Esdras 6:11 - Kaxinawá Bíblia (BR)

¹¹ Tsuãra ẽ yunuti hãtxa danãkĩ nĩkama danaĩburã, hawẽ hiwe hawẽ teweti betsa pekashũ nitxĩtã debu kenutã hawẽ yura ha mamaki hanakĩ hawẽ puku nashtu anu timabaĩ pesakĩ keũshãkãwẽ. Unãshubira isĩ tenekũkaini mawaya hawẽ hiwe pekakĩ keyushũ txakabuwakĩ mese washãkãwẽ. Haska dasibi ẽ matu yunuaii.

Esdras 6:11 Referencias Cruzadas

Esdras 7:26

Mĩ mekenika Deusũ yunuti hãtxa inũ hawẽ nemati hãtxa inũ ea Pérsia nawa shanẽ ibuhairatũ ẽ yunuti hãtxa inũ ẽ nemati hãtxa danãkĩ txibãbuma hawaira hau hatu kupikubaĩshanũbũwẽ, tenaĩmẽkaĩ, ana mae betsa txaihaira anu nitxĩmẽkaĩ, pei itxapa biãkĩ kupimẽkaĩ, bitxiti hiwe anu bitximẽkaĩ. Hatiski, ẽ hãtxarã”, atã haska Artaxerxesĩ kenemanikiaki.

Ester 5:4

—Mia ha pimakĩ kẽwãkatsi piti inũ nushuti pepa ma ẽ pewabiranaii. Natiã ebetã pikatsis ikinã, Hamãri mĩ iyutiruki— atã tashnikainaya hanushũ hawẽ dayarubu Assuerõ yunukĩ:

Ester 7:10

Mardoqueu teneshnũ ishũ hatu yunua ashiãbu anu Hamã teneshabu haska waibu unãtã shanẽ ibuhaira sinatahairabiai maĩtã,

Daniel 2:5

shanẽ ibũ hatu kemakĩ yuikĩ: —Ẽ namashinarã, ma kaĩkaina ẽ hakimaki. Hakia haska namakĩ ẽ uĩshina hakiri mã ea yuikĩ unãmama matũ yura meshte meshte akĩ matu txuri washãkanikiki. Ha inũ, matũ hiwe tibi berãtã hanus maspu washãkanikiki.

Daniel 3:29

Natiã haska hatu merabewashu keska yushĩ betsã haska watirumawẽ taeshũ eã eskakiri ẽ yunuaii. Yurabu inũ shukuabu betsa betsapa inũ hãtxa betsa betsapa hawẽ hãtxamisbu anushũ Sadraque inũ, Mesaque inũ, Abede-Nego hatũ mekenika Deuskiri hãtxa txakabu tsuãra danaĩ shanẽ ibubũ hawẽ yura bais ashũ meshterabetã hau hatũ hiweri tekekĩ hanus mãtxĩkubaĩshanũbũwẽ— hatu watã