НЭЭМІІ 9:13 - Біблія (пераклад А.Бокуна)

І Ты зыйшоў на гару Сынай, і гаварыў з імі з неба, і даў ім суды справядлівыя, і законы праўдзівыя, і пастановы, і прыказаньні добрыя;

Біблія (пераклад В. Сёмухі)

І сышоў Ты на гару Сінай і гаварыў зь імі зь неба, і даў ім суды справядлівыя, законы правільныя; пастановы і запаведзі добрыя.

Кнігі Святога Пісання - Біблія - Біблія — пераклад Чарняўскага (выданне 2017 года)

Таксама Ты сышоў на гару Сінай, і гаварыў з імі з неба; і даў Ты ім суд справядлівы, і закон верны, пастановы і прыказанні добрыя.

НЭЭМІІ 9:13 Крыжаваныя спасылкі

4 ЦАРСТВАЎ 17:37

І пастановы, прысуды, Закон і прыказаньні, якія Ён напісаў вам, захоўвайце, каб выконваць іх у-ва ўсе дні, а багоў чужых ня бойцеся.

ЭЗДРЫ 7:6

гэты Эзра выйшаў з Бабілону. Ён быў кніжнік, знаўца Закону Майсеевага, які даў ГОСПАД, Бог Ізраіля. I даў яму валадар усё паводле ўсякай просьбы ягонай, бо рука ГОСПАДА, Бога ягонага, [была] на ім.

ПСАЛТЫР 119:137

Ты праведны, ГОСПА­ДЗЕ, і справядлівыя суды Твае.

ПСАЛТЫР 119:160

Аснова слова Твайго — праўда, і на вякі кожны прысуд праведнасьці Тваёй.

ПСАЛТЫР 119:4

Ты загадаў, каб пільна захоўвалі загады Твае.

ВЫХАД 16:23

I ён сказаў ім: «Гэта тое, што гаварыў ГОСПАД, заўтра супачынак, святая субота для ГОСПАДА. Што маеце пячы — пячыце, і што маеце варыць — варыце, а што застанецца, пакіньце сабе на схоў да раніцы».

ВЫХАД 19:11

і няхай будуць гатовыя да трэцяга дня; бо ў трэці дзень зыйдзе ГОСПАД перад вачыма ўсяго народу на гару Сынай.

ВЫХАД 20:1

I прамовіў Бог усе словы гэтыя, кажучы:

ВЫХАД 20:22

I сказаў ГОСПАД Майсею: «Гэтак скажаш сынам Ізраіля: “Вы бачылі, што Я з неба прамаўляў да вас.

ІСАІ 64:1

О, каб Ты разьдзёр неба і зыйшоў! Перад абліччам Тваім растапіліся б горы!

ІСАІ 64:3

Калі Ты чыніш страшныя рэчы, якіх мы не чакалі, Ты зыходзіш, і перад абліччам Тваім топяцца горы!

АБАКУМА 3:3

Бог ідзе з Тэману, і Сьвяты — з гары Паран. (Сэлях) Закрыла неба слава Ягоная, і хвала Ягоная напоўніла зямлю.

РЫМЛЯНАЎ 7:16

А калі я раблю тое, што не хачу, згаджаюся з Законам, што ён — добры,

ДРУГІ ЗАКОН 33:2

І ён сказаў: «ГОСПАД прыйшоў з Сынаю і з Сэіру зыйшоў да іх; зьявіўся з гары Паран і прыйшоў з дзясяткамі тысячаў сьвятых, з правіцы Ягонай агонь палае.

ДРУГІ ЗАКОН 4:33

Ці які народ чуў голас Бога, Які прамаўляў з сярэдзіны агню, які ты чуў, і застаўся жывым?

ДРУГІ ЗАКОН 4:36

Ён даў табе з неба чуць голас Свой, каб навучыць цябе; на зямлі Ён даў табе ўбачыць агонь Свой вялікі, і Ты чуў словы Ягоныя з сярэдзіны агню.

ДРУГІ ЗАКОН 4:8

І які ж другі народ такі вялікі, які б меў пастановы і суды праведныя, як увесь гэты закон, які я сёньня даю вам?

ДРУГІ ЗАКОН 5:4

Абліччам да аблічча гаварыў з вамі ГОСПАД на гары з сярэдзіны агню.