Êxodo 20:4 - Kaxinawá Bíblia (BR)

⁴ “Ha inũ, betsarã, hawara hawẽ kẽwãti dami wakĩ yushĩ itsa wayamakubaĩshãkãwẽ, nai anu hiweabu inũ, mai anu hiweabu inũ, hawara hene merã hiweaburã.

Êxodo 20:4 Referencias Cruzadas

1 Reis 12:28

haska shinãtã txipu hawẽ unanepabube hãtxanamei menetã ouro ina awa bake bene dami dabe Moisĩ betsa Arãonẽ ani keska hau anũbũ hatu yunua akĩ keyushũ hatũ shanẽ ibubu inũ yura itxapabu bebũ nitxiãbu metukĩ Jeroboãonẽ hatu yuikĩ: “Jerusalém anu kashũ Senhor Deus kẽwaĩ ma txai butã butãmisbu bikawẽ taeshũ na mekenika yushibu dami dabetũ Egito anua nukũ shenipabu hatũ hatu pashawanirã, naki”, hatu watã

Êxodo 32:1

ha 40 shaba binukaini mati anua Moisés yane buturiamakẽ Israelĩ enabũ uĩ Arão anu hunibus bua haki itxashũ yuikĩ: —Ha Moisĩ Egito anua hatũ nuku tashnimabiranimarã, haskashinamẽ? Nũ unãmaki. Haskakenã, nukũ mekenika yushĩ betsabu wakĩ nuku dami washũwẽ, hau hatũ iyukĩ nuku bebushũbainũbunã— akabu

Êxodo 32:23

Habũ ea yuikĩ: “Mĩ betsa Moisinã, Egito anua nuku iwebiaima haskashinamẽkaĩ nũ unãmaki. Haskakenã, nukũ mekenika yushibu dami nũ uĩkubaĩshanũ nuku ashũwẽ, hau hatũ nuku mekebaĩkĩ iyushanunã”, ea wabu

Êxodo 32:4

Arãonẽ bitã ouro pau dasibi mishki kuahairatã haki payukĩ txakã txakã akĩ ina awa baketiu wakĩ hawẽ shũpĩ wãti inũ hawẽ mastatiwẽ Arãonẽ datsa datsa akĩ shũpĩ wãkĩ ina awa bake dami wakẽ dasibibũ uĩkĩ hatu yuikĩ: —Israelĩ enabuũ, uĩkãwẽ. Narã, nukũ mekenika yushĩ deuski, hatũ Egito anua nuku tashnimabiranimarã— hatu abaunaibũ

Êxodo 32:8

Haskai pe hiwebaĩtirubu ẽ hãtxa dama ẽ hatu yuibiashina hawaira ea henei pashkatã ourowẽ ina awa bake dami washũ inãkuĩ inãkĩ yuinaka menu keyukĩ yuikĩ: “Israelĩ enabuũ, nĩkakãwẽ. Egito anua nukũ mekenika yushinẽ nuku iweimatũ dami itsaki”, akĩ ma yuibaũkanikiki, minabunã—

Êxodo 34:17

Ha dikabi mane payukĩ txakã txakã ashũ ha kẽwãti dami ana akĩ metaskayamashãkãwẽ”, atã

Isaías 42:17

Ẽ hatu haska wabainaya dami yushĩ inũ hawẽ kẽwãti tibi tsuabũra hatu yuikĩ: ‘Maturã, mã nukũ deusbuki’, hatu amisburã, haburã, hatũ damiki dakekĩ henebaĩshãkanikiki”, itã

Isaías 42:8

Earã, ẽ Senhor Deuski, ẽ kena kayabirã. Hau tsuara betsã ẽ kushipa hawena keska wakĩ hau marias duawayamanũbũ ẽ hatu yunuismaki, hãtxa pepawẽ ea besti duawakatsi ikama dami yushĩ duawaibuwẽ taeshunã.

Isaías 45:16

Tsuabũra dami yushĩ wamisburã, haburã, dakeshãkanikiki. Betsabu hatuki kashetã usãshãkanikiki.

Números 12:8

Habe hãtxairã, beisinãbukuĩ ẽ habe hãtxamiski, hãtxa shabakabiwenã. Haskai ea uĩ ebe beisinãbiamiskẽ haki dateama mã haki hãtxa txakabui ikai?” hatu wai

Hechos 17:29

Nũ haskai Deusunabukĩ nũ haska xinãtirubumabiakẽ hunibũ xinã txakakĩ Deus haska keska dabanẽ hatũ xinãwẽ habũ deus wakĩ ouro inũ prata inũ mixki dami wamisbuki.

Apocalipse 16:2

nai tsuma betsa ha dukũ kashũ hawẽ kẽtxaki Deus sinatamis mata mai anu hukaya ha yurabu mai anu hiweabu habu ha yuinaka mese atimapa habũ unãtiyabu inũ hawẽ dami kẽwãmisbu habũ yuraki txami isĩ atimapa kaĩkĩ isĩhaira hatu tenemaya

Apocalipse 9:20

Hakia ha yura tesheabu isĩ txakabuwẽ habu mawabuma habũ txakabuwakubaĩkĩ heneama yushĩ txakabu kẽwãkĩ heneabumariki. Ha inũ, yushĩ dami betsa ouro mane inũ, prata mane hushupa inũ, bronze mane taxipa inũ, mixki dami inũ, hi dami ha dami betsa betsapabũ uĩtiruma inũ, nĩkatiruma inũ, maputiruma kẽwãkĩ heneabumaki.