3 ЦАРСТВАЎ 7:51 - Кнігі Святога Пісання - Біблія - Біблія — пераклад Чарняўскага (выданне 2017 года)

І скончыў ён усю работу, якую выконваў Саламон у святыні Госпада, і прынёс Саламон пасвячоныя бацькам сваім, Давідам, рэчы: срэбра, і золата, і посуд, і памясціў іх у скарбоўнях святыні Госпадавай.

Біблія (пераклад А.Бокуна)

І скончана была ўся праца, якую зрабіў валадар Салямон у Доме ГОСПАДА. І прынёс Салямон пасьвячоныя бацькам сваім, Давідам, рэчы: срэбра, золата і посуд, і памясьціў іх у скарбніцы Дому ГОСПАДА.

Біблія (пераклад В. Сёмухі)

Так зьвершана ўся праца, якую рабіў цар Саламон для храма Госпада. І прынёс Саламон прысьвечанае Давідам, бацькам ягоным; срэбра і золата і рэчы аддаў у скарбніцы храма Гасподняга.

3 ЦАРСТВАЎ 7:51 Крыжаваныя спасылкі

3 ЦАРСТВАЎ 15:15

І прынёс ён у святыню Госпада рэчы, пасвячоныя на ахвяру бацькам яго і ім самім: срэбра, і золата, і посуд.

3 ЦАРСТВАЎ 6:14

Дык пабудаваў Саламон святыню, і закончыў яе.

3 ЦАРСТВАЎ 6:9

І пабудаваў ён святыню, і скончыў яе; таксама абшыў ён святыню кедравымі дошкамі.

4 ЦАРСТВАЎ 25:15

кіраўнік целаахоўнікаў забраў таксама курыльніцы для духмянасцей, і келіхі, якія былі з найчысцейшага золата і срэбра;

2 ЛЕТАПІСАЎ 5:1

І так закончана была ўся праца, якую зрабіў Саламон у доме Госпада. Тады ўнёс Саламон усё, што прыракаў Давід, бацька яго: срэбра і золата, дый увесь посуд памясціў у скарбоўнях дома Божага.

2 ЛЕТАПІСАЎ 8:15

І не мінулі загады цара святароў і левітаў ва ўсім, і ў пільнаванні скарбаў.

ЭЗДРЫ 6:15

і скончаны быў гэты дом Божы трэцяга дня месяца Адар, у шосты год царавання цара Дарыя.

ВЫХАД 40:33

Паставіў ён і панадворак вакол скініі і ахвярніка, пры яго ўваходзе павесіўшы пакрывала. Такім чынам, Майсей закончыў работу.

ЗАХАРЫІ 4:9

«Рукі Зарабабэля заснавалі дом гэты, і рукі яго скончаць яго, ды ведайце, што Госпад Магуццяў паслаў Мяне да вас.