Provérbios 21:8 - Kaxinawá Bíblia (BR)

⁸ Haska huni txakabubũ shinaĩ hiwemisburã, hawa mestẽma hawẽ bai kayatapiamaki. Hamẽ haska huni pepabu hiwekĩ hatu uĩmamisburã, hawa txakabu hakiri hãtxaisbuma pepabu bestiki.

Provérbios 21:8 Referencias Cruzadas

Provérbios 15:26

Huni txakabubu yubakaibu Senhor Deusũ hawa betxipaiama hatu danãmiski. Hakia habũ hãtxa txakabu yuisbuma hatũ hãtxa pe bestiwẽ Senhor Deus benimakũkaĩmiski.

Provérbios 21:9

Hiwe ewapa hawẽrua anu hiweshũ aĩbũ hawẽ bene ha a txakayamakĩ hiwe txakamamisrã, haska hiwea pemaki. Hamẽ ha binumai huni betsã hiwe manaũri tsuara deshũ betsa ewapama anu ha mesti haskanu hiwea peki.

Mateus 12:33

—Hi pepa bimiai hawẽ bimi txakabuismaki. Hamẽ hi txakabu bimiai hawẽ bimi pepaismariki. Haskawẽ taeshũ hawẽ bimi tibiwẽ hi mã unãmiski. Eãnã, ẽ pe yusĩkubaĩmiswẽ taeshũ Satanásã kuxipa ẽ hayamaki. Hakia Deusũ kuxipa ẽ haya ẽ pepaki.

Mateus 5:8

—Ha inũ, tsuabura xinã shũpĩ pepa haya habũ Deus uĩ hiweshanaibuwẽ taea benimapaketi xinaĩ benimakubaĩkanikiki.

Hechos 15:9

Nukunã, nũ Jesus ikũwaĩbu Deusũ nukũ huĩti pepawamis keska wakĩ habũri Jesus ikũwaĩbu Deusũ hawa hatu danãma hawa nuku pashkakĩ betsa wama habiaskas xinã hatube nuku waikiki.

1 Coríntios 3:3

Mã kuxipai beyariama habias matũ hiwea keska xinaĩ mã babuwẽ taea ikũwaĩ betsabube ha iki hatu dabaĩ binunãnanũ ika inũ betsa kemutapaya ha xinaĩ sinai ikũwãbuma keska xinaĩ mã hiweabukiaki.

Tito 1:15

Eskakiri mĩ hatukiri xinãkubainũ mia yuinũ nĩkawe. Hawara uke merã xinã pepa tsuabura haya ha meranua xinã pepas kaĩmakĩ pepakiri xinãmisbuki. Hamẽ habũ Jesus Cristo ikũwãbumarã, uke merã pepa besti hayama xinã txakaburi haya uĩtxakatirubuki, hatũ huĩti meranua txakabu haya kaĩmaiburã.

Tito 2:14

Deusũ nuku kupiaya hau nukũ txakabuwẽ taea nũ benuyamashanũbũ dasibi txakabu ana xinãtima wakĩ Deusũ nuku buashunũ, iwanã, Jesus Cristo yunua hamebi mawakĩ hawẽ hiwea nuku inaĩ nuku mawashuniki. Nuku haska wakĩ hawenabu kayabi pepa nuku waniwẽ taeshũ ha besti hiweshũkĩ nukũ pepa uĩmai dayashũkubainãkãwẽ.

Tito 3:3

Nukurã, habiaskari hatu itsari nukũ xinã betsa wariama hiweshũ Deus txibã pewama benua keska nishũ hamapai betsa betsapa mei kemui txakabũ dayarui nũ mapupaunibuki. Haskai hiwea txakabui betsa hawara haya uĩ haska hayatima hawẽ kemui hatuki sinatai inũ abunameama hatu danaĩ inũ betsabube danãnanaĩnã.

Tito 3:5

Nukubũ hawa wakĩ nũ peshunamabia hawẽ nui pepas hawa husiamawẽ nuku mekekĩ piskumaniki, nukũ txakabu txuka keska wakĩ. Nuku ana kaĩ bena wakĩ hawẽ hiwea bena nuku inãniki, hawẽ Yushĩ Pepawenã.

1 João 2:29

Txanima Jesus Cristõnã, hawa kaneama ini mã unaiĩ. Haskawẽ taea tsuabũra hawara Deusũ abuai akubainaiburã, pepabu Deusũ bakebu mã unãtirubuki.

1 João 3:3

Na haska dasibi hakiri xinãkĩ nũ manaiburã, nukũ xinã txakabu haki petxi nũ pepa bestikatsis ikĩ nũ benakanaii, Jesus Cristo pepani keskanũ ikarã.