AJONJÜ 1:16 - Hawa Naga Bible 2001

¹⁶ “Kvkhoc rvtueq ngvy muik htenc maq muik phic yvlx yaq. Vshiz raung rueq muinz ngaz muex sitenc yatenc lot muq; vshiz raung rueq muinz ngvy thuinz tvyungc kuq lot muq. Ralx htenc rueq ngaz kuex taungx gay phuex; ngvy miqsaz htenc rueq yvmx muinz lvp muq.

ASII LAKDAP Bible (BSI)

¹⁶ “Ngi ka arkha na hoqjü tiikang, imakphai sawa raq makhü jaqhü. Ngi ma tsaido jidoketi jumin ahü, ngi ma ningkun shoqketi jumin ahü. Rewe raq ngi ka longto she, raüta tangto. Isenginok jaq na jammin ahü siipe.

AJONJÜ 1:16 Referencias Cruzadas

Tvtsvmc 106:42

Tsuingshiq kuex tsuingshiq ralx rueq tuinghtuing rvhumc vtueq, ralx yauk khung nuex tvsawc ric tsuingshiq httax wvnc wuez tueq.

Tvtsvmc 119:136

Miq htenc rueq mtvrac kuex phvnx muq ningkhvnc nuex ngvy muik phic kuex yuix ruilx ikhoc kaz yaq.

Tvtsvmc 69:20

Wvlc guez waqguez lvmz htenc rueq ngvy thuinz vmungx kuex tvbunx gay yaq ningkhvnc nuex ngaz thuinz htumx yaq. Menjenc kuy jix miq kuex ngaz rueq tvluimc tauk, yuq muinz vshiz muinz httax muq; sitenc yatenc tvkoc rvwvl tauk, yuq muinz ngaz rueq vshiz muinz humc mauk.

THARC TVLUINGC 4:1

Kvruex yimaq ngaz rueq vruex mungkawx nuex yaungx yaq tvrac vlvmz rvmuq kuex lawc wvnc tauk. Htuingtuing rvhumc yaq jix khoar wuez yaq tsuingshiq muex uraq muinz romc kuq muq. Htuingtuing jix hez kuex luimc vkawc httaz hvlc ningkhvnc nuex tuinghtuing rvhumc jix muex uraq muinz romc kuq wuez muq.

ISAIA 54:11

Yehowa rueq, “O Yerusalem lex, mnoz kuilc daz rvhumc vtueq, romc kuy jix nuiyc mnoz tvlenc lauk jix vshiz muinz vguez ghaqyungx lex, ngaz rueq mnoz jungx tvjvp juing htenc kuex vhtawz vhttax lung htenc maq guirx kuq phaungx.

JEREMIA 13:17

Mkhoc shoc maq mnoz rueq tay muq, mngamc boq ruiux yuq, ngaz kuex vyumx maq khoar taungx; Yehowa mmiqsaz kuex vlvp lvy rvhumc yaq jix ikhoc lvp lvy rvhumc ningkhvnc nuex, ngaz kuex vkhuip vkhaq httaz laz juing khoar vtueq ngvy muik phic svrc tuex, yvmx khoc lac ngoz ruiux lec Yehowa miqsaz htenc kuex thuq lvy ningkhvnc nuex rvtueq.

JEREMIA 14:17

Ngaz yonzyex vtaungx kuex mungx miqsaz muex jungc kuy tvkoc ngaz muex Yehowa rueq nvr phuex: “Ngvy muik htenc kuex raung-nuiyq raungwvrx muik phic m-svrc kueq, ngvy miqsaz kuex pinhtumc vphiz vshuz rvhumc vtueq, thuiuz sac hvlc ningkhvnc nuex ngaz kuex mkaq muinz vkhoarc thauk lot mauk mruez kueq.

JEREMIA 15:5

Yehowa rueq, “Yerusalem miqsaz lex, mnoz muex uraq menjenc vtueq, mhtauk nuex ukhaq lac yonzyex tvnx? Vhvlx haz? ngoz tueq uraq lac lvmx nuex jvp vtueq wiz kv-phux?

JEREMIA 8:18

Ngvy thuinbac yaq kuex tvhvlc mvy muq; ngvy thuinz vmungx nuex thuiuz yaq.

JEREMIA 9:1

Ngvy khux poz kuex yuix tumz yuix, ngvy muik htenc kuex muik phic ruilx yaungc tvkoc ngaz rueq raungc raq vshaungx, kvkaq ngaz kuex vthvy gay rvhumc tueq ngvy miqsaz htenc tvkoc raungnuiyq raungwvrx khoar lot taungx rvtueq.

JEREMIA 9:10

Ngaz rueq, “Kuz vkanx htenc tvkoc ngaz yonzyex taungx nyvmx saz remc juing tvkoc khoar taungx, yvmx khoc lac ngoz ruiux lec kvruex kuex httuiz rawk wvnc tueq, washiz muinz kvmaq lvy khuemx muq. Suiux vmanx kung tvruingc muinz tay muq shex; wushawx htenc nuiyc ngvmx saz svl vwvl htenc muinz yuz wvnc wuez vtuex,” ngoz tueq jungx tueq.

JEREMIA 9:21

Vthueyc kuex naungshiq katvnc puc maq tvpuc vtueq naungshiq hoc nuex nyuip waung tueq; nosaz rulx kuex lvmx laungx htenc nuex yalxrox bix kuex kat vjez baung htenc nuex jumz gay shec tueq.

AJONJÜ 1:2

Piq kuex wvrx taungx khoar vtueq; piq muik phic kuex vhtvlx phawc maq svrc yaq. Kungkhux wawc piq kungjix lot- laz kuex piq muex sitenc yatenc jix vshiz muinz vguez. Piq rulc rungx raz jix htenc rueq piq maq tvmtuing kv-phelc wvnc vtueq majuiuc piq kuex khawx lvlx wuez yaq.

AJONJÜ 1:9

Piq sawc muq kuex yoalx rek dvyx kvkhic yaq, yuq muinz piq khaungx tvmax kox tvkoc rvwvlc tvmaung lvmz tvkhic muq. Piq rul wvnc tueq kuex vkawc yawc juing rvtueq; vshiz raung rueq muinz piq muex sitenc yatenc lot shuex rvmuq. Piq ralx hez rueq piq kuex taungx gay koq tueq, menjenc kuy tvkoc Yehowa kox wawc guyc sez thoz tueq.

AJONJÜ 2:11

Ngvy muik htenc kuex vkhoarc htuiz rueq htvl yaq; ngvy siyac kuex pinhtumc thuiuz sac yaq. Ngaz kuex ngvy miqsaz htenc bac wvnc ningkhvnc nuex yonz yex vtueq nulx wvnc vtaungx. Nosaz rulx nuiyc noshawx sahez kuex ghaqyungx lvmx htenc nuex maungc kaz wuez tueq.

AJONJÜ 2:18

O Yerusalem lex, mpalx ruk htenc rueq Taungjix muex m-guyc ramc shueq! Mmuik phic kuex yuix ruilx ikhoc raungnuiyq raungwvrx msvrc kueq; Mshauk pumz kuex vkhoarc vsez nuiyc vyonz vyex raz tueq nulx wvnc kueq!

Hosea 9:12

Yuq muinz tsuingshiq rueq nox htenc tvpeluz ruiux muinz, tsuingshiq kuex ngaz rueq lvmz laq vtueq, vshiz muinz tvraungx taq shec shaungx rvmuq. Kvruex miq htenc kuex ngaz rueq gay shec shaungx nuex, kvhiz juing phvnx tsuingshiq nuex yaungx wvnc tuex,” ngoz tueq jungx tueq.