2 КАРЫНФЯНАЎ 5:11 - Біблія (пераклад В. Сёмухі)

І вось, ведаючы страх Гасподні, мы настаўляем на розум людзей, а Богу мы адкрытыя; спадзяюся, што адкрытыя і вашым сумленьням.

Біблія (пераклад А.Бокуна)

Дык, ведаючы страх Госпадавы, мы пераконваем людзей, а для Бога мы яўныя, і спадзяюся, што і для вашых сумленьняў яўныя.

Кнігі Святога Пісання - Біблія - Біблія — пераклад Чарняўскага (выданне 2017 года)

Дык, ведаючы страх Госпадаў, мы пераконваем людзей, а перад Богам мы адкрытыя. Спадзяюся, што і для сумленняў вашых мы адкрытыя.

2 КАРЫНФЯНАЎ 5:11 Крыжаваныя спасылкі

БЫЦЦЁ 35:5

І рушылі яны. І была жудасьць Божая на навакольных гарадах, і не перасьледавалі сыноў Якава.

ЁВА 18:11

З усіх бакоў будуць палохаць яго жахі і прымушаць яго кідацца туды і сюды.

ЁВА 31:23

бо страшная мне кара ад Бога: перад веліччу Яго ня ўстояў бы я.

ЁВА 6:4

Бо стрэлы Ўсемагутнага ўва мне; яд іх п'е дух мой; жудасьці Божыя паўсталі супроць мяне.

ПСАЛТЫР 73:19

Не аддай зьвярам душы Тваёй галубіцы; сходаў убогіх Тваіх не забудзь назаўсёды.

ПСАЛТЫР 76:7

узгадваю песьні мае начныя, гутару з сэрцам маім, і выпрабоўвае дух мой:

ПСАЛТЫР 90:11

бо анёлам Сваім наказвае пра цябе - ахоўваць цябе на ўсіх дарогах тваіх,

ІСАІ 19:16

У той дзень Егіпцяне будуць падобныя да жанчын і затрымцяць і забаяцца руху рукі Госпада Саваофа, якую Ён падыме на іх.

ІСАІ 33:14

Збаяліся грэшнікі на Сіёне; затрымцелі бязбожнікі: «хто з нас можа жыць пры агні пажыральным? хто з нас можа жыць пры вечным полымі?»

НАВУМА 1:6

Перад абурэньнем Яго хто ўстоіць? І хто сьцерпіць полымя гневу Яго? Гнеў Яго разьліваецца як агонь; скалы распадаюцца перад Ім.

МАЦЬВЕЯ 10:28

І ня бойцеся тых, што забіваюць цела, але ж душы забіць ня могуць; а бойцеся болей Таго, Хто можа і душу, і цела загубіць у геене.

МАЦЬВЕЯ 25:46

І пойдуць гэтыя на пакуты вечныя, а праведнікі ў жыцьцё вечнае.

ЛУКАША 12:5

а скажу вам, каго баяцца: бойцеся таго, хто, пасьля забойства, можа ўкінуць у геену; праўда, кажу вам, таго бойцеся.

ЛУКАША 16:31

Тады Абрагам сказаў яму: калі Майсея і прарокаў ня слухаюцца, дык, калі б хто і зь мёртвых уваскрэс, не павераць.

ДЗЕІ 13:43

Калі ж сход быў распушчаны, многія Юдэі і богашаноўцы, навернутыя зь язычнікаў, пайшлі сьледам за Паўлам і Варнавам, якія, размаўляючы зь імі, угаворвалі іх заставацца ў ласкавай мілаце Божай.

ДЗЕІ 18:13

кажучы, што ён вучыць людзей шанаваць Бога не па законе.

ДЗЕІ 18:4

А кожнай суботы ён прамаўляў у сынагозе і пераконваў Юдэяў і Элінаў.

ДЗЕІ 19:26

тым часам вы бачыце і чуеце, што ня толькі ў Эфэсе, але амаль ва ўсёй Асіі гэты Павал сваімі пераконваньнямі затлуміў нямала людзей, кажучы, што робленыя рукамі людзкімі - не багі;

ДЗЕІ 26:26

бо ведае пра гэта цар, перад якім і гавару сьмела; я зусім ня веру, каб ад яго было што-небудзь з гэтага ўтоена; бо гэта не ў закутку адбывалася;

ДЗЕІ 28:23

І прызначыўшы дзень яму, вельмі многія прыйшлі да яго ў гасьцініцу; і ён з раніцы да вечара выкладаў ім вучэньне пра Царства Божае і пераконваў іх за Ісуса, прыводзячы сьведчаньні з закона Майсеевага і прарокаў.

2 КАРЫНФЯНАЎ 2:17

Мы не прадаём слова Божага, як многія, а прапаведуем шчыра, як ад Бога, перад Богам, у Хрысьце.

2 КАРЫНФЯНАЎ 5:20

Вось мы - пасланыцы ў імя Хрыстовае, і як бы сам Бог умаўляе праз нас, у імя Хрыстовае просім: замірэцеся з Богам!

2 КАРЫНФЯНАЎ 6:1

А мы, як памочнікі ў працы, просім вас, каб мілата Божая ня марна была прынята вамі.

ГАЛЯТАЎ 1:10

Ці ў людзей я цяпер шукаю ўпадабаньня, ці ў Бога? ці людзям дагаджаць стараюся? Калі б я і дагэтуль дагаджаў людзям, дык ня быў бы рабом Хрыстовым.

ЭФЭСЯНАЎ 5:21

слухаючыся адно аднаго ў страху Божым.

ГАБРЭЯЎ 10:31

Страшна трапіць у рукі Бога жывога!

ГАБРЭЯЎ 12:29

таму што Бог наш ёсьць «вагонь, які паядае».

ЮДЫ 1:23

а другіх страхам ратуйце, вырываючы з вагню, выкрывайце са страхам, пагарджаючы нават вопраткаю, якая апаганена целам.

АДКРЫЦЦЁ 20:15

І хто ня быў запісаны ў кнізе жыцьця, той быў укінуты ў возера вогненнае.