Êxodo 20:12 - Kaxinawá Bíblia (BR)

¹² Ha inũ, betsarã, matũ epa inũ matũ ewa duawakubaĩshãkãwẽ. Mã haska waibũ ha mai pakea anu iyushũ ẽ matu ibuwamashanai anushũ matu inũ matunabu pakubainaibu bari itxapa inãkĩ ẽ hatu duawakĩ pe hiwemapakeshanaii.

Êxodo 20:12 Referencias Cruzadas

Gênesis 48:12

hanushũ hawẽ ibuã hawẽ bakebu shãshui ika José hatu shekakĩ benãta hatu nitxĩtã hãtsiri hawẽ ibu kẽwaĩ hawẽ beya keskawẽ maĩ beti ika ibai benitã

Gênesis 50:12

Haska hatũ epã hatu yunuima akĩ Hene Jordão pukebaĩ Israelĩ yura Canaã anu bushũ Manre bari huaikiri dapi Macpela bai Heteu nawa Efrom anua hawenabu mawa hanu mai wati tãpe Abraãonẽ bini anu Israel hawẽ bakebũ mai wanibukiaki, ha mai wati mishki tãpe kini meranã.

2 Reis 2:12

haskakainai Eliseũ uĩkĩ hui kushipawẽ kenakĩ: —Epaã, epaã, Israelĩ enabu mekenika cavalõ tarãbaĩti inũ hawẽ katsaubaũti cavalo detenamenikabu itxapabu ẽ uiaiĩ— atã hanua Elias haska kainima ana txĩtũkiranai uiãma inikiaki. Eliseũ Elias ana uĩtirumawẽ taea nuihairakĩ hawẽ tari ushnikĩ namakis dis atã

Provérbios 15:5

Hatũ epã hatu nemakĩ pewamis hãtxa ha unaĩsmapabũ nĩkaisbumaki, danãkinã. Hakia unanepatũ hatũ epã hatu nemakĩ pewamis hawẽ hãtxa nĩkakĩ shabakabi hatu uĩmakubaĩmisbuki.

Provérbios 17:6

Anibubũ maiti hawẽrua keskarã, hawẽ bababu hayakubaĩmisbuki. Hatũ epabu pepabuwẽ taea hatũ bakebu kẽkubaĩmisbuki.

Provérbios 20:20

Hawẽ ibu huni kasmai hawẽ ibu aĩbu hawẽ bakẽ hatu yupukubaini mawairã, meshu tẽ ikai mesehaira anu bushãkanikiki, hatũ hiwea benuirã.

Provérbios 3:16

Unanepawenã, aĩbu duapa keskakĩ nekerishũ mĩ hiwea txaipa mia inãyã ukerishũ mabu pepa inũ yurabũ mia duawakubainai mĩ haska hiwekũkaĩtiruki.

Malaquias 1:6

Senhor Deus kushipahaira dasibi binu keyuatũ habe hawenabu hãtxashunikabu hatu yuikĩ: “Huni bakebũ hatũ epa nĩkakĩ hatu duawakubaĩmisbuki. Hawẽ tsumabũ hawẽ shanẽ ibu nĩkai haki datekubaĩmisbuki. Hakia earã, ẽ matũ Epa kayabiki. Haskakĩ ẽ hãtxa nĩkakĩ mã ea duawaismamẽ? Ha inũ, ẽ matũ shanẽ ibubiakẽ haskai ea nĩkai mã eki datekũkaĩsmamẽ? ẽ ibiaya ea danãbiakubaini hãtxa txakabukĩ yuikĩ: ‘Hawa haska wakĩ nũ mia danãmismẽ?’ mã ikaya

Mateus 19:19

Matũ ibubu duawakubaĩtiki. Haska inũ, mĩ habube hiweabu duawariakubaĩkãwẽ, ibubis nui mã mekemis keskairã— aka

Marcos 10:19

Mianã, Deusũ yunuti inũ hawẽ nematirã, mĩ unãmamẽ? Eska yuinirã: “Aĩbu mĩ aĩma txutatimaki. Huni betsaki sinatakĩ tenãtimaki. Yumetsutimaki. Huni betsaki txanitxakatimaki. Parananãtimaki. Ha inũ, mĩ epa inũ mĩ ewa duawakubaĩtiki”— aka

Marcos 7:10

Eska Moisés yununi ana matu xinãmanũ nĩkakãwẽ: “Matũ epa inũ matũ ewa merabewakĩ hatu duawakubaĩkãwẽ. Hakia matũ ibubu mã hatu itxakawaya hau matũ shanẽ ibubũ matu tenãshanũbũwẽ”, abianikẽ

Lucas 18:20

Mianã, Deusũ yunuti inũ hawẽ nemati mĩ ma unaĩnã: “Aĩbu mĩ aĩma txutatimaki. Sinatakĩ yura betsa tenãtimaki. Yumetsutimaki. Yura betsaki txanitxakatimaki. Parananãtimaki. Ha inũ, mĩ epa inũ mĩ ewa hatu duawakubaĩtiki”— aka

Efésios 5:21

Haska inũ, Cristokiri pe xinãkĩ mã duawakatsis ikairã, ikũwaĩbu betsabube binunãnãkatsis ikama hatube yununãnãma nĩkakanãkubaĩkãwẽ.

Deuteronômio 4:26

Eskawẽ shinãti shabakabi ẽ matu waii. Nai inũ mai habu txanitirubu keska wakĩ ẽ matu unãti wamaii. Na ẽ matu hãtxa wai danãkĩ mã txakabuwakĩ Senhor Deus sinatamai hauri mã kashanai anua mã debui keyushanaii. Hari mã hiwei txaipama itiruki, yamai keyuirã.

Deuteronômio 4:40

Haska natiã ẽ matu yunuai keska hawẽ yunuti inũ hawẽ nemati hãtxa Senhor Deusũ matu yunuima akĩ txibãkubaĩshãkãwẽ. Mã haska waibũ maiwã ibuwamakĩ Senhor Deusũ matu inaĩ anu matu inũ matunabu pakubaini bari itxapa hanus hiwepakeshãkanikiki”, hatu wanikiaki.

Colosenses 3:20

Bakebuũ, maturi yununũ nĩkakãwẽ. Nukũ Shanẽ Ibu benimawakinã, matũ ibubũ matu yusĩkĩ nemai nĩkakubaĩkãwẽ.

Rute 3:6

haska hawẽ yayã yunushu keskai hawẽ yura hawẽruatã bai anu kai hikitã huneshũ uiãyã

1 Samuel 22:3

hanua Moabe nawabũ maiwã pakea mae betsa Mispa anu kashũ Davĩ Moabe nawa shanẽ ibu yuikĩ: —Deusũ ea haska wai ẽ unãriama ẽ epa inũ ẽ ewa hau matube hiweyukubaĩshanũbũ ẽ mia yukaii. Haska mĩ shinaĩ keska ea yuiwe— aka shanẽ ibũ kemakĩ: —Peki. Hatu iweshãwẽ— aka nĩkabaini