc kuex vdvmz nuex httak gay tueq.


Tsuingshiq rueq ngvy kox wawc thuinz vrux maq vjux thoz muq, yuq muinz kvkhoc ruec tvraung, tsuingshiq pumz kuex ghaq nuex bumx vtueq kvmluimx muq jix rueq ikhoc khoarsez yaq. Tsuingshiq rueq tuiz vtsvmz nuiyc svpiq tix thoz shuex nuex, tsuingshiq pumz kuex kvmluimx muq miqsaz ikhoc tvmac gvnz yaq. Tsuingshiq rueq yvmx lac khawx lvlx yaq nguinx!


Palx ruk lung htenc rueq doc muinz nuimshiq muex khawx lvlx ramc wuez yaq, wuxwaq htenc rv-nyawx tvruingx yaq.


Síguenos en:

Anuncios


Anuncios


¡Síguenos en WhatsApp! Síguenos