Êxodo 20:6 - Kaxinawá Bíblia (BR)

⁶ Hakia hatũ ea betxipaikĩ ẽ yunuti hãtxa nĩkatã txibãpakeshanaiburã, habu inũ hatũ bakebu paibu hatu beshteama hatuwẽ nuikĩ ẽ hatu duahaira wanũbariaii.

Êxodo 20:6 Referencias Cruzadas

Neemias 1:5

yuikĩ: “Nai anua Senhor Deusuũ, mĩ mekenika Deus kushipa meseki. Tsuabũra mia betxipaikĩ mĩ yunuti hãtxa inũ mĩ nemati hãtxa txibãkĩ akubainaibuwẽ nuikĩ haska mĩ hatube yubakani heneama shinãkĩ mĩ akubainaii.

Êxodo 34:7

1.000ti pakea pakubainaibu ẽ nuikipawẽ kaneama ẽ hatu mekepakemiski, hatũ txakabu hakimairã, sinatabiaibu inũ txakabuaibunã. Hakia tsuãra txakabuwakẽ hawẽ kupitiwẽ ẽ nuitirumaki, ha txakabu shinãkĩ hatu kupikinã, hatũ ibubu inũ, hatũ bakebu inũ, hatũ bababu inũ, hatũ bababũ bakebu hatube ẽ kupipakeshanaii— ikaya

Provérbios 3:1

Epaã, mĩ ẽ huni bakewẽ taeshũ ẽ yusĩti hãtxa tapĩtã hawa hakimayamashãwẽ. Ẽ yunuti hãtxa inũ ẽ nemati hãtxa shinãkubaini

João 14:15

ana nuku yuikubaĩkĩ: —Txanima mã ea abuairã, haska ẽ matu yusĩkĩ yunumis xinãkĩ ẽ hãtxa mã txibãkubaĩshanaii.

João 14:21

Haskakẽ tsuabũra ẽ yusĩa nĩkakĩ txibãkubaĩkĩ ea unãmai txanima ea abukubaĩshãkanikiki. Haska inũ, tsuabũra ea abuaibũ ẽ Epa Deusũri hatu aburiashanikiki. Haskaibu shabakabi ẽ hatu unãmashanaii, habũ txanima ea abuaiburã— nuku waya

Hechos 2:39

Nukuna bestimaki. Haska Deus yubakani ma akikiki. Matu dasibibu inũ matũ bakebu inũ txaihaira manibaunabu nukũ Shanẽ Ibu Deus haska matukiri yubakairã, dasibi matukiri iniki. Haskawẽ taeshũ hatira hawenabu wakĩ katukĩ kenakatsis ikikiki— iwanã,

Deuteronômio 4:37

Matũ shenipabu betxipai hatuwẽ nuikũkiraniwẽ taeshũ matunaburi pakubainaibu katutã hawẽ kushipa mẽtsisipahairawẽ mebinanãkĩ Egito anua Senhor Deusũ matu tashnimabiraniki.

Santiago 1:12

Tsuabũra ikũwaĩ bika betsa betsapa tenebiai babuama binukubaĩmisbu Deus hatuwẽ benimakĩ hatu manakukĩ haska habũ Deus abumamisbu haskabu hatuki Deus yubakai hiwekuĩa hatuki tanani hatu hawẽ manakushanikiki, maiti sawemakĩ akawakinã.

1 João 4:19

Deusũ dukũ nuku abukĩ taewanikẽ hawẽ taea nukuri nũ hatube abunametiruki.

1 João 5:3

Deus nũ abuairã, hawẽ yunuti inũ hawẽ nemati nũ txibãkubainaii. Hawẽ yunuti txibaĩnã, shãkamama bikamaki.

2 João 1:6

Deusũ hawẽ hãtxa yunukinã: “Nui abunamei besti hiwetiki”, anirã, ha haska yununirã, ma bebũkiri mã nĩkaniki. Haskawẽ taea nuikipai hiwekubaĩkãwẽ.