AJONJÜ 1:17 - ASII LAKDAP Bible (BSI)

¹⁷ “Ngi khrumkuq wa rong ra, nguta hoqtiikang, shatmaq ngi khrumti jumin ahü. Tatiwe raq ngi ngengti chiqse rewe, mangrap mangrii hea wanto. Tsangshiq tarü raq ngi ka, ashe ashi apiichang kheatam ikhlishe liitlo.

Hawa Naga Bible 2001

¹⁷ “Ngaz rueq ngvy yauk htenc tenz tauk, yuq muinz vshiz raung rueq muinz ngaz muex romc kuq phuex rvmuq. Yehowa rueq ngaz kuex samx wvguip maq khawc lvlc muex ralx htenc kuex gvl taq tueq; Tsuingshiq rueq ngaz kuex miq suirc vsac phvnx muex htvp htaz gay phuex.

AJONJÜ 1:17 Referencias Cruzadas

1 HOKHVMX 8:22

Raütiishe Solomon ka mungmaiqse makki na Shomjam mong na nyap wato raüta berong-wacha khaki kiijaq chap wato. Raüta ajaq ka ra nü na doto.

1 HOKHVMX 8:38

tsangshiq achu jaü ka trekuq laq. Kiimaq ümsengi Israilnok phong wa maiq weshi ra raq, pinthum chapa tsi raüta, ara Shomjam nü na nyi raüta tsangshiq jaq ka tiipii raüta achujaü haüla,

2 HOKHVMX 25:1

Jedekia ka Bebilon mung Hokhamwe Nebukadnejar wokhong wa donghoto. Raüta tijong tsiiq wa khiito. Kra ningkhan she Nebukadnejar ka asengi phenlabi wiita sheaho raüta Jerusalem longkai kito. Raüta Jerusalem ka Jedekia raq mung lang wan li maq wiitiikaü she angu na kra rawii wa jipi lüroqshi she angu na kra jipi jiha raroqshi ranaiq na khat pha wanto. Tsangshiq raq Jerusalem trotam na phenlabi piitiip teito. Raüta chela mong na wa chang chela kiitelong ruk tro na hiqphong raüta lam thun pahea tiicho phongto.

THARC TVLUINGC 4:1

Kiimahali ngi raq ara mangjong hiq na miitsan maiqsetiim ka ajong alabi raq ji maq nishishi haihiitlo chhitiikang. Tsangshiq ka aho anyi riichanchan, makphai sawali. Tsangshiq khrumketi jumin ahü. Jamkhano ngukla tsangshiq haihiitibi ka ajong alabi rai pongdamti siisaq.

ISAIA 1:15

“Ümtiikiiwa ümniiraq ümjaq ka ra na dolaüta achu mijaühaü, Ngi raq ümniika alü min liimang she mirha. Ümniiraq ümtinkhan li achu jaü raümin, Ngi raq tre mangshe. Jamkhano ngukla ümjaq ka maiq tiijai na atsam reawi she.

ISAIA 54:11

Tatiwe raq ngutlo, “O Jerusalem lei, ümniika chamchaotlaü, ngila nguraü chela, ümnaq tiijaiqti maiq jumin ahü. Ngi raq üm jamkhü ka athü tsinhea longseng maq mihai wanha.

JEREMIA 12:9

Isenginok ngi raq atsea arwanha ka rum wa wushi kaü ikha; trotam ma liikong raq tamphaq wanto. Rum ngam kong ka healaq, wa raüta ngamphaq poi ka milomdamlaq!

JEREMIA 15:5

Tatiwe raq ngutlo, “Namshiq ka jurshe wa mimang chan, Jerusalemti lei, namshiq miitu juwa mijümii? Ümtho na ashaqpuq chap raüta, ahea khata nguta juwa mibomdam?

JEREMIA 16:6

Armung wa chiithe maiqse nai miitsan maiqse thun ka wiita mitsai. Shatmaq tsangshiq maaphong lapti maiq ka ahü miraq. Kiimaq tsang maa joti maiq ahü miraq. Maajo tsanbi tiichhi tsangshiq dü na tiimi hanti riimakla tsangkhu kra loktam maq si raüta maahoketi maiq jumin ahü she miraq.

JEREMIA 34:22

Ngi raq aming mikuqha. Tsangshiq ka ara chela khatkai nong mijangki. Tsangshiq raq ara chela ara mikhat. Raüta chela ka milap wan. Raüta arka wa maq michaqbaiq. Ngi raq Juda mung wa chela thun ka rumnyangkhi kumtsaiphii miishe mitiija baiqha. Kiijaq maiq asiti jumin ahü she miraq. Arka Ngi, Tatiwe raq toqtan tiikang.”

JEREMIA 4:31

Ngi raq maiq nyung no wüchhitsi ma hantlaq ikha aho taikang, ase chhikhu do akhing na siiraitlaq ikha. Kriika Jerusalem hotlo, atsitsü pit wan kiita ajaq wiinai ka ra na tiipii raüta ngutlo, “Ngi ha miqkang she! tsangshiq ka ngi tsea wa watlo!”

JEREMIA 6:3

Hokhambi thun ka tsangshiq phenlabi sheaho raüta kra tro na piitiip mitei wan. Tsangshiq raq tsangshiq tombutiipsetiim ka chela trotam na mihai. Kiimaq tsangshiq loweatek raq maiqmii raq aroroba na piitiip mihai.

JEREMIA 8:18

Ngi chapatsi ara phum chang tsiq ka ahü; Itsan imong bunlaklak atsi.

AJONJÜ 1:16

“Ngi ka arkha na hoqjü tiikang, imakphai sawa raq makhü jaqhü. Ngi ma tsaido jidoketi jumin ahü, ngi ma ningkun shoqketi jumin ahü. Rewe raq ngi ka longto she, raüta tangto. Isenginok jaq na jammin ahü siipe.

AJONJÜ 1:19

“Ngi rai reraüshiti mung thun tiihea kang, shatmaq tsangshiq raq ngi laobaiqto. Ramwebi nai shiilangbi, tsang ramtsi ma chela mong na, phaqsea rit lam maq atsitsü thumto.

AJONJÜ 1:2

Jerusalem mantinyung ikha waruwaru jonjütlo, amakphai sa atheaphi na rajun ikha. Kongtichü weshi ra riimin, apaiq tiijaiq wamak she. Pongmung hokhambi reraüshiti raq tiishaübaiqto, Kiithun wiita ümchaü apaiq ngengti siisaq.

AJONJÜ 1:21

“Ngi hannyi tailaq, ngi khrumti jumin ahüshe. Ümniiraq ngi ma waqkhükham tiinyang laü, irewe thun ka chochikhiq she. Ümniiraq khamkuq laü ranaiq ira tiisaü laq, ijaqtinok kiimin ngi akhiisii michamchao laq.

AJONJÜ 1:8

Apaiq shreng manto thumto she, Apaiq ümchaü naiqhü ma she. Maiq thoda na chetlo. Angam agu amitsi ma hanynyi tlo, Jeasitsi ma atok hiq na kushat. Jerusalem raq akhum ka achong lot mai, ashut ashai ngarai klo raüta sheshi wanto.

AJONJÜ 1:9

Apaiq raq ngarai tangtaq kriika, ra na tiichhi ra-shra. Apaiq dea wan chang ngarai kho, apaiq raq chhimak riito. Kriikha na tsailam riihumto, Ajaqtinok raq khat raüta tangto, apaiq ümchaü Tatiwe man na, tiipaiqnea hoq tlo.

AJONJÜ 4:15

“Tiijin rong! ashe ashi kra, tiijin rong! tiijin rong! namshiq ashe, idü na naq tiithan kiq,” nguta maiq raq tsangshiq jobaiqto. Krai mren tsangshiq ka, maiqmung mungshi na saühoho, ashong angachang hummak, momii wanto.

EJEKIEL 36:17

“Maiqse lei, man na Israilnok ka tsang mung na siji na, tsangshiq rilung ashe kiimaq ashut jaqsham wantaq kra lümaq mung hiqkhu rakhu ka tiisheshi baiqto. Ngi raq tsangshiq rilung ka jechakre kheasam bala ashe sitlaq ikha ashe lü wan kang.

Hosea 8:8

Israilnok ka pongmungti raq jop raüta jok wanto. Abun arki hamtak ikha, athü min ahüshe.