АДКРЫЦЦЁ 14:15 - Кнігі Святога Пісання - Біблія - Біблія — пераклад Чарняўскага (выданне 2017 года)

І іншы анёл выйшаў са святыні, усклікаючы гучным голасам да Таго, Хто сядзіць на воблаку: «Пашлі серп Твой і пажні, бо прыйшоў час, каб жаць, бо даспела жніво зямлі».

Біблія (пераклад А.Бокуна)

І іншы анёл выйшаў з бажніцы, закрычаўшы вялікім голасам да Таго, Які сядзеў на воблаку: «Пашлі серп Твой і жні; бо прыйшла для Цябе гадзіна жніва, бо сасьпела жніво зямлі».

Біблія (пераклад В. Сёмухі)

І выйшаў другі анёл з храма і ўсклікнуў гучным голасам да таго, хто сядзеў на воблаку: пусьці серп твой і пажні; бо прыйшоў час жніва; бо жніво на зямлі дасьпела.

АДКРЫЦЦЁ 14:15 Крыжаваныя спасылкі

БЫЦЦЁ 15:6

І паверыў ён Госпаду, і Ён залічыў гэта яму за заслугу.

ІСАІ 62:1

Адносна Сіёна не буду маўчаць і адносна Ерузаліма не спачну, пакуль не ўзыдзе, як святло, справядлівасць Яго і збаўленне Яго не засвеціць, як светач.

ЕРАМІІ 51:33

Бо гэта кажа Госпад Магуццяў, Бог Ізраэля: «Дачка Бабілона — як ток у час малацьбы на ім, яшчэ крыху — і прыйдзе на яе час жніва».

ЁІЛЯ 3:13

Пашліце сярпы, бо наспела жніво, ідзіце і таўчыце, бо поўная тоўчня і выліваецца з тоўчні, бо вялікая ліхота іх.

МАЦЬВЕЯ 13:30

Дазвольце і аднаму, і другому расці да жніва. А ў час жніва скажу жняцам: “Збярыце раней кукаль і звяжыце ў пучкі, каб спаліць яго, а пшаніцу збярыце ў маё гумно”».

МАЦЬВЕЯ 13:39

а вораг, які пасеяў яго, – гэта д’ябал; жніво – канец свету, а жняцы – анёлы.

МАЦЬВЕЯ 23:32

І вы дапаўняйце мерку бацькоў вашых.

МАРКА 4:29

І, калі ўжо паспее плод, зараз гаспадар запускае серп, бо надышло жніво».

1 ФЕСАЛОНІКІЙЦАЎ 2:16

забараняюць нам гаварыць да паганаў, каб тыя былі збаўлены; і гэтак увесь час дапаўняюць мерку грахоў сваіх. Але прыйшоў нарэшце гнеў Божы на іх.

АДКРЫЦЦЁ 11:19

І адчынілася Божая святыня ў небе, і бачны стаў каўчэг запавету Яго ў святыні Яго, і зазіхацелі маланкі, і пачуліся галасы і грамы, і былі землятрусы і град вялікі.

АДКРЫЦЦЁ 13:12

І здзяйсняе ён поўную ўладу першага звера на вачах у яго, і прынукае зямлю і яе жыхароў пакланяцца першаму зверу, якога смяротная рана была залечана.

АДКРЫЦЦЁ 14:14

І ўбачыў я: і вось, воблака яснае, і на воблаку сядзеў Нехта, падобны да Сына Чалавечага, і на галаве меў Ён залаты вянец, а ў руцэ трымаў востры серп.

АДКРЫЦЦЁ 14:16

І Той, што сядзеў на воблаку, пусціў серп Свой на зямлю, і зжата была зямля.

АДКРЫЦЦЁ 14:17

І выйшаў іншы анёл са святыні нябеснай, трымаючы таксама серп востры.

АДКРЫЦЦЁ 14:18

І яшчэ іншы анёл, маючы ўладу над агнём, выйшаў ад ахвярніка і ўсклікнуў зычным голасам да таго, які трымаў востры серп, кажучы: «Пашлі серп твой востры і абрэж гронкі вінаграду зямлі, бо даспелі ягады яго».

АДКРЫЦЦЁ 15:6

і выйшлі са святымі сем анёлаў з сямю плягамі, апранутыя ў чыстае палатно ззяючае, і грудзі мелі падпяразаныя залатымі паясамі.

АДКРЫЦЦЁ 16:17

І сёмы анёл выліў сваю чару ў паветра; і пачуўся магутны голас са святыні нябеснай ад пасада, які казаў: «Споўнілася!»

АДКРЫЦЦЁ 6:10

І гаманілі яны гучным голасам, кажучы: «Госпадзе, святы і справядлівы, як доўга будзеш марудзіць з судом і помстай за нашу кроў над жыхарамі зямлі?»