Provérbios 21:9 - Kaxinawá Bíblia (BR)

⁹ Hiwe ewapa hawẽrua anu hiweshũ aĩbũ hawẽ bene ha a txakayamakĩ hiwe txakamamisrã, haska hiwea pemaki. Hamẽ ha binumai huni betsã hiwe manaũri tsuara deshũ betsa ewapama anu ha mesti haskanu hiwea peki.

Provérbios 21:9 Referencias Cruzadas

Provérbios 12:4

Aĩbu unanepa pepatũ hawẽ bene duawakĩ shanẽ ibuhaira keska wa hawẽ taea kẽtiruki. Hakia hawẽ aĩ txakabutũ hawẽ bene duawakĩ merabewama hawẽ hiwea txakabuwamakĩ nuitapawamiski, ana hatu shinãtima wamakinã.

Provérbios 15:17

Sinatai dakekenãkĩ awa nami pepa hatumesti pikubaĩmisbuki. Hakia betxipainamekĩ yunu besti haya pikinã, ha piti pepa pimisbu hatu binuhairabuki.

Provérbios 17:1

Besikĩ piti itxawashũ pibiai sinatai detenameyabi betsabu hiwemisbuki. Hamẽ misi natiãma bawaima kushi besti pibiai unanuma hiwekĩ hatu binumisbuki.

Provérbios 19:13

Tsuãra huni bake hawa unãma unaĩsmapatũ hawẽ epa bika tenemakubaĩmisbuki. Aĩbũ hawẽ bene ha a txakayamakĩ hiwe txakamamisrã, hiwe shui anu ui tuis tuis ikũkaĩmis keskaki.

Provérbios 21:10

Tsuãra hatu txakabuwanũ, iwanã, huni txakabubũ shinãkubaĩmisbuki, ha dikabi ha dapi hiweabu hatu uĩbiakĩ ana hatu duawatikiri shinã pewamarã.

Provérbios 21:19

Hawẽ aĩ hawaira sinatai ha itxakayamakũkaĩmisbe habe hiwearã, bikaki. Haska binuirã, hari tsua hiweabuma anu ana bikama hiwekũkaini haska peki.

Provérbios 21:8

Haska huni txakabubũ shinaĩ hiwemisburã, hawa mestẽma hawẽ bai kayatapiamaki. Hamẽ haska huni pepabu hiwekĩ hatu uĩmamisburã, hawa txakabu hakiri hãtxaisbuma pepabu bestiki.