Provérbios 21:7 - Kaxinawá Bíblia (BR)

⁷ Hawara yunuti kushipa pepa txibaĩ hiwei pekatsi ikamawẽ taeshũ huni txakabu mẽtsisipakĩ hatũ kushipawẽ hamapai txakabu betsa betsapa atimapa wai ibubis yamai keyushãkanikiki.

Provérbios 21:7 Referencias Cruzadas

Provérbios 10:6

Huni pepabu hatũ pepawẽ Deusũ hatu duawamiski, hawẽ pepawẽ manakukinã. Hakia huni txakabũ bemakis hatu pewabiakĩ uke merã txakabu shinaĩ hatube detenamemisbuki.

Provérbios 21:21

Tsuara hiwei pekaini ana txakabukatsi ikama pepa bestikĩ hatu uĩmaiwẽ taea hakiri hãtxa peaibu nĩkai haska hiwea betxipaimis hayashanikiki.

Jeremias 7:15

Matu haska besti wama ea bebunua matu putakĩ txaihaira ẽ matu nitxĩshanaii, Efraimnẽ enabũ ea ana txibãbuma ẽ hatu nitxini keska wariakinã”, iwanã,

Ezequiel 18:18

Ha inũ, betsarã, hatũ epã hawenabu itxakawakĩ hatu yumetsukĩ kanekĩ txakabu betsa betsapa wakubainaya hawẽ txakabuwẽ taeshũ kupikĩ hau tenãshanũbũwẽ.

Amós 5:7

Maturã, mã peirashãkãwã! Deusũ yunuti kushipa pepa betsa wai mã hawẽ Deus sinatamamisbuki. Yusĩti txanima kayabi betsa wakĩ mã txakabuwakubaĩmisbuki, hawara hawẽ hiweti pepabiakẽ mai anu txaka ureã keska wakinã.

Efésios 5:6

Tsuabũra matu beparãkĩ hamẽ matu yusĩkĩ paraĩburã, hatu nĩkayamakãwẽ. Tsuabũra Deus nĩkama hawa merabewatimakiri yusĩmisburã, Deusũ hatu kupitxakayamashanikiki. Uĩrakubaĩshãkãwẽ.