Esdras 6:10 - Kaxinawá Bíblia (BR)

¹⁰ Mã hatu inãkubaina Deus haska washũkĩ ẽ shanẽ ibuhaira hiweakiri inũ ẽ huni bakebu hiweakiri hau Deus habũ ea yukashũkubainũbũwẽ.

Esdras 6:10 Referencias Cruzadas

Gênesis 8:21

hawẽ kuĩ nue maiai Senhor Deusũ shetekĩ benimakĩ shinãkĩ: “Hunibu ewariama shinã txakabui taemisbuki. Hunibu ewatã habiaskari ikubaĩmisbuki. Haskabiakẽ hatu kupikatsi ikama ẽ ana mai hatu txakabuwashunama ishanaii, kupikinã. Henewẽ ẽ haska waimarã, mai anu hiweabu dasibi ẽ ana hatu tenãma ishanaii.

Esdras 1:2

“Earã, Pérsia nawa shanẽ ibuhaira Ciro eska matuki txanikĩ ẽ matu yuiai ea nĩkakãwẽ. Nawa shukuabu tibi mai hirabi anua shanẽ ibubu ẽ hatu yunukubaĩshanũ mekenika Senhor Deus nai anu hiweatũ ea katukĩ kushipa waniki. Ea haska watã Judá enabũ mai pakea anu Jerusalém anu hawẽ kẽwãti hiwe wanibu ẽ hatu ana amashanũ Senhor Deusũ ea yunuimaki.

Esdras 6:9

Ha inũ, haska Deus nai anuatũ betxipaimis hawẽ kẽwãti inabu hirabi pitiyabi menushũkĩ keyukĩ hau Deus kẽwãkubainũbũ ina awa inũ, txashuwã inũ, txashuwã bake inũ, shekiwã trigo inũ, sal inũ, uva vinho inũ, piti sheni hati matu yukaibu shaba tibi Jerusalém anu hawenabu Deusbe hãtxashunikabu hatu inãkubaĩshãkãwẽ, hawa heneamarã.

Esdras 7:23

Haska Deus nai anuatũ hawẽ hiwe anu hayakatsi matu yukai sinatamama hawaira inãkubaĩshãkãwẽ, hau ea inũ ẽ huni bakebu inũ hatishũ nukũ mai pakea ẽ matu yunuai nĩkaibu anu hawẽ kupiti hau nuku yunuyamashanunã.

Êxodo 12:32

Haska mã akatsis ishiã matũ txashuwã inũ matũ ina awa dasibi iyui burikãwẽ. Bushũ matũ mekenika yushĩ kẽwãkĩ ea dikabi yukashũkãwẽ— akĩ huĩti nishma punu nukashũ hatu nitxiã

Daniel 2:46

haska wa nĩkatã Daniel bebũ shanẽ ibuhaira Nabucodonosor dãti iki maiki beti itã hanushũ inãkuĩ inãtã sheni inĩti hau kuashunũbũ hawẽ tsumabu yunua haska yunua akĩ keyuaibũ

Efésios 5:2

Haska inũ, Cristõ nuku abukĩ Deus duawanũ ika Deusũ kupiti nuku bishuĩ mawai inĩti hawẽrua keska puekĩ Deus benimawanikẽ haska Cristo nuku ishuni keskariakĩ nukubetã ikũwaĩbu dasibibube nui abunamei hiwekubaĩkãwẽ.