AJONJÜ 1:17 - Hawa Naga Bible 2001

¹⁷ “Ngaz rueq ngvy yauk htenc tenz tauk, yuq muinz vshiz raung rueq muinz ngaz muex romc kuq phuex rvmuq. Yehowa rueq ngaz kuex samx wvguip maq khawc lvlc muex ralx htenc kuex gvl taq tueq; Tsuingshiq rueq ngaz kuex miq suirc vsac phvnx muex htvp htaz gay phuex.

ASII LAKDAP Bible (BSI)

¹⁷ “Ngi khrumkuq wa rong ra, nguta hoqtiikang, shatmaq ngi khrumti jumin ahü. Tatiwe raq ngi ngengti chiqse rewe, mangrap mangrii hea wanto. Tsangshiq tarü raq ngi ka, ashe ashi apiichang kheatam ikhlishe liitlo.

AJONJÜ 1:17 Referencias Cruzadas

1 HOKHVMX 8:22

Kvkaq Solomon kuex miq htenc khaungkac nuex nuiyc shomrawx max nuex jvp kaz vtueq vyauk kuex tenz ruiux,

1 HOKHVMX 8:38

tsuingshiq nuex vmac vtsac nuiyc vthuiuz vsac rvhumc tuex nuex muinz, tsuingshiq vjux thoz bomc htenc kuex tay kuq shuiuz. Mmiqsaz Israel wawc ukhaq yuq muinz miqmac yonzyex thuinz vmungx kuex tvkhic ruiux, vruex Shomc Yuimx mungx vyuq yauk tenz vtueq vjux thoz ruiux yuq,

2 HOKHVMX 25:1

Zedekia rueq Hokhvmx Nebukhadnezar muex khawx lvlx koq tueq, Nebukhadnezar kuex piq nolaungx bix rulc waung vtueq, Zedekia rueq guimz lawc yaq wawc tvkuiuz rac yapix lex rokshiz, raungx rokshiz raungnuiyq Yerusalem ghaq kuex khvt gay tueq. Tsuinghez kuex ghaqyungx phic nuex jerak tec ruiux kvtuk htenc tvroz tuimz nuex tvhungx ruiux,

THARC TVLUINGC 4:1

Kvruex yimaq ngaz rueq vruex mungkawx nuex yaungx yaq tvrac vlvmz rvmuq kuex lawc wvnc tauk. Htuingtuing rvhumc yaq jix khoar wuez yaq tsuingshiq muex uraq muinz romc kuq muq. Htuingtuing jix hez kuex luimc vkawc httaz hvlc ningkhvnc nuex tuinghtuing rvhumc jix muex uraq muinz romc kuq wuez muq.

ISAIA 1:15

“Nuimshiq rueq yauk phac tv-phop vtueq vjux thoz shuinx nuex, ngaz rueq nuimshiq kuex lawc phaungx rvmuq. Nuimshiq rueq mtanc dvyx thoz ruiux muinz, ngaz rueq tay kuq phaungx rvmuq, yvmx khoc lac ngoz ruiux lec nuimshiq yauk htenc nuex tvguiy kawp yaq.

ISAIA 54:11

Yehowa rueq, “O Yerusalem lex, mnoz kuilc daz rvhumc vtueq, romc kuy jix nuiyc mnoz tvlenc lauk jix vshiz muinz vguez ghaqyungx lex, ngaz rueq mnoz jungx tvjvp juing htenc kuex vhtawz vhttax lung htenc maq guirx kuq phaungx.

JEREMIA 12:9

Ngaz rueq vthvl miqsaz kuex samx wvguip maq lawx htenc rueq phamc gay rvhumc tueq wushawx ikhoc yaungx yaq. Phuiuz svy moalx nuex lomx kay tvkoc ngvmx saz svl vwvl htenc kuex gvl shuiuz!

JEREMIA 15:5

Yehowa rueq, “Yerusalem miqsaz lex, mnoz muex uraq menjenc vtueq, mhtauk nuex ukhaq lac yonzyex tvnx? Vhvlx haz? ngoz tueq uraq lac lvmx nuex jvp vtueq wiz kv-phux?

JEREMIA 16:6

Luiz waungx jix nuiyc htemc saz jix kuex vruex mungtan vyuq thueyc tuex, yuq muinz tsuingshiq kuex uraq muinz shuluip muq, tsuingshiq tvkoc khoarc jix vguez. Uraq muinz miqmac pumz kuex tvmac tsac shuex rvmuq, vyonz vyex tvkhic tvraung piq khux kuex sulx gay shuex rvmuq.

JEREMIA 34:22

Ngaz rueq nvr ruiux yuq, tsuingshiq kuex vruex ghaqyungx vyuq yek waung tuex. Tsuingshiq kvruex khvt tueq, lvp tueq, nuiyc wvr maq jauk gay tueq. Ngaz rueq Yuda mungx wawc miqghaq ruinx htenc kuex ukhaq muinz httax muq ghaqkuiyq ghaqkhvmx kumtsvy tvnx ikhoc tvyaungc gay shaungx. Ngaz, Yehowa rueq jungx vshaungx.”

JEREMIA 4:31

Nox wuic khic thuiuz rvhumc yaq yalxjuik nyuiuz huinc, pekhux saz jawx tueq yalxjuik nyuiuz guyc tvruingc ikhoc ngaz rueq vkhoarc tay tauk. Kvruex kuex nyec hvlc vyauk kvkhuirc yaq, Yerusalem ghaq tvruingc rvtueq, piq rueq, “Ngaz kuex vphoc rvhumc tauk! Tsuingshiq kuex ngvy thvy muex kaz yaq!” ngoz tueq jungx tueq.

JEREMIA 6:3

khelbuenx remc jix kuex miqmac khelbuenx kung rulc vdvmz kvruex yuq jerak tec shuex. Tsuingshiq rueq tsuingshiq tap htenc kuex ghaqyungx tvroz nuex guirx vtueq, tsuingshiq miq tek vtueq miqmac rueq vroc roc nuex jerak tec wuez shuex.

JEREMIA 8:18

Ngvy thuinbac yaq kuex tvhvlc mvy muq; ngvy thuinz vmungx nuex thuiuz yaq.

AJONJÜ 1:16

“Kvkhoc rvtueq ngvy muik htenc maq muik phic yvlx yaq. Vshiz raung rueq muinz ngaz muex sitenc yatenc lot muq; vshiz raung rueq muinz ngvy thuinz tvyungc kuq lot muq. Ralx htenc rueq ngaz kuex taungx gay phuex; ngvy miqsaz htenc rueq yvmx muinz lvp muq.

AJONJÜ 1:19

“Ngaz rueq ngvy nomic jix htenc kuex gvl tauk, yuq muinz ngaz muex romc kuq muq tvlvlc gay phuex. Shomc waz bix nuiyc vyungx vlaungx bix kuex miqmac shauk pumz tvraungx httaz tvkoc, phuiuz svy thuiyx yaq, yuq muinz ghaqyungx lvmx nuex thueyc kaz tsic tueq.

AJONJÜ 1:2

Piq kuex wvrx taungx khoar vtueq; piq muik phic kuex vhtvlx phawc maq svrc yaq. Kungkhux wawc piq kungjix lot- laz kuex piq muex sitenc yatenc jix vshiz muinz vguez. Piq rulc rungx raz jix htenc rueq piq maq tvmtuing kv-phelc wvnc vtueq majuiuc piq kuex khawx lvlx wuez yaq.

AJONJÜ 1:21

“Ngaz kvbot nyvnx vtaungx kuex tay shuiuz; ngaz muex sitenc yatenc jix vshiz muinz vguez. Mnoz rueq ngvy htauk nuex kuilc daz jamjaux tvdungc kuy ningkhvnc nuex ngaz muex ralx hez kokez wuez yaq. Mnoz rueq bomkhvmc taq toq raungnuiyq kuex tvhttuiuc vtueq, ngaz rvhumc vtaungx ikhoc ngvy ralx hez muex kuilc daz tvgurc shuiuz.

AJONJÜ 1:8

Piq tvtsanc nganc kuex vguez shex; piq kuex sawkumx nuiyc vyomc vnamc gay rvhumc tueq. Piq kuex huinc sez vtueq piq htvlx kuex yvlc svy thuiuz muex httuiyq gay tueq. Yerusalem rueq piq shauk pumz kuex vkawc yawc juing mvrax maq tvshuy shac yaq.

AJONJÜ 1:9

Piq sawc muq kuex yoalx rek dvyx kvkhic yaq, yuq muinz piq khaungx tvmax kox tvkoc rvwvlc tvmaung lvmz tvkhic muq. Piq rul wvnc tueq kuex vkawc yawc juing rvtueq; vshiz raung rueq muinz piq muex sitenc yatenc lot shuex rvmuq. Piq ralx hez rueq piq kuex taungx gay koq tueq, menjenc kuy tvkoc Yehowa kox wawc guyc sez thoz tueq.

AJONJÜ 4:15

Miq htenc rueq, “Kvbanc kuiuz! Mnoz kuex rv-nyet rvshet! Ngaz nuex nauk kvtungc vkueq!” ngoz tueq guyc wuez tueq. Kvkhoc rvtueq tsuingshiq kuex miqphvnx phvnx shiz kox maq phvnx shiz kox nuex kvroz khuemx ruiux muinz, vshiz raung rueq muinz malc wvnc muq.

EJEKIEL 36:17

Vpiq rueq, “Vthueyc rvyaq miq lex, Israel miqsaz kuex tsuingshiq mungtan nuex httax tueq jauz, tsuingshiq httaz vngaungc nuiyc tsuingshiq shuimc vkay honc vyaungc rueq kvruex mungx kuex tvshuy shac tueq. Tsuingshiq honc vyaungc kuex yalxjuik nyuiuz shiz khvysvmc kaz yaq baunglaung nawk palx htungx maq sawc muq ikhoc sawc muq ngoz tueq ngaz rueq ngoz taq vshaungx.

Hosea 8:8

Israel kuex vganc miqphvnx htenc ikhoc yaungx wvnc vtueq tuik bunx ikhoc khuec guez yaungx yaq.