Provérbios 21:10 - Kaxinawá Bíblia (BR)

¹⁰ Tsuãra hatu txakabuwanũ, iwanã, huni txakabubũ shinãkubaĩmisbuki, ha dikabi ha dapi hiweabu hatu uĩbiakĩ ana hatu duawatikiri shinã pewamarã.

Provérbios 21:10 Referencias Cruzadas

Provérbios 12:12

Huni txakabubũ hawara txakabu betxipaikĩ shinãmisburã, hisĩ keskawẽ neshea hani pashatirubumaki. Hamẽ huni pepaburã, hi tapũ txaipa haya keska hatũ shinã pepawẽ kushipakĩ pepawakubaini mestenepa hiweabuki.

Provérbios 14:21

Hatu dapi hiweabu tsuãra merabewama danãkinã, Deusũ yusiã txibãma txakabuwaikiki. Hakia tsuara nuitapaibuwẽ nuikĩ merabewai benimakũkaĩmiski.

Provérbios 21:13

Tsuara nuitapakĩ hatu ea abiabu hawa merabewakĩ hatu uĩmaismarã, txipu habiaskariai merabe yuka iki ea iriaya ha manakukĩ tsuã hari hawa inãma ishanikiki.

Provérbios 21:9

Hiwe ewapa hawẽrua anu hiweshũ aĩbũ hawẽ bene ha a txakayamakĩ hiwe txakamamisrã, haska hiwea pemaki. Hamẽ ha binumai huni betsã hiwe manaũri tsuara deshũ betsa ewapama anu ha mesti haskanu hiwea peki.

Provérbios 3:29

Mia betxipaikĩ mikiri pe shinãmisbu mia dapi hiweabuki hatu txakabuwanũ ishũ yubakakĩ shinãyamashãwẽ.

1 Coríntios 10:6

Na haska dasibi Deusũ hatu akubiranirã, hau txakabuwẽ nũ kemuyamanũbũ Deusũ nuku yusĩkĩ haska hamapai txakabuwẽ ẽ shenipabu kemui hanu hiweabumanua debunibu nukũri shabakabi nũ hawẽ unãshanũbũ hatu akubainikiaki.

Santiago 2:13

Deusũ nuku eska washanikiki. Matu yuinũ nĩkakãwẽ. Tsuabura nũ hatuwẽ nuisbuma Deusũri nuku unãti wai nuiama ishanikiki. Hamẽ tsuabura nũ hatuwẽ nuikubaĩmisburã, hanu kupikĩ unãti waitiã hawa nuku itxakawama hatu binumakĩ nuku pasha wakĩ binumashanikiki.

1 João 2:16

Na mai anu yurabu hiweshũ akĩ tashnimaiburã, beya txakaburã, Deus anua huamaki. Haska huirã, yurabũ hatũ yura atimapawati bestiwẽ kemui inũ, hatũ beruwẽ besti mabu uĩkĩ haska abuai keska tashniai hawẽ besti kemui keĩ hiweabuki.