Êxodo 20:5 - Kaxinawá Bíblia (BR)

⁵ Ha yushĩ betsa betsapa dami tibi anurã, ha bebũ dãti ishũ duawakĩ kẽwãyamakubaĩshãkãwẽ. Matũ mekenika Senhor Deusrã, ẽ eaki, tsuabura enabu washũ hatu mekei ẽ hatu yaushimisrã. Habũ ea danãkĩ dami betsa kẽwaĩbu hatũ ibubũ txakabuwamisbuwẽ taeshũ hatũ bakebu inũ, hatũ bababu inũ, hatũ bababũ bakebu ẽ hatu kupikubaĩshanaii.

Êxodo 20:5 Referencias Cruzadas

1 Reis 19:10

Eliasĩ kemakĩ yuikĩ: “Senhor Deusuũ, ẽ mia yaushihairaii, miwẽ nuihairairã. Mĩ nukũ mekenika Deus kushipahaira dasibi binuawẽ taearã. Haska ẽ shenipabube mĩ hatube yubakabiani Israelĩ enabũ mia henetã mia hanushũ kẽwãti txi tapu di akĩ keyutã hatũ matxatu txaipa kenuhairawẽ mĩ hãtxa yuishunikabu hatu tenãkĩ ma keyuyamabuki. Ea besti ẽ hiwea eari tenanũ ikĩ ea benakanikiki”, aka

2 Reis 23:26

Josias haskabiakũkainaya hawẽ hutxi shanẽ ibuhaira Manassésĩ txakabuhaira wakubainiwẽ taea Judá enabuki Senhor Deus sinatãkũkaini Judá enabuki sinatani heneama hawa daeama ikũkainaiwẽ taeshũ

2 Reis 5:18

Hau ea kupiyamashanũ na besti Senhor Deus ea yukashũkubaĩshãwẽ. Yushibu Rimom kẽwãti hiwe anushũ ẽ shanẽ ibuhairatũ kẽwaĩ kakĩ ẽ pũyã ea pũtsũbaĩkĩ ea iyua ẽ habe hikikaĩ ẽ habe dãti ika beti ikũkainaya ẽ txakabu Senhor Deusũ hau ana shinãyamanũ ea yukashũkubaĩshãwẽ, hau ea kupiyamashanunã— aka

2 Reis 5:27

Haskawẽ taea Naamã bitxiki txamima shushakaĩshurã, mikiri tekikũkaĩshanikiki. Mia bestimarã, mĩ bakebu pakubainaibu ha bitxiki txami ipapakeshãkanikiki— aka ana dayashunama Eliseũ hiwe anua tashnikaini Geazi hawẽ yura hirabi ma txami keyua matsi tãkia keska hushupahaira uinibukiaki.

Jó 5:4

Hanua hawẽ bakebu hiweyuabu tsuã hatu merabewatima hiweabu shanẽ ibubu itxashũ hatu itxakawakĩ beparãtã ana tsuã hatu nemashũtirumawẽ taeshũ

Provérbios 8:36

Hakia tsuãra txakabuwakĩ kanetã ea henebainirã, hawẽ hiwearã, ibubis txakabuwashãkanikiki. Hatũ ea danainã, hawẽ mawa betxipaikiki”, anikiaki.

Isaías 44:15

Hanushũ yurabũ hawena watã mekinã, karu wamisbuki. Tuash betsa kuatã hawẽ yumisbuki. Tuash betsa kuatã hawẽ misi bawamisbuki. Tuash betsa dami wakĩ hawẽ deus watã ha namã beti itã kẽwãmisbuki.

Isaías 44:19

Haska wabiakĩ hawa hawẽ shinãwẽ tapĩ pewama yuikĩ: “Ha hi sẽke namakis betsa tuash atã ẽ ketiã hi iki dekẽshũwẽ misi ẽ bawashuki. Ẽ nami shuishũ piriashuki. Hamẽ ha tuash betsa ẽ ha kuama bitã dami atimapa wakĩ kẽwãti yushĩ watã hi hamẽ ẽ kẽwaiĩ”, itirubuki.

Jeremias 2:9

“Eskawẽ taeshũ ea Senhor Deusũ eska ẽ matu mestẽwaiĩ: Matu inũ matũ bababu ẽ matuki ha iki taeaii.

Ezequiel 18:19

Hakia matubu yuka iki: ‘Haskakĩ hawẽ huni bake nũ kupiamamẽ, hawẽ epã txakabuwẽ taeshunã?’ mã ikaya eskaki. Matu yuinũ nĩkakãwẽ. Hawẽ huni bakẽ ẽ yunuti hãtxa inũ ẽ nemati hãtxa shinãkĩ ẽ yusĩti hãtxa txibãkubaini hatu paraĩsma inũ txanitxakaismawẽ taea txanima hiweshanikiki, ẽ merabewakubainarã.

Ezequiel 18:2

“Israelĩ enabũ hatũ beya txakabu atiani habias txibãkĩ heneama yuikĩ: ‘Uva bimi bũkash pia keska wakĩ hatũ epabũ txakabuwakubainaibu hatũ sheta masheshai keskai hatũ bakebu nuitapai bika tenekubaĩmisbuki’, haska hãtxai haskakĩ Israelĩ enabũ haska yui beshtekeriabumamẽ?

Daniel 1:2

hawenabu hau hatu atxinũ Nabucodonosor Senhor Deusũ henea Nabucodonosor hawẽ detenamenikabubetã Jerusalém atxiabu ha katxu hikikaĩ Judá enabu shanẽ ibuhaira Jeoaquim atxitã hanushũ Judá enabu mai pakea anuabu hawẽ tsuma hatu watã hanushũ hawẽ kushipawẽ Templo anua hawẽ kẽwãti mabu meribi Senhor Deusuna itxapa hau bikĩ itxawanũbũ Nabucodonosorĩ hawẽ tsumabu hatu yunua bikĩ itxawaibũ hunibu pepabu katushũ habu inũ ha mabu meribi Babilônia anu Nabucodonosorĩ hatu bumakĩ Babilônia anu bitxiabu hawẽ yushibu kẽwãti hiwe hanu mabu meketi dĩtu Sinar anu Deus kẽwãti mabu meribi Nabucodonosorĩ hatu arumanikiaki.

Daniel 3:18

Hakia nuku merabewamabia shanẽ ibuũ, mianã, uĩrahairawe. Mĩ yushibubu nũ kẽwãma inũ mane ouro dami bebũ hawa dãti ishũ nũ kẽwãmariki— akaibuwẽ taea

Números 14:33

40 ano inabu mekekubauni matũ bakebu hiwekubaũshãkanikiki. Haska dayakĩ ẽ hãtxa mã ikũwaĩsbumawẽ taeshũ 40 ano matũ txakabu kupiti matũ bakebũ matu teneshũkubaĩshãkanikiki, mã debui keyuayarã.

Mateus 4:9

Jesus yuikĩ: —Eki mesei dãti ishũ kẽwãkĩ mĩ ea shanẽ ibu waya na dasibi ẽ mia uĩmashurã, ẽ mia hatu shanẽ ibu wamakubaĩshanaii— akaya

João 15:18

ana betsa nuku yuikĩ: —Habũ xinaĩ keska mã xinãyã ea ikũwãbumã matu abukeanaii. Hakia ikũwãbuma anua ẽ matu katuni habũ xinaĩ keska mã ana xinãmawẽ taeshũ ea dukũ danãxĩshũ maturi danãriashãkanikiki.

João 9:2

nũ hawẽ tsuma betsã Jesus yukakĩ: —Yusĩnaã, haskai na huni bekũ kaĩnimẽ? Kaĩriamakẽ tsuã Deuskiri txakabuwanimẽ? Hawẽ ibubũ animẽkaĩ? Hamebi iniraka?— aka

Romanos 1:30

Ha inũ, shetxakai hãtxa txakabumisburã, habũ Deus danãkĩ abuisbumarã, hawẽ nuibiabu benunũ ikĩ tsua nĩkaismarã, hamapai atirukiri keaĩburã, txakabu betsa betsapa benawairã, haskakĩ hatũ ibuã hãtxa danãkĩ nĩkaisbumariki.

Romanos 8:7

Ha inũ, tsuabũra Deus xinãma hawara hatũmebi hatũ xinãnẽs akatsis ikaibu haska txibãmisbu Deusũ hatu xinãma inũ Deuskiri xinãbumariki, haki petxiaburã. Habunã, Deusũ yusĩa txibãma inũ hawẽ yunua ashũtirubumariki.

1 Coríntios 10:22

Ha inũ, yushĩ dami betsa kẽwãkĩ Deus daka mã sinatamanũ, iwanã, aki ikai? Matũ kuxipawenã, mã Deus binuamẽ? Haska yushĩ dami betsa kẽwãkĩ mã husiakeakeairã, ana haska tibi akĩ Deus sinatamayamakãwẽ.

Santiago 4:4

Haskati kemaĩ yurabũ mã ikũwãkĩ pewabumaã, haskai Deus haibu wabiatã matũmebi hawara Deusũ danaĩ mã akubainai? Haskakẽ tsuabũra hawara Deusũ abuama abukĩ Deus danaĩ ana habe haibunamekatsi ikabumaki, ana txĩtũtã haki sinatamairã.

Josué 24:19

Josué hatu yuikĩ: —Nukũ mekenika Senhor Deus tari meribi pepa hiwemistũ hawenabu yaushinikawẽ taeshũ hawara txakabu mei haki patapakĩ mã duawakĩ pewatirubumaki.

Juízes 2:19

hakia hatũ shanẽ ibu unãti wanika kushipa tibi mawakubainaibũ hatũ txakabu shinaĩ ana txĩtuĩ yushibubu betsa betsapa duawakĩ kẽwaĩ hatũ epabu binui txakabu pikui hatũ beya txakabu henekatsi ikama inũ hatũ huĩti kushi pewakatsi ikama ikubainibukiaki.