Esdras 6:12 - Kaxinawá Bíblia (BR)

¹² Jerusalém anu Senhor Deus kẽwãti hiwe hanu hawẽ kena ipakeshanai katuni akaiburã, shanẽ ibu betsã txakabuwakasmakĩ nawa betsabu pubẽkĩ txakabuwakĩ hatu bika tenemaibu Deusũ hatu kupikĩ hau hatu yamawashanũwẽ. Ea Dariõ na hãtxa eska ẽ matu yunuairã, kaneama ashũkĩ menehairashũshãkãwẽ”, anikiaki.

Esdras 6:12 Referencias Cruzadas

1 Reis 9:3

ana habe hãtxakĩ yuikĩ: “Mĩ ebe hãtxakĩ ea kẽwaĩ inũ mĩ ea ea akai mĩ hãtxa ẽ nĩkayamaki. Ha kẽwãti hiwe mĩ ma akima anu ẽ kena ikũkaĩshanaiwẽ taeshũ meribi ena wakĩ ẽ ma pepa washinaki. Mekekĩ uĩ ẽ hanu ikũkaĩshanaii.

Esdras 6:13

Haska Dariõ hatu yunuima Hene Eufrates kesha betsauri bari kaikiri mai pakea betsa yununika shanẽ ibu beshmas Tatenai inũ habianuri shanẽ ibu betsa beshmas Setar-Bozenai inũ habe dayamisbũ uĩtã haska ma hatu yunuima hawa kaneama akubaĩkĩ keyunibukiaki.

Esdras 6:14

Haska wakinã, Deusũ hãtxa yuishunika dabe Ageu inũ Idõ huni bake Zacariasĩ haska bebũkiri Deusũ hatu yuimaima keska txibãkĩ hau dayakubainũbũ Judá enabu dayarubu yununikabũ hatu yunukubainabu Deus kẽwãti Templo bena wakubaĩkĩ haska Israelĩ enabu mekenika Deusũ hatu yunuima inũ haska Pérsia nawa shanẽ ibuhairabu Ciro inũ Dario inũ Artaxerxesĩ hatu yunukubainabu txibãkĩ akubainaibũ

Esdras 7:15

Israelĩ enabũ mekenika Deus Jerusalém anu hiwea pe shinãkĩ hawa yaushiama prata pei heshe inũ ouro pei heshe nũ mia inãkuiaĩ butãwẽ.

Esdras 7:17

Jerusalém anu matũ mekenika Deus kẽwãti hiwe anu hawẽ txi tapu anushũ hau menukĩ keyushũkubaĩshanũbũ ina awa bake inũ, txashuwã bene inũ, txashuwã bake inũ, habuyabi menuti shekiwã trigo inũ, uva vinho na peiwẽ hati bikubaĩshãwẽ, hawa mina wamarã.

Esdras 7:26

Mĩ mekenika Deusũ yunuti hãtxa inũ hawẽ nemati hãtxa inũ ea Pérsia nawa shanẽ ibuhairatũ ẽ yunuti hãtxa inũ ẽ nemati hãtxa danãkĩ txibãbuma hawaira hau hatu kupikubaĩshanũbũwẽ, tenaĩmẽkaĩ, ana mae betsa txaihaira anu nitxĩmẽkaĩ, pei itxapa biãkĩ kupimẽkaĩ, bitxiti hiwe anu bitximẽkaĩ. Hatiski, ẽ hãtxarã”, atã haska Artaxerxesĩ kenemanikiaki.

Ester 8:14

Shanẽ ibuhairatũ hatu yunuawẽ taea kene bunikabu cavaloki katsaumetã hawa manama hawaira kaĩbaini buabũ shanẽ ibuhairatũ maewã kushipa Susã anu habias yunuti hãtxa hatu banabimai hatuki txaniriabaunabu

Isaías 60:12

Mai pakea betsã habũ matu betxipaisma habu yamai ana hayama ishanikiki”, iwanã,

Hechos 9:5

Saulõ dateyabi yukakĩ: —Shanẽ ibuũ, mĩ tsua ikai?— aka hanushũ ha hui tashniaitũ Saulo ana yuikĩ: —Habia ea ikũwaĩbu mĩ ea hatu itxakãwainã, ẽ eaki, Jesusrã.

Deuteronômio 12:5

Hene kesha betsauri matunabu shukuabu tibitũ mai pakea ibuwaimabũ haratura mae Senhor Deusũ ha mae katua hanu haki nukuti tari hiwe hawẽ kena hanua kaiã anu kashũ kẽwãkĩ matũ mekenika benimawakĩ mã kẽwãkubaĩtirubuki.