Êxodo 20:13 - Kaxinawá Bíblia (BR)

¹³ Ha inũ, betsarã, e iskaũ sinatakĩ tsua tenãyamakubaĩshãkãwẽ.

Êxodo 20:13 Referencias Cruzadas

Provérbios 1:11

Tsuãra mia yuikĩ: “Nukube kawe. Hawa shinãma hatu parãtã tsuara tenanũ bukãwẽ. Hawa nuku txakabuwamabia huai daĩbaĩkĩ detenũ bukãwẽ.

Provérbios 1:18

Hakia ha huni txakabubũ hatu tenãkatsi ikĩ birũwã keska wakinã, ibubis hatũ hiwea mese wakĩ amisbuki.

Jeremias 26:15

Hawẽ hãtxa shabakabi dasibi ẽ matu yuinũ txanima Senhor Deusũ ea yunushinaki. Na ẽ matu yuishu haska shinãkatsi ikama ẽ hawamabiakẽ mã ea tenanã, matubu inũ nenu hiweabu matumebi mã txakabu ikũkaĩshanaii. Shinaĩrakãwẽ”, hatu wa

Mateus 19:18

berunãtũ Jesus yuikĩ: —Haratumẽ?— aka —Huni betsaki sinatakĩ tenãtimaki. Aĩbu mĩ aĩma txutatimaki. Yumetsutimaki. Huni betsaki txani txakatimaki.

Marcos 10:19

Mianã, Deusũ yunuti inũ hawẽ nematirã, mĩ unãmamẽ? Eska yuinirã: “Aĩbu mĩ aĩma txutatimaki. Huni betsaki sinatakĩ tenãtimaki. Yumetsutimaki. Huni betsaki txanitxakatimaki. Parananãtimaki. Ha inũ, mĩ epa inũ mĩ ewa duawakubaĩtiki”— aka

Lucas 18:20

Mianã, Deusũ yunuti inũ hawẽ nemati mĩ ma unaĩnã: “Aĩbu mĩ aĩma txutatimaki. Sinatakĩ yura betsa tenãtimaki. Yumetsutimaki. Yura betsaki txanitxakatimaki. Parananãtimaki. Ha inũ, mĩ epa inũ mĩ ewa hatu duawakubaĩtiki”— aka

Hechos 16:28

hawaira Paulõ hui kuxipawẽ yuikĩ: —Mimebi ibubis txakabuyamawe. Nuku dasibi nũ hani kamaki— ikaya

Hechos 28:4

ha hanua yurabũ hawẽ mekẽ anu dunu dunua uĩ hawẽ datei yuinamekĩ: —Na hunirã, pubẽkĩ yura betsa tenaĩmamẽkaĩ. Iãnẽwã anua pashabiashukẽ dunu yunukĩ nukũ mekenika yushĩ pepatũ hiwea inãma kupikikirã— ikaibũ

Romanos 13:9

Haska inũ, yura betsawẽ nuikĩ hatu merabewakĩ Deusũ yunuti inũ hawẽ nemati dasibi mã txibãriakubainaii. Eskaki, matu yusĩnũ nĩkairakãwẽ. Deusũ hawẽ nemati yuikĩ: “Huni aĩyãbia aĩbu betsabe txutanametimaki. Aĩbu beneyabia huni betsabe txutanametimariki. Mimebi pubẽkĩ yura betsa kupikĩ tenãtimaki. Tsuãra hamapai yumetsutimaki. Tsuara hamapai mabu hawẽrua haya kemutapa betxitã hawẽ kemutaskayamashãkãwẽ”. Ana hãtxa huneama shabakabi uĩmatirã, Deusũ yunuti binu keyuarã, eska yuiniki: “Mimebi nui mĩ mekeai keskakĩ yura betsa mibe hiweawẽ nuikĩ mekekĩ hatu xinaĩrakubaĩkãwẽ”, aniki, Moisésnã.

Gálatas 5:21

Haska inũ, hawara tsuara betsa haya binũ, iwanã, hawẽ kemuirã, beyuskĩ nushuti paepa aki paeinã, pikehaira bestinũ ika yushĩ betsa kẽwaĩ nawakĩ hamapai txakabu betsa betsapa wamisbu hanu Jesus huaitiã ha yura haskabu habe buama ishãkanikiki. Haskakẽ bebũkiri bari betsatiã ẽ matu yusĩkĩ yuima: “Hamapai txakabu betsa betsapa akaibu dũkekubaĩkãwẽ”, iwanã, habiaskari ẽ ana matu yunuaii.

1 Timóteo 1:9

Hirabibũ xinãnãkãwẽ, haska nemati tibi yununi inũ yunumisbu hayarã. Haska tibi kenekinã, pepabukiri tanakĩ akabumaki. Hakia eskawẽ taeshũ anibu keyuismaki, hatũ shanẽ ibu nĩkabiakĩ hawẽ hãtxa txibaĩsbuma inũ, txakabu tibi akĩ Deus sinatamamisbu inũ, Deuski kashekĩ hawẽ kẽwãtiki meseisbuma inũ, hawẽ epa kasmai hawẽ ewa haki pubẽkĩ tenaĩbu inũ, yura betsaki sinatakĩ tenãmisbu inũ,

Santiago 2:11

Ha inũ, Deusũ Moisés hawẽ yusĩa kenemakĩ yuikĩ: “Aĩyãbia inũ beneyabia betsabe txutanametimaki”, ani inũ: “Matũmebi pubẽkĩ yura betsa tenãtimaki”, akĩ yuinikẽ hanua mã aĩyã inũ mã beneya yura betsabe mĩ txutanameamarã, haskai mã peaii. Hamẽ haskabiai huni betsa tenãkĩ Deusũ yusĩaki meseama patapakĩ mã kanekubainaii.

Santiago 2:13

Deusũ nuku eska washanikiki. Matu yuinũ nĩkakãwẽ. Tsuabura nũ hatuwẽ nuisbuma Deusũri nuku unãti wai nuiama ishanikiki. Hamẽ tsuabura nũ hatuwẽ nuikubaĩmisburã, hanu kupikĩ unãti waitiã hawa nuku itxakawama hatu binumakĩ nuku pasha wakĩ binumashanikiki.